عبور الأمل في بحر اليأس

بارت 8

لم تكُن كُسورنا بالعظام، كانت بالعُمق العميق بالروح،
والروح لا تُجبر..🖤

الكاتبة اميرة بأخلاقي

وردايات لاتنسون نجمة وتعليق ومتابعة لحسابي

»»»

..... انسحب الموبايل من إيدي ويا رجفه گلبي بهذاك الموقف انداريت وأجاني كف قوي على وجهي

غاده... ولج ويا من كاعده تحجين يا مامربايه هسه الم الناس بصياحي لو شسوي صخمتي وجوهنا الله لاينطيج سالم وينك يسالم تعال شوف بنتك اشعملت واشسوت

سوفير...ماما والله بس صد.... قاطعتني

غاده... هششش كلمة منج مااسمع ولج اني ماشيلني موبايل هيج سعرة وهيج تخلين بي صخام وارقام وتخابرين من ورايا ورا ابوج

سوفير... ابجي ومااعرف شحجي غير نزلت بيه رزايل غسل ولبس وتكفخ بيه على راسي وتضربني

غاده... اني الي انطيتج وجه واني الي خليته هيج يعاملج تاليها هيج تسوين بأبوج ليل نهار يشتغل فيسبيل يعيش خانم سوفير وهيا كاعده تحجي ويا مدري منو يمااااي وين انطي وجهي من الجيران والناس

سوفير... بسج يماااا كااافي لخاطر الله واالله جزعتوني عيشتي وانتي خانكتني مليت يابشر كافي ولج يمااا كافي اكو بنت تفضح بتها هيج مو فضحتيني اكتل روحي حتى تخلصون لو شسوي دمرتو حياتي احجي و ابجي

هيا ادفر بيه وتحجي عليا وترزل اخر شي ملت من كد ماضربتني اخذت الموبايل وطلعت بس جان بي رمز

بعدها بقيت ابجي على حضي وعلى ضيمي
ليما مليت ونمت...

لؤي... اهووو وين راحت هاي والله ضل بالي عليها شو بسرعه قفلت الخط هيا ماتسويها هيج

اجا اسامه

اسامه...هاااا خيرك لأاوي شكو

لؤي... والله ماادري شكلك

افرك بوجهي بيدي واباوع للموبايل حاير

اسامه... خير احجي

لؤي... جنت احجي ويا سوفير فجاة هيج سدت الموبايل وهيا ابد ماسوت هذا التصرف معقولة صار شي وياها

اسامه... لا يمعود كول يا الله يمكن شحن خلص او شوف كهرباء طفت

لؤي... ياريت هيج

اسامه... اي يمعود هسه شويه وتحاجيك كوم نروح شويه للاسواق

لؤي... مالي خلك

اسامه... يمعود دكوم

سحبني من ايدي ومشاني ويا

لؤي... كعدنا بل اسواق اكو شباب هم هناك كاعده بس اني بالي مو يمهم كلو يم يمها هم يحجون وياي واني بس يا اهز براسي يا اكول اي