لتسولفلي ؏ حزنـكك،
"اني افهمك"
ومعليٌك بالـ مسافـةة
وحتَى لُـو نحچِي برسَايل
"اني يِـمكك"
الكاتبة اميرة بأخلاقي
»»»
سالم... يلا بسرعه ام سوفير حضري نفسج حتى نروح
غادة... خير ان شاء الله وين
سالم... نروح نشوف صاحب لؤي بالمستشفى
غادة... اي صحيح عيب منهم ما رحنا لهسه
سالم... اي كال وضع استقر بس خطية مكسوره رجله گزاز فايت بأيده ما اعرف شلون الله يشافيه ويعافيه ويطلع بخير وسلامه
غادة... ياااا خطيه ربي يطلعه بخير وسلامه لاهله المهم وضعه استقر رايحه البس عاباتي واجي
سالم... سوفير بنتي احنا يمكن راح نبقى كم ساعه ديري بالج على اخوانج وكعدي اقفلي الباب واذا احد دك الباب ما تفتحينه خوش بنتي
سوفير... تمام بابا ماشي روح لا يظل بالك
غادة... اكلج سوي عشا بعدين اذا تأخرنا هواي لا تنسين مو نظل بدون عشا
سوفير... ان شاء الله يمه
"سوفير"
راحوا اهلي للمستشفى بس خلوا زينة واخواني عندي جانو يلعبون بالغرفه بالعباياتهم بعد ما راحوا ورا ربع ساعه كلت لزينة تروح تصيح لتبارك ما دام اني وحدي
سوفير... زينه وينج تعالي
زينة... ها شنو تريدين سوفير
سوفير... تكدرين تروحين على بيت جيرانا وتصيحين تبارك
زينة... بس ماما كالت لا تطلعون برا ابد اخاف تشوفها وتحجي علينا
سوفير... لا ما تحجي بس انت كوليلها سوفير كالت تاتجي بس خليها تجي من فوك السطح علمود اخاف ابوي يجي شي ما يشوفها
زينة... تمام اني اروح اصيحها واجي
سوفير... ها ولج لا تروحين لا يمين ولا شمال بسرعة صيحيها وتعالي
زينة... اي
رحت فوك فتحت باب البيتونة علمود اعرفها تجي ما ترفض لي طلب
اسمع صوت زينة تصيح بأسمي
سوفير... هااا ولج تعالي اني فوك
زينة... گلتلها اول مره طلعت امها كلتلها تصيح لتبارك كلت تبارك سوفير تصيحج تكول تاتجي من فوك السطح شوية واصعد
سوفير... تمام انت روحي جوه العبي ويا اخوانج بس ها لا تكولين لماما ترى تحجي علي بعدين
زينة... اي لا تخافين اعرف ماما تحجي عليج
الحلو بزينة صارت كلش زينه وياي وعرفت انو ماما يعني هيج تحجي وتصيح عليه اقتنعت بسرعه وراحت تلعب ويا اخواني
أنت تقرأ
عبور الأمل في بحر اليأس
Romanceرواية عراقية باللهجة العراقية»» 👇الوصف»» هناك فتاة تعيش حياة صعبة ومؤلمة. أمها تعذبها وتجعلها تشعر بالحزن العميق. لكن على الرغم من ذلك، تتمتع الفتاة بقوة داخلية هائلة وإرادة قوية. تحاول جاهدة تغيير مصيرها والبحث عن السعادة والحرية، قد تكون هناك م...
