عبور الأمل في بحر اليأس

بارت2

اشـ؏ـر بـالوحـدة ک صـوت ارجـوحـة فـي مـديـטּـة مـات جـميـ؏ اهـلهــا : ~~~~~

الكاتبة..
اميرة باخلاقي

»»»

سالم.... ولج اني تنزلين راسي بل كاع ولج تسوين هيج متوقعها منج بس هسه لكفتج

سوفير... بابا بس اسمعني والله مالي شغل بي جيت انش... قاطعني

وسحبني من ايدي ونزلني جوا اريد افهمه مايسمع مني اريد اكله مالي شغل بي ولا اعرف هوا واكف ويدحك واني ماجنت منتبهه
هوا وينزلني من الدرج يرزل ويصيح فوتني للغرفة قفل الباب وفات وياي

سالم.... هسه شكول للناس فضحتيني نزلتي راسي هسه شسوي بيج احسن شي اكتلج واخلص من يمج هيج عمرج واكفه وتصخمين وتحجين ويا اني الج اليوم اخر يوم تتنفسين بي

سوفير.... بابا والله مالي علاقه بي رحت انشر ملابس وعلى نيتي جنت اقرا شعر ماجنت ادري هوا واكف يدحك والا جان نزلت

ابجي وامسح بدموعي وجسمي كله يرجف من الخوف لان ابوي مايتفاهم لو شكد مااحلف اله واعرف انو محد راح يدافع عني بكلبي كلت ودعيت ربي اترجاك ساعدني رغم هوا ابوي جان هوا الي لازم يحميني من كلشي مو يكف هوا والدنيا سوه عليه جان افتهم مني بل اول ويسمع بعدين يحكم بس شسوي ضليت احلف وابجي مجان يسمع شفته يريد يحل حزامه مال البنطرون وجا يتقرب مني مادري الا حديدة مال الحزام صارت بوجهي خفت خليت ايدي على وجهي احس الدنيا كامت تفتر بيه وجهي كام يوجعني بس مادري وين ضربني بوجهي بس كمت اتلمس وجهي

سالم.... ولج اني هيج تسوين بيه ولج اليوم انهيج واخلص عليج الله ياخذج ويخلصني منج حتى ارتاح

غاده.... سالم عيوني افتح الباب شنو صاير شكو شنو هاي الصياح بس اهدء وافتح شكو

سالم.... ولج لكيتها فوك تشعر وتحجي وابن الجيران واكف هسه شيكولون علينا اب مامربي بنته

غاده.... صخام الصخمج سوفير سودتي وجوهنا هسه الناس تصير تشهر بينه عرفت مو كاعدا راحه واشوفج كل يوم صاعدا نازله اثاري عندج عمايل

سوفير.... بابا يكفي تضرب والله ماعندي شي فدوة بس صدكني

هم مجان يصدك وستغربت امي من كالت كل يوم اشوفها صاعدا نازله واني حتى بالحوش متخليني اطلع من نشرت الملابس هيا جانت نايمه والا مجان تخليني اصعد.... وضل يضرب بيه ابوي واني مخليه ايدي على راسي وابجي لان شكد مصيحت او سولفت مراح يصدك بعد يصدك الي شافه
جابني ضربة بوكس على راسي ماحسيت غير سودت الدنيه بوجهي ومادريت بشي بعد

سالم.... لو تموتين هين اخلص منج

زينة... فتح الباب وطلع يجر نفس من كد ماتعب من يضرب بيها حتى غمه عليها فاتت امي واني وياها اباوع مصدومة من منظر سوفير