وجَانت الصَفنة اعلَى وجهَك
هَية صحَوة وهَية غَفوة
چِنت بَس انتَ الوحِيد
اليَمة احِس ماعِندي قَوة♥
الكاتبة: اميرة بأخلاقي
»»»
سوفير... لا لاااا ماما فدوه بعد ماانام متأخرة
غادة... اني ماتسمعين كلامي
ولج
تضرب بالحزام كطعته عليه
سوفير... صرت اشهك وابجي وكلمه يزيد صوت البجي مالي امي تضربني اكثر
غادة... كم مره كتلج تسمعيني غصباً عنج هسه ترحين وتغسلين الملابس بالحوش وبماي بارد هم
سوفير... لا ماما فدوه والله الماي بارد مااكدر ومطر برا
غادة... هاي عقوبة الج حتى مرت لخ ماتعانديني
راحت وبعد شوي رجعت وصيخ بيدها
سوفير... ماما شنو هاي
اتقربت عليه سحبت اديه وخلته على باطنها الصيخ دموعي تنزل بغزارة وصريخي مله المكان
سوفير.... اااااااااخ يمممممه
غادة... ولمة تشلع كلبج
خلته ثواني يلا شالته حتى عضم اديه بين من قوات الجوية والدم صار ينز حيل ماحسيت بشي بعدها بس سواد ودوخة ومعرف شصار
فتحت عيوني اديه ملفوفة وابوي يمي يمسح على راسي ويبتسملي اطمأنيت بوجود ابوي
غادة... سالم جيت عليها اركض هيا ماسكه صيخ الطباخ وهيج حركت نفسها
سوفير... اسمعها بس مااكدر افتح عيوني احس حيلي منتهي
سالم... ليش هيج بابا كم مره كايلج لاتجين على شي يما نار او كهرباء
سوفير... واخيراً فتحت عيوني وامي تخوزر بيه حتى مااحجيله الحقيقة ماحجيت شي بس دموعي هيا الشرحت كلشي بيه اكتفيت بالصمت بس لأن لو حجيت تخلص عليا الي ع اساس هيا امي
الواقع»»»
"سوفير "
صحيت من صفنتي اخذتني للماضي اتذكر كل هالشياء ودموعي من حالهن ينزلن عشت كل هالشي وربي خلاني عايشة ومقاومة ليهسه رغم جان عمري مايتجاوز ال7سنين بس ربي جان معاية دائماً وابدا بكل مرة اكول مراح اقاوم ومراح اكدر ينطيني القوة والحيل مااحد جان وياي بمعاناتي ربي فقط ومن بعد ربي اجا لؤي عوض من الله بعد كلشي عشته سيء اجاني وملة عليا دنيتي شفت الدنيا بي وبعيونة يخليك الي حبيبي لؤي
لؤي... ويخليج اليه ياعوض سنيني وردايتي يلا نكمل نحجي القصة لو شنو ههههه
سوفير... ههههه طبعا نكمل يلا اعذرينه حبيبتي دلو هاي شوي تأثرنا احنا
الكاتبة اميرة بأخلاقي... لا عادي بس غير نكمل هالبارت على خير ههههه بدون بجي فدوه
سوفير... ها هيا نبدي يلا
أنت تقرأ
عبور الأمل في بحر اليأس
Romanceرواية عراقية باللهجة العراقية»» 👇الوصف»» هناك فتاة تعيش حياة صعبة ومؤلمة. أمها تعذبها وتجعلها تشعر بالحزن العميق. لكن على الرغم من ذلك، تتمتع الفتاة بقوة داخلية هائلة وإرادة قوية. تحاول جاهدة تغيير مصيرها والبحث عن السعادة والحرية، قد تكون هناك م...
