طاغوت (الأصليـة)

part 16

# طاغوت
لـ روان الشمري

لا تنسون التصويت بنجمه للبارت
مُتابعه لحسابي Rawan_alshammr
تعليقاتكم الحلوة بين الاسطر 🌼

__________________

رُبما تشتاقُ يوماً للذي
زرع المحبّة واختفى
لتعيشَ في الدنيا وحيدا

لا تفكّر كيفّ غاب
خلفَ أستارِ الغياب
لا يغيبُ القلبُ إلّا
إن رأى حُبًا جديدا!
________________________

دُره

أجاني لحظة إدراك وانا بينهم، شلون هيچ يصير اني مو سلعه عند أحد حتى اقبل اتزوجه وامي امي! وينها شلون قبلت هل موقف تعيشة بنتها!

هاي أم ؟ اني اعرف الأم تكون حنينه بس امي وينها؟ بنتها دتنهار وهي ساكته زين الساكت عن الحق شيطان أخرس وديانتها وين راحت؟ معقولة اني هيچ أهون عليها درة اللي چانت تخاف غياب امها عنها هسة صارت تخاف من قربها يمها !..

بدقيقه تكومت الف فكرة براسي ما اعرف شلون أردفت
دره : ما أتزوج دررره مو لعبة عدكم تقررون و تزوجون بكيفكم !!!!!

ماحسيت الا ضربة العكازة بخاصرتي
غنيـه: غنيه من تحجي الكل يسكت ومن تقرر الكل ينفذ

مختار : جدددددة شجاااج وحق ابو فاضل ما تلوين ذراعي و ما اطلع مختار اذا ما جبت ساارة ببدلة و خليتها كدام وجهج

صعد للدرج بعصبية ظل يسب و يشتم و اني الوجع مال خاصرتي اكل روحي شجاي يصير ياربي !!! دره كل مكان تدخلين الة لازم يدخلوج بمشاكلهم !! تقدمت مني وحدة

سمية : لا تاخذين بخاطرچ ترا مختار ماكو منة مو لان اخوي اگول عليه هيج لا ولله بس هوَ زلمة والنعم منة و اكيد ما راح يخلي جدة تسوي اللي تريدة

ما حجيت شي بقيت ساكتة وفكي يرچف من القهر والعصبيه چان الكُل يباوع علية بدون مايحجي جهال و كبار، أباوع بـ الوجوه اريد اشوف امي بس اشوفها اعاتبها ماكو ؟!! مشيت للديوانيه لكيتها گاعدة وي جدتي ختلت ورا الباب أسمع سوالفهن

بيداء : امي معليچ من حجيها اني اقنعها بس هدي

غنية : وحق ربج اوديها ورة الشمس اذا ما قبلت بمختار زينة الزلم زين مني و جاي ازوجها الة وذا ما قبلت يخرب الـ اتفاق الي بينة

بيداء : لالا يمة معليج اني اخليها توافق وغصب عنها

مجرد سمعت كلام امي احس ضاق النفس بصدري، طلعت من الممر للمطبخ صار بوجهي حديقة جبيرة طلعت بس حتى اكدر اتنفس من الصدمة ما نزلت دمعة مني دموعي تجمدن بعيوني گعدت صافنة هاي أمي ؟

ليش شنو سويتلها حتى تشمرني هل شمره تدري بيَ مارايدة الجيه لهل سجن نوب تريد تسجني للابـد هنا ! صافنه ما مستوعبة اللي ديصير كلها أنكلبت ضدي منو اليوكفلي ويصير سند بوجهم اذا امي اقرب الناس الي تخلت عني