طاغوت (الأصليـة)

part 15

# طاغوت
لـ روان الشمري

لا تنسون التصويت بنجمـه للبارت حبيباتي
مُتابعــة حسابي Rawan_alshammari
وتعليقاتكم الحلوة🌼

مَن أنتِ ؟
: القوية التي تَوردت الحَياة أثر إبتسامتهُا الباكية .
________________

شكيــناز

سمعتهم وبمُجرد ما إنذكر اسمي أحس إنصعقت يريدوني ارتكب جريمه هل مرة !! لا شنو جريمه سرقه ! صفنت بيها وفكرت ممكن تفيدني لمُستقبلي هل خطوة ويمكن تضرني لواقعي

على أي حبل أشتغل الواقع ام المُستقبل ؟!

رجعت للغرفه جبت دفتري وصرت ارسم ولا كأنو شفت شي او سمعت شوي وأندك الباب دخل الأويس

- عادي تجين جوة نحجي وياچ

سويت روحي ثوله
- ليش شكو شنو شتحجون ؟! .

أشر جوة راح سبقني واني بأبتسامه كمت عديت للخمسين ونزلت چانوا هو وهتان بالمضيف گاعدين بس دخلت كامو على حيلهم أتكتفت

شكيناز : خير شنو شتريدون؟

حمحم الأويس وصار يحجي انو محتاجين هل معلومات ويريد شخص سبع وياهم ومالكو إلا اني رفعت حاجبي

شكيناز : ومنو يگول متريدون تبلوني؟

الأويس : اهو دنجبي مو وكتچ تشغلين كونان البداخلچ

هَتـان : نجب انت شوفي شكيناز السالفه بسيطه حيل هو رجال وحده وضامين يمه اوراق تخص شغلي وتخص اللي چانو يهددون بيَ حتى اتنازل عن قضيه ابنهم اذا محصلتها معناه يسقط حق العداله وتنلغي الجلسه ويضيع حق مظلوم والمستندات كلها ببيته نروح بالليل والبيت فارغ فقط رجال بي وبهيج وقت يكون نايم اني ادخل اجيب الاوراق الي ضامهن بغرفته والأويس يحرس الطابق الفوك في حال اكو احد وانتَ شغلج انو تتوسطين الصاله واذا شفتي احد جاي للبيت.. طلع من جيبه صفاره صفري بهاي وبهيج راح نلتقي كلنا يمچ..

صفنت بالشغله ماخفت بالعكس هزيت راسي صاح
الاويـس : موكتلك نچره مو ياهو الچـان .

گام هتان واردف بأستعجال
- تحضرو ساعه بـ 4الفجر احنى طالعين ولازم محد يعرف بالشغله حاولوا تسدون مكانكم .

هزيت راسي طلع طفرت اكمز
شكيناز : الله راح نشتغل عصابهههه

الأويس : امدانيي وفرحانه

شكيناز : اكيدد حتى اتعلم سوالف العصابه وفد يوم اطبقهن عليكم اللهههههه

هز ايده وطلع رجعت لغرفتي اتمركص بالخفيه وصلت اخذت ملابسي وطبيت سبحت ولبست بجامه وقميص  عريضات ولفيت شعري ليفوگ ونزلت، شفت اياز گاعدة وصافنه وانتبهت عليها لأول مره صايره عدها خدود بس جسمها مايسمن مرتب بطريقه حلوة وشعرها البُني البي خيط شكار عيونها النعسانه صفنت بيه كزكزت عليه ركضت عليه جعصتهه بحضني فزت