طاغوت (الأصليـة)

part 14

#طاغوت
لـ روان الشمري

لا تنسون تعليقاتكم الحلوة
متابعه حسابي Rawan_alshammari 🦅 وأكرموني بالتصويت ونشركم للرواية حبيباتي🩵.
_________________

‏أبني ثم أهدم
‏ثم أبني ثم أهدم
‏ولستُ أدري ، ما الّذي بنيت
‏وما الّذي هَدمت .
_________________

دُره

گلبي دك بقوة من صوت اطلاق النار روحي راحت ببالي شخص واحد وتفكيري صار كُله يمه وهو حسنين، بعدت جوري من حضني و ركضت للسطح أصعد درجه أعثر درجه اول ما فتحت باب السطح صدمني منظر حسنين !!!

جسمه متوسط الگاع ظهره على الحائط و تشيرتة الابيض متشوه بالون الاحمر شهكت وحيلي  راح ركضت الة صرت قريبة عليه لزمت وجهة بخوّف

دره :  حسنين باوعلي حسنييين

ماكو رد عاكد حواجبة وأيدة على كتفه والدم متجمد على أصابعة باوعت لوجهه عركان تلكم بصعوبة

حسنين :  ددره

دره : عيونها انتَ عيونها ولك گوم انتَ مو اخوي ليش اجدامك بالگاع ياااااهو اليسدني وانتَ طايـح .

غمض عيونه متوجع كان ينزف بصورة مو طبيعية والدم متكدس حار على الارضية عضيت شفايفي من القهر  وگعته بالگاع اللي مو وكتها باوعتله روحه مفرفحه من الألم وكأن سمجه ونشف مايها رفعت راسي بحيرة صعب أختبارك ياربي الوقت متأخر وين أروح تاهت روحي ولاول مرة أحس بالضيـاع مثل  ألاعمى بـ بلد غريــب

تذكرت جوري المهبوطة جوة اتقربت منه أريد اگومه اخذه اني للمستشفى خلص دمه لكن كان ثكيل گعدت يمه أضغط على جرحه رفع راسه يحاول يسند روحه تكلم بوجـع

- خـ خاابري اصـ ـيل خل يجي 

هزيت راسي ردت أكوم بس ما كدرت اگوم احس أنشليت
حسنين :  يـيلاا درررره .

كمت على السريع نزلت صارت بوجهي جوري وجهل ينطي اللوان و دموعها عشرة عشرة وتصيح

جوري :  شبي حسنين شـبيي حبابة احجي رجلي رجلي ماكدر اكومم شوو بادنن كولي ما بي شي وللله اموت اموت اذا بيه شيي ! .

دره :  ما بيه شي  لا تخافين وين تليفوني 

گعدت على الكرويتة و هيَ صرعت راسي بالاسئله وتعرف انو حسنين بيه شي بس  متكدر تصعد  وتواجه مخاوفها اخذت تليفونه خليت جوري تفتح الرمز اتصلت اول رنة اجاني صوتة الـ نعسان

اصيل : هلا حسنين حبيبي محتاج ش..

دره :  اصــيل حـ حسنين فوگ بالسطح اقصد تصاااوب اصيل حباببب تعال راح يموت .

سد التليفون قبل لا يرد شمرت التليفون  باوعت لجوري مخطوف لونها گعدتها وخليت گلاص الماي بيدها و رجعت صعدت ركضت الة چان مغمض عيونة خليت راسة على حضني بدون وعي مسحت جبينة من العرق أمشي بأيدي على وجهه ماكو رد من ملامحه ما حجيت وياه خايفة ميرد عليَ