أيات البابلي
بقلم أنتيكا
الجزار (دم اسود) 🌼
متابعة للحساب وتصويت وتعليق بين الفقرات لطفا.
♡••••••••••••••••••••♡
كحلج والسمار البيج
كسرن عين المراية
گالو شعرج المنثور
هيل وطش بالولاية.
_البارت الأول🤍
أمشي بهدوء وبسرعة، بخوف وبقوة ، بضعف وبشجاعة، بتردد وباندفاع وجرئة
بكعب عالي وبقوة مزيفة ارسمها على شفتي في سبيل التقي بهذا الشخص الي حجولي عنه هواي من بعد معاناة البحث عنه،
تقدمت ادگ الباب بعد ما وصل دوري رفع راسه باوعلي بعيونه الكبار حسيت گلبي وگع بالگاع ولازم اتراجع لولا كلمة هو حجاها وأشر بأيدة على الكرسي الي أمام مكتبه
_تفضلي!
مشيت باتجاها واني الرجفة معتليتني هو نزل راسه يكتب باوراق گدامه يمثل انه ما مهتم لخوفي ورجفتي
اول ما گعدت استجمعت قوة الكون كله وحجيت بعد ثانيتين
_ أريد أشتكي على أمي يا حضرة المحامي..
رفع راسه متفاجأ ومصدوم وكأني اول من يشتكي عن والدته سألنه بكل فضول وهو يصغر عيونه
_بتهمه أيش؟!
_راح أحجيلك بس لطفا لاتقاطعني ولاتطلب مني أدلة لأن ماعرف بكل هذه المواضيع أجيتك من مكان بعيد على الصيت الكل گالو عنك خلال كل مسيرتك ما مضيع ولا قضية ورابح بكل قضية تستلمها..
_قبل كل شيء أسمج؟!
_كنانة..
فتح عينة على وسعهم سحب نفس قوي وبلع ريگي عيونه افترت داير مداير المكتب ورجع سأله
_ كنانة شنو؟!
_كنانة أسماعيل. .
تنفس بصعوبه ونضراته جانت كلها شكوك ومد ايدة سحب كلينكس مسح جبينه وهمس
_تفضلي أحجي.
_أني وعيت وكبرت بالميتم ما أعرف لا أب ولا أم حياتي عبارة عن مشاغل بالاطفال ودراسه ودوام خالة سلوى هي الي اعتنت بيه وربتني من جنت اصغيرة بس من كبرت صار عندي فضول قوي اعرف سبب وجودي بمثل هيج مكان، فضولي هو الي دمرني مع اني فقط ردت اعرف مكان أهلي الحقيقيين..
حاولت هواي وسألت خاله سلوى ومديرة الميتم ست شيماء وتوسلت اني من شوكت وشلون وليش اني بالميتم
جان جوابهن واحد وهو
أنت تقرأ
الجزار (دم أسود)
Actionباوعلي بنضرات صعب وصفها وعيونة تلمع وشفته ترجف متلهف عليه همس وهو يجر حسرات _بس يمچ دنگت راسي.. _شنو الفائدة؟! ما حاربت علمودي _ما اگدر أكون أناني، أنتي تستاهلين الأحسن مني _صير أناني أني أريدك تصيرررر أناااانييي... بباوعلى بنضرة كلها خيبة وعيو...
