رواية/الجزار (دم أسود)
بقلمي/آنتيكا (ايات البابلي)
للتواصل/insta: ayatalbably
لاتنسون التصويت +متابعة الحساب+التعليق بين الفقرات لطفاً
قسمت عليك بحسين ومصابة
حلم دنياي تحفضلي شبابة
لِ باسم الكربلائي
______________
بإنحراج طلعت من صدري الورقة الي ضميتها عن كنانة وشفتها بجنطة الفلوس ومديت ايدي انطيتها لهيبت
_هذي لاگيتها بالمهر تقريباً ديهدد كنانة
باوعتلي كنانة مصدومة ومافاهمه شيء فتح هيبت الورقة وقرء المكتوب
بالورقة مكتوب
_أني وياج ياكنانة والزمن طويل.
رن موبايله لهيبت و
بين ما فتح موبايله وصار يحجي
كنانة صارت تخوزر بيه لان ضميت عنها موضوع الورقة ومصدومة ما مصدگة شلون ضميت عنها
ساحت روحها اشوفها كل شوية بشخصية طغت العادة الاكثر ميولاً الها رفعت كتفها بمياعه ومصت شفتها وهي تحاول تسيطر على نفسها گدامي رادت تحجي شيء وسكتت، عيونها تفتر بكل مكان بس ماتروح عل هيبت وهذا جان اصعب عقاب اله تباوه لكل الجهات اله عيونه
مشت بدون ماتستأذن
هيبت عيونه ماشالها عنهاا وهو رافع الفون على اذنه مجرد ماشافها مشت روحه راحت وراها همس وراها بدون مايتدارك
_مأذونة
ونزل راسه بسرعه كأنه نتبه على شيء باوعت لكنانة خصرها يميل هيج وهيج من تمشي عجيتني حركه هيبت من نزل راسه مباشرة وما ضل يباوع عليها
هي دخلت منا هو سد فونه وصار يباوعلي ويشعر وعيونه مدمعه وصوته مهضوم
_منين ما يندار خصرج كمت اميل
عاقلات عيوني بس خصرج يعيل
باوعتله بقهر مابيدي شيء علي القدر هيج يريد
همس بعتاب وهو يباوعلي
_شعجب ماحجبتيهاا
_متقبل عرمة كل بنات الميتم محجبات عداها هي وترف
زفر الهوة بقوة وهمس
_سهله
_ماگتلي هسه شسوي بهاي الورقة!!!
_خليها يمي ومعليج هذا بس يهوبز مايگدر يسوي شيء بس هااا اي شيء يصير بلغيني
أنت تقرأ
الجزار (دم أسود)
Actionباوعلي بنضرات صعب وصفها وعيونة تلمع وشفته ترجف متلهف عليه همس وهو يجر حسرات _بس يمچ دنگت راسي.. _شنو الفائدة؟! ما حاربت علمودي _ما اگدر أكون أناني، أنتي تستاهلين الأحسن مني _صير أناني أني أريدك تصيرررر أناااانييي... بباوعلى بنضرة كلها خيبة وعيو...
