رواية /الجزار (دم أسود)
بقلم/ انتيكا (ايات البابلي)
للتواصل /insta:ayatalbably
لاتنسون التصويت + متابعة الحساب+التعليق بين الفقرات
♡••••••••••••♡
شلوُن بيةَ شلون بيِك
گلبي انهَ تعَود عَليك
وروُحي مو يَم جِسمي روُحي
كِمت احِسها ببيِن ايِديك
ورِدت اكُلك انتَ اني
ومِثل سَيف برُكبتي تَمُر الثَواني
ليَلي مِن دونَك اخَلصهَ
بالجكَاير والاغَاني .
تَرف : الوضع بعد خالة سلوى صار ما يطمن المربية سميرة كل دقيقة تفتح الباب عليه بطريقه همجية وابد مو حضارية وتوگف گلبي من الخوف كأنها متقصدة
لحد اخر مرة دفعت بيها الباب حسيتها دا تراقب بينة لحگتها وبيدي كلاص مي فارغ بحجة اريد مي، واشوفها تتلفت دخلت للمطبخ وسدت الباب
خليت اذني على الباب واجت كلماتها ترس بإذني
_حضرة المحامي أكثام طلعن من ربع ساعة الخالة سلوى وكنانة.... تمام... تؤمر.. يا اهلا وسهلا
فار دمي وصرت اغلي وانهضمت يعني احنه مانرتاح من اكثام هل نگس
حلفت ونذرت نذر اطش جگليت واهلهل بس يطلگها
ركضت للصالة الاولى شيماء والبنات دا يبدلن يردن يطلعن للمدرسة
جريت شيماء وگتلها بين ما الهيها انت ِ تاخذين موبايلها وتخابرين خالة سلمى
شلت الگلاص ركعته بالگاع بقت گزازة على ايدي گلبي ما نطاني اجرح نفسي بنفسي غمضت عيوني ورگعت ايدي الي بيها الگزاز عل الميز وعطت بعلوو صوتي
دقايق وبنات الميتم التمن كلهن عدا شيماء واجت سميرة تركض
_ها ها خير شكوو
_أيدييييي
_شبيها شلون صار هيجج
_مانتبهت وگع من ايدي
_يلله يلله گومي خل اضمدة الج
وصلتني لجربايتي هي ونادية،توها سميرة رادت تگوم عطت على نادية بعلو صوتي علمود سميرة تبقى يمي
_جيبيليييي ديتوللللل
هذا الحجي الوب واباوع يمين ويسرة واني ارجف شيماء سوت الي کلته الها لو بعدها!
وكل ماتريد سميرة تگوم اگوم ارعص ومجلبة بثوبها
مرة من الصيحات ردت اطيحها
المهم وحنه على گعدتنة وصار هدوء بس اني الاعيط
نززتني بصوتها وهي تگب بوجهي
_دكافييي مو افتهمنه هو جرح قابل گطمو ايدجج
أنت تقرأ
الجزار (دم أسود)
Боевикباوعلي بنضرات صعب وصفها وعيونة تلمع وشفته ترجف متلهف عليه همس وهو يجر حسرات _بس يمچ دنگت راسي.. _شنو الفائدة؟! ما حاربت علمودي _ما اگدر أكون أناني، أنتي تستاهلين الأحسن مني _صير أناني أني أريدك تصيرررر أناااانييي... بباوعلى بنضرة كلها خيبة وعيو...
