اهلا وسهلا بكم في رواية
ال جزار (دم أسود)
بقلم: أنتيكا (ايات البابلي)
للتواصل: insta: ayatalbably
متابعة للحساب ، تصويت وتعليق بين الفقرات لطفاً.
♡•••••••••••••••••♡
روحين أحنا بجسد
شيفارگ الروحين؟!
مثل الورد والغصن
مثل الرمش والعين.
_كنانة: لا الله يخليك والله حالتي المادية. ضعيفة شسوي ماعندي ادبر اوعدك اشتغل واسدلك شگد متريد واذا تحب زيد على السعر اضعاف الله يخليك
_اكثام: عندي حل ممكن يفيدج هواي يا ست كنانة بس لازم تقوين نفسج وتفكرين بعقلج ومصلحتج!
_اني جاهزة مستعدة كلشي اسوي بس اخلص من هل شيطانة
_أكثام: اكثر من مرة وصلتني قضايا ومثل حالتج ماعدهم يوفون السعر
واني اقترح عليهم مقابل ليلة وحدة افوز بقضيتهم وجانن يقبلن
بس انتي لا
مراح اطلب منج ليلة
عجبتيني وحاب أتزوجج
تتزوجيني مقابل تخلصين من أمج ؟!.
باوعتلة والدمعة بطارف عيني حسيت بعد هل صمت ماعندي كلام حسيت نفسي صرت خرسه
همس مكمل كلامة
_أذا تحبين أخذي وقتج علمود تفكرين.
صدمتي بكلامه جانت مابعدها صدمة اخذت نفس بكل هدوء وابتسمت نص ابتسامة وحجيت واني استهزء احاول اسيطر على اعصابي شكد ما اكدر
_كنانة: بهل سرعة هاي!
_اكثام: وشنو يعني خير البر عاجله
_وليش لحتى تتزوج بنية بمجرد ما التقيت وياها لقاء واحد بس!
_علمودج هيج قررت لأن ماعندج تدفعيلي ، بس الظاهر يمي ماعجبج العرض فتفضلي برة ولا تضيعيلي وقتي
نزل عينه على الاوراق ينتضر مني اطلع همست بعد صراع جبير بين عقلي وگلبي
_وبعد ما نتزوج! راح تستلم القضية! وشنو الي يثبتلي!
ابتسم نص ابتسامة وهو عينة على الاوراق وكأن جان يعرف راح اوافق على العرض همس وهو يباوعلي
_راح اقدم الاوراق حالياً ومن يحددون موعد المحكمة ماراح احضر الة اذا كنة متزوجين
_موافقة بس بشرط!
_تفضلي
_أريد مبلغ المقدم والمؤخر مايقل عن.... واستلمهم نقد!
أنت تقرأ
الجزار (دم أسود)
Actionباوعلي بنضرات صعب وصفها وعيونة تلمع وشفته ترجف متلهف عليه همس وهو يجر حسرات _بس يمچ دنگت راسي.. _شنو الفائدة؟! ما حاربت علمودي _ما اگدر أكون أناني، أنتي تستاهلين الأحسن مني _صير أناني أني أريدك تصيرررر أناااانييي... بباوعلى بنضرة كلها خيبة وعيو...
