رواية /الجزار (دم أسود)
بقلمي /أنتيكا (أيات البابلي)
للتواصل /insta:ayatalbably
لاتنسون التصويت +متابعة للحساب+التعليق بين الفقرات لطفاً
♡•••••••••••••••••••••♡
أبد ما جابرك وگايلك
احچي وياي !
وَلا أني الضَعيف
المنتظر عطفك
عَندك غيري
روح توكل الله وياك
لَتتحجج تذبها
بوضعَك وضرفك!.
ترف : واحنه على صمتنا هذا ووگفتنا ورا الميتم سمعنة اصوات ودگات على باب الميتم
ركضنا اني وخالة سلوى باتجاه الباب الامامي عايفين ورانا كنانة تترجف وتبجي بصف هيبت واخو
التفتنة بسرعة على سيارات الشرطة وهي تعلن عن نزولها امام باب الميتم،
گال الشرطي وهو يقدم بطاقته لخالة سلوى
_احنه بمهمه القاء القبض على المتهمة كنانة اسماعيل
_سلوى: شش ش شنو عيني الله يخليك خاف اكو غلط بتنا ما مسوية شيء
ضحك الشرطي نص ضحكه وهو يحجي بإستهزاء
_يا ما مسوية شيء غير طاعنه زوجها بالگزاز بضهرة
ودخل يباوعلي حسباله اني كنانة
رجعت ليورا ارجف من نضراته واني انتر بيهم
_اني مو كنانة
دخلو الشرطة شكلهم يريدون يفتشون الميتم بدون ما يفكرون بالرعب الي حسببو للاطفال
تمنيت هيبت واخو يحموها لكنانة او شردوها بالنهاية همه واگفين يم الباب الخلفي بس لا
خيبت كل ضنوني كنانة وهي تركض على الشرطة تمنعهم يدخلون للميتم وتصيح بعلو صوتها
_أني كنانة اسماعيل لا تدخلون ليجوة الاطفال يخافون
تقربو ثنين من الشرطة خلو الحدايد بإيديها
كل الي سوته شجاعة مزيفة گدام هيبت ومستحيل تگدر تكون بهل قوة،
صرت أسأل نفسي
مجرد شوفتهم رعبتني شحال لو ياخذوني؟
طلعت گدام عيونه وهي دموعها تتجارة وتبجي
هيبت مصدوم خال ايدي على وجها ومتبسمر واخو يجر بي يطلب منه يرجعون للبيت
خالتي سلوى صارت تدگ وتلطم وتبجي ركضت على موبايلها تخابر ست شيماء
ورجعت وهي ترجف وتلهث تطلب مساعدة هيبت
ركض هيبت ورا الشرطة وعاف اخو يضرب اخماس باسداس واني حرت وين اروح وانطي وجهي
أنت تقرأ
الجزار (دم أسود)
Actionباوعلي بنضرات صعب وصفها وعيونة تلمع وشفته ترجف متلهف عليه همس وهو يجر حسرات _بس يمچ دنگت راسي.. _شنو الفائدة؟! ما حاربت علمودي _ما اگدر أكون أناني، أنتي تستاهلين الأحسن مني _صير أناني أني أريدك تصيرررر أناااانييي... بباوعلى بنضرة كلها خيبة وعيو...
