#جزار (دم أسود)
بقلمي: آنتيكا (ايات البابلي)
لاتنسون التصويت +متابعة الحساب+ التعليق بين الفقرات لطفاً
♡••••••••••••••••••••••♡
هاي بوسه وشيلي دمعج
والحزن فدوة يروح
خاف روحج ميته كلش
گولي وانه انطيج روح
بس اريد اعرف بعطرج
شو بوكت الفرح زاهي؟!
وبالحزن نفسه يفوح !
_سومر : مشى جزار باتجاه غرفتة واني انتهزتها فرصة ركض للمطبخ اريد اعرف قصتي شنو شلون جنت ثمرة اغتصاب! منو امي! وليش ضامة عني وعن جزار هيج موضوع
حجيت واني ادخل للمطبخ بدون ما تحس وهيه دا تصب بالتمن
_النار دا تلسع بصدري من البارحة لليوم احجيلي كلشي يا ام جزار
صدت عليه وهي بكامل تعصيبها بعگدة حاجب عاطت بوجهي
_أني مو ام جزار ناديني أم هيبت...
_سومر : ليش مو يم أمي أني ليش يمج فهميني،
يعني لوما خالتي ام عمار تفلتها جان ضليتي ضامه عني!
يا الله اني شگد غبي
شگد غبي من صدگت بيج،
تصب اكل بدون ماتهتم لكلامي حتى وتحجي بكل برود
_نصي صوتك ماريد هيبت يسمع شيء
_سومر : اذا ماتردين هيبت يسمع شيء فاحجيلي كلشي من البداية
_نكمل اكل واحجيلك
_سومر : ماريد الاكل احجيلي الحقيقة
_اذا انتَ ماتريد فإني أريد!
تقربت عليها صرت كلشي گدامها اصُبه اريدها تكمل بسرعة وتحجيلي صَبر ما ضل عندي،
باوعتلي وهي تحجي بكل صرامه
_اذا ما اكلت مراح تسمع شيء
رديت بسرعة اتهمها،
_سومر : انتِ ليش تريدين تشلعين گلبي
_ماريد اشلع گلبك ولا شيء بس الموضوع حساس ماينحجي قبل الاكل فاتصرف طبيعي بين مانكمل
_سومر : شلون تريديني اتصرف طبيعي واني عايش ويه عائلة مو عائلتي؟! شلون واني قبل يوم عرفت انو زوجج مغتصب المرة الي تكون امي والي ماعرفت عنها شيء غير اسمهاا شلوووون؟!
تقربت يمي وخلت كفوف ايدها على وجهي وهي تتأملني بكل حنية..
_ام هيبت : اعرف الموضوع حساس بس صدگني ميستوجب كل هل عصبية، ومو مهم اذا اني امك الحقيقية او لا، المهم اني ربيتك
أنت تقرأ
الجزار (دم أسود)
Actionباوعلي بنضرات صعب وصفها وعيونة تلمع وشفته ترجف متلهف عليه همس وهو يجر حسرات _بس يمچ دنگت راسي.. _شنو الفائدة؟! ما حاربت علمودي _ما اگدر أكون أناني، أنتي تستاهلين الأحسن مني _صير أناني أني أريدك تصيرررر أناااانييي... بباوعلى بنضرة كلها خيبة وعيو...
