الجزار (دم أسود)

part 3

الجزار (دم آسود)

بلقمي/انتيكا (ايات البابلي)

للتواصل /inst:ayatalbably

متابعة للحساب، تصويت وتعليق بين الفقرات لطفاً

♡••••••••••••••••♡

‏‏عُمر گاضَي خَسارة تَريدني ارَبح بَيك؟

شتاء عام 2008 في

_سومر : طلعت فجأة عيني على السماء احاول اركز من أي بُعد تنزل قطرة المطر واتخيل شكلها، الهوة باررد والنسمات تتخلل وجهي اباوع عل الناس تركض لبيوتها هذا الي شايل موبايلة ويضوي وذاك الي يمشي بالضلمة،

قطع الكهرباء يصير كل ما يصير مطر بهذه المنطقة بالتحديد لانها شعبية بَحتة تنهدت واني اباوع على اخوي وهو يشتغل بكل جهد بدون تهاون كل همه يجمع اكبر قدر ممكن من الفلوس علمود يتزوج الانسانة الي يهواها ويوفي بوعدة الها ويطلعها من الميتم الجانو بي،

اخوي الي التقيت بي قبل خمس سنين بالضبط،
قصتنا غريبة ، والسبب والدي مع كل الاسف انه والدي،صرت اتذكر كلام خالتي كل اباوع على جزار اتذكر القصة الي انحجت الي اتذكر انها سر وما لازم احجيها حتى الاخوي الي من دمي ولحمي اخوي الي يفديني بروحه مجرد ان تطلع كلمه آه مني بلغلط رجعت ذاكرتي لليلة البارحة واني استمع لخالتي الي جنت متوقعها امي الحقيقية ويتردد صوتها بإذني وملامحها براسي وهي تبجي وتحجي بكل حرگة

آم جزار: جانت ولادتك معجزة بمقص جراح ماهر لانك كنت ثمرة اغتصاب،

واني گاعد بصفنتي وحيرتي بمحلي الي بصف محل اخوي اني ابيع السمج وهو يبيع اللحم ولاول مرة ما احس غير أيد انمدت على كتفي.

يحجي وهو يتفحصني يحاول يفهم وجعي

_شبيك اليوم! ماعاجبني حضورك.. صاير وياك شيء.

بلعت ريگي وعيوني بدت تغرگ بلدموع حسيته اتفاجأ احس نار تلسع بصدري مدا اگدر اضم شيء عنه.. شنو حتكون ردة فعلة من راح بعرف اني مو اخو الحقيقي!

بدة يلوح بأيدة يمين ويسار وعگدة حاجبة تحجي الي يريد يگولة

_يبو الغيرة؟!

_لكك لااا مابيه شيء شوية تعبان

_لتكذب

_ليش اني يا يوم جذبت عليك

_لحد الان ما مكذب بس بيوم اكتشف انك ضام شيء عني فما راح اسامحك

هزيت راسي واني متيقن

_ اتسامحني اتسامحني احجي ويه كنانة واخليها تقنعك وتسامحني

فتح عينه على وسعهم ولمعه عينه طغت على كل ملامحه حبس نفسه فجأة وبلع ريگه عيونه صارت تفتر داير مدايري ذكرته بشيء هو ما ناسي لاوف وطلع من محلي باتجاه محله