المتمردة ورجل الأعمال

الجزء الرابع والثلاثون

التفاعل مع جميع الروايات فضلاً وليس أمراً 😊 بيخلينى اعرف كام واحد حب روايتى  مثل : (تلاعب الزمن) ، ( تكتب رواية بسهولة) ، ( عشق زعيم المافيا) زلسة مستمرين
....... اسفة على تأخير البارت لإنى كنت مسافرة خارج البلد ولسه راجعه
بقلم الكاتبة: مريم البرعى 🍒💞
"""""""""""""""""""""""""""""""""""""
ودخلت منى الڤيلة وتركت أدهم سابح فى تفكيره

وكانت جميلة بتكلم احمد ونور فيديو كول وحكتلهم على كل حاجه حصلت ماعدا طبعا حكاية أدهم وتوماس وقالتلهم أن مامته تعبانه شوية وأحمد كان لسة زعلان من جميلة لإنها مشيت من غير يبقى موجود فى البيت ، انا تأسفتلك يا احمد  ، كلميه انتى يانور

نور : جميلة معملتش حاجه غلط تزعل عليها وانا لوكنت مكانها كنت هعمل اللى عملته
أحمد: انا مش زعلان انا بس متضايق منها لإنى اخوها الكبير والمفروض اى خطوة تخطوها اكون معاها أو حتى عرفها مش تيجى قبل ماتسافر بنص ساعة تقولى
جميلة : ياحمد انا مكنتش اعرف وهو خادنى معاه على استعجال
الخادم : دق دق
جميلة : اتفضل
الخادم : ادهم بيه بيقول لحضرتك العشا جاهز
جميلة : قولو حاضر نازلة
نور : خلاص يا جميلة حصل خير وكمان انا هكلمه ومتخافيش من حاجه ، روحى انتى اتعشى وخلى بالك من نفسك ، يالا بأى
جميلة : سلام ، سلام ياحمد
فى شقة احمد ونور
نور : ايه يااحمد لازم تزعل جميلة وهى فى الغربة كنت استنى لما تيجى وبعدين عاتبها
أحمد: نور انا خايف عليها ولو مختش منها موقف دلوقتى ممكن تعمل اى حاجه بعد كده ومتقوليش عليها والكلام دا ليكى انتى كمان
نور : خلاص ياخويا انا داخلة انام تصبح على خير
أحمد: وانتى من أهل الخير
جميلة لبست بجامة النوم ونزلت
منى : تاخرتى كده ليه يجميلة
حبيبتى
جميلة : اصل كنت بكلم عيلتى بيطمنو عليا
منى طيب تعالى اقعدى
جميلة قعدت فى الكرسى اللى جمب أدهم وادهم قاعد فى كرسى الاول وجمبه الناحية الأخرى والدته
أدهم : انتى قولتلهم ايه عن موضوع والدتى
جميلة كانت فاهمه هو عاوز ايه
: متخافش ماحدش يعرف بالموضوع دا وقولتلهم
انها تعبانه وكمان احمد زعلان منى علشان مقولتلوش انى مسافرة
أدهم : متخافيش لما ننزل هكلمه وهصلح الموضوع
منى : مين أحمد دا يابنتى
جميلة : دا ابن عمى هو ونور بس يعتبره اخواتى
وكملو اكل وذهبوا للليڤينج لشرب الشاى وطلعت المدام منى اوضتها لترتاح
وجميلة وادهم بيحضروا لميتينج اونلاين مع الشركة
وبعد ماخلص الميتنج
تنهدت جميلة اووه اخيرا  التفكير فى  المشروع دا خلى دماغى تقفل
وادهم كان مركز مع تعابير وشها البريئة
أدهم : اووه ، ايه رايك نخرج شوية نشم هوى
فى محل هنا بييبع كفتة حلو جدااا وجمبه كانتين بيبيع ايس كريم
جميلة بتحمس : موافقة
وذهبوا لمحل الكفته والايس كريم فى وجهة البحر والجو كان هادئ ونسيم البحر يعطيلك طاقة إيجابية
أدهم : جميلة
جميلة وهى بتاكل الايس كريم : هممم
أدهم : فى حاجه كده عاوزك تعرفيها
جميلة : بخصوص ايه
أدهم: بخصوص يعنى ..... احدهم
جميلة : أدهم مش بحب الالغاز قول اللى عاوز تقوله على طول
أدهم : انا...
جميلة نظرت لادهم بنظرات استغراب :
هسسس
الايس كريم بتاتعك هتسيح فكلها الاول سيبنا نستمتع بالجو الحلو دا واحكيلى لما نروح
خدوا صورة تذكارية ، وهمّو بالوصول إلى الڤيلة
وقبل ماتنزل جميلة من العربية : أدهم قولى بقى كنت عاوز تقولى ايه
أدهم : "انا مش عاوز  اقولها  فى الوقت دا استنى شوية لما ننزل مصر وابقى اتقدملها " اييي...مافيش انا بس مكنتش عاوزك تخافى واحنا لما ننزل مصر
هطمن اهلك عليكى
جميلة : تمام وانا كل شوية بطمنهم عليا

جميلة وادهم نزلو من العربية ودخلوا الڤيلة
أدهم : جميلة
جميلة : نعم
أدهم : تصبحى على خير
جميلة : وانت من أهل الخير
واستيقظت جميلة بدرى فى اليوم التالى وهمّت بالنزول لأسفل وهى لابسة بنطلون جينز  وايد ليج تلج وسويت ابيض قصير  منقوش و مطرز بالكرز الاحمر و
و

حزام لونه احمر غامق على البنطلون وسندل احمر كعبه قصير والحجاب ابيض سادة ، كانت جميلة تفوق الخيال
وهى راحة المطبخ لتعمل لنفسها فطار لقت مدام منى واقفا فى المطبخ
جميلة : صباح النور يامدام منى
منى : صباح النور ياجميلة ، ايه اللى مصحيكى بدرى ، مع انك وادهم جايين امبارح الساعة 4
جميلة : هيجيلى نوم  ازاى  وانا فى مكان حلو ومع ناس حلوة
مدام منى : تسلمى يجميلة يبنتى والله انتى اللى عسل
جميلة : اتفضلى اقعدى ارتاحى وانا هجهز الفطار وهجيبهولك
منى : انا بقالى كتير موقفتش فى المطبخ وعاوزة اعمل فطار بإيدى وكمان امشى رجلى اصل مليت من القاعدة
جميلة : خلاص هساعدك
وهم واقفين بيتكلمو ويهزرو نزل أدهم
أدهم : صباح النور على احلى اتنين فى حياتى
جميلة بكسوف لاحظته منى : صباح النور
منى : حاتو الفطار بقى وانا هقعد على السفرة استناكو
أدهم : هممم اكيد انتى اللى عاملة البيض والبطاطس
جميلة : أيوة صح عرفت ازاى
أدهم : اصل دى طريقة مصرية ومحدش فى الڤيلا بيعملها ، بس طعمها حلو
جميلة : خلاص المرة الجاية ابقى علمنى اعمل البيض ازاى بالطريقة الفرنسية
أدهم : من عنيا وهتيجى ايام حلوة كتير
جميلة بخجل : روح ودى الاكل وانا هجيب الجبنه
وهم بيفطرو
أدهم : انا هروح الشركة وهتاخر شوية
وانتى يجميلة هتيجى معايا لإن العمال الصينيين  قولتلهم انى فى فرنسا فهييجو فرنسا يخلصوا الميتنج هنا
جميلة : اوك ، انا جاهزة
منى باستعطاف : وهتسيبونى لوحد ، انا عائشة بقالى 5 سنين فى الڤيلة لوحدى ولا لخرج ولا بكلم حد ولما جيتو تسيبونى وتمشو
جميلة : متزعليش يامدام منى هحاول قدر الإمكان اخلص الشغل وآجى اقعد معاكى
منى :  اوعدينى انك متتأخريش علشان تكلمينى على كل حاجه
جميلة بطفولية : اشطا
أدهم بيضحك على طفوليتهم المرحة
طيب يالا يجميلة علشان تروحى بدرى
~~~~~~~~~~~~~~~~~~~~~~~~~~~~
https://pin.it/3t6eDiH  حسابى ببينتريست

https://instagram.com/mareiam_510?igshid=MTk0NTkyODZkYg== حسابى بانستقرام