في هدوء المكان تتعالي صوت العصافير التي تسبح الله سبحانه وتعالى ، وصوت الرياح الهادئة النقية يمكن سماعها بسبب هدوء فترة الشروق .
تسرب جزء من الهواء داخل غرفة كريم بسبب اطلال نافذتها المفتوحة علي الشارع، جعل كريم يشعر برجفة
نهض كريم ليغلق النافذة معلقا "الجو شكله رايق النهاردة"
"ام" قالها ياسر الذي لازال في المنزل وهو يضع كوب الشاي بعدما شرف منه شرفة
اقترب كريم منه ونظر علي جهاز الاب توب الذي يعمل عليه ياسر قائلا "ها ، وصلت لحاجة"
قال ياسر و علي ملامحه علامات الإحباط " مش عارف اوصلها ، في اكتر من ستلاف واحدة اسمها دارين ، وانا ضهري وعيني وجعوني ، أنا قاعد بقالي أكتر من تلت ساعات علي الجهاز دا "
"مش دي فكرت العبقرية ؟ " قالها كريم بسخرية
"لا خلاص مش نافعة نشوف حل تاني "
"زي ايه ؟ "
"مش عارف " قالها وهو يبعد الجهاز و يستلقي علي السرير
سأله كريم باستغراب"انت هتنام "
"مش قادر خلاص فصلت "
"يبقي اشحن ، قوم " قالها وهو يشده من ذراعه لينهض
"طب انت عايزني اعمل ايه دلوقتي "قالها ياسر وهو يحاول مقاومة كريم
"ارجع دور تاني '
"طب خمساية بس "
استسلم كريم وتركه قائلا "خمساية بس ، انت فاهم ؟"
"ام" قالها و هو يتثائب
جلس كريم علي السرير بجوار رأس ياسر الذي لم يكن نائما طوليا ، بل نام بالعرض
"ابعد دماغك دي " قالها وهو يدفع رأس ياسر
أخذ كريم جهاز الاب توب الخاص به واخذ يكمل البحث الذي بدأه هو وياسر قبل ثلاث ساعات
كتب في محرك البحث الخاص بتطبيق الفيسبوك "دارين الدسوقي"
فظهرت له عدة صفح تحمل نفس الاسم
قال وقد تملك منه الإحباط" هبدأ تاني من الأول ادخل صفحة صفحة،
ياربي مش من قلة أسماء البنات يعني يكون في أكتر من خمسمية بنت بنفس الأسم "
"استغفر الله العظيم يارب "
بعد ساعة اخري ~
"ربنا يسامحك يا جدي ، بعد البحث دا كله مطلعتش بنتيجة "
عاد إلي الصفحة الرئيسية لدي تطبيق الفيسبوك يتصفح بعض المنشورات بعد أن قرر انه سيأخذ قسطا من الراحة
وأثناء تصفحه ظهر له اعلان ممول من صفحة ما جعله يقفذ من مكانه وأخذ يصيح "ياسر...ياااسر "
حينما لم يجد ردا من صاحبه النائم ، توجه ناحيته و أمسك منخاره يسد مجري التنفس مما أدي إلي نهوض ياسر بسرعة و دفع كريم قائلة وهو يحاول أن يأخذ قدرا كبيرا من الهواء ليتنفس " انت عايز تموتني ؟" قالها بصدمة
"مش وقته الكلام دا ، بص كدا " قالها وهو يعطيه الهاتف
"انت اهبل انت كنت هتموتني عشان اعلان ؟"
"اقرأه بس "رد عليه كريم
أنت تقرأ
22 Girl & Kareem
Adventureمهمة وكلت إلي شاب يدعي كريم للبحث عن فتيات أعمامه لتنفيذ وصية جده . بدأت في ٢٠٢٣/١١/٧ يوم الثلاثاء
