تحت أشعة الشمس الحارقة ودرجة الحرارة العالية بالإضافة إلي أصوات الأطفال الصارخة مندمجة مع أصوات السيارات المزعجة في جو شاحن بالطاقة السلبية
وقف كريم بخنق و تأفف ينظر لساعته كل ثانيتين بينما ياسر يحاول تهدئته"خلاص يا كريم هتطلع اهو هانت "
رد عليه كريم بنفاذ صبر"كان لازم يعني نستناها قدام المدرسة ، وبعدين ايه كل الأطفال دي ؟"
"طبيعي يا كريم مش مدرسة "
"اوف بقي ، كنا استنيناها في اي مطعم وخلاص "
قال ياسر محاولا رفع معنويات كريم"كريم بص للجانب الإيجابي احنا كدا خلصنا اتنين من مجمل اتنين وعشرين "
قال كريم بسخرية "لا والله بجد ، دا احنا عملنا انجاز كبير "
نظر له ياسر بقرف قائلا "اتريق اتريق "
ثم نظر أمامه منتظرا قدوم لمياء التي تعمل مدرسة في احدي المدارس الابتدائية
نظر كريم لساعته مجددا قائلا " الساعة اتنين ونص ولسة مظهرتش "
رد ياسر مقترحا " اتصل عليها "
"منا عملت كدا من ربع ساعة وقالت انها طالعة اهي "
ليرد عليه ياسر "متأمنش لكلام البنات، تعرف أنا مرة كنت خارج مع بنت لطعتني في الشارع ساعتين وكل لما كنت بكلمها كانت بتقولي بلبس الكوتشي (ثم نظر لكريم وقال منفعلا ) بتلبس الكوتشي في ساعتين ؟!"
"اهدي يا بني انفعلت فجأة كدا ليه " قالها كريم وهو يحاول تهدئة ياسر هذه المرة
حاول ياسر تهدئة نفسة ونسيان تلك الذكري السيئة .
"بترن بترن " قالها كريم بحماس
"رد رد "قالها ياسر بنفس الحماس
"الو ....اه أنا لابس أسود ...اه اه واقف معايا المحامي ....أيوه اللي لابس أزرق ....أنتي فين ...اه اه شوفتك "
اغلق المكالمة ثم قال بحماس طفل "جاية ...جاية " ثم ضرب كفه بكف ياسر
بعد ثانيتين ~
قال كريم وهو يمد كفه للسلام عليها"ازي حضرتك يا أستاذة لمياء "
ظلت ناظره لكفه الممدود بضع ثواني ثم قالت وهي ترفع يداها لتعدل النظارة " مبسلمش علي رجالة "
حاول ياسر كتم ضحكته بينما قال كريم بحرج "اتفضلوا نقعد في مكان قريب "
ثم قال بداخل عقله "اومال سايبة ايدي ممدودة ساعة ليه ؟!""اتفضلوا اتفضلوا " قالها وهو يجبر نفسة علي الابتسام
في احدي المقاهي المجاورة للمدرسة ~
"طبعا مش محتاج أعرف نفسي ولا أعرفك احنا جايين ليه ، أكيد أستاذة دارين قالت لحضرتك "
"معلش ممكن ننجز لأني ورايا شغل " قالتها وهي تنظر لساعتها
أنت تقرأ
22 Girl & Kareem
Adventureمهمة وكلت إلي شاب يدعي كريم للبحث عن فتيات أعمامه لتنفيذ وصية جده . بدأت في ٢٠٢٣/١١/٧ يوم الثلاثاء