"دق دق دق" هذا هو صوت ساعة الحائط المزعجة التي تعلن عن قدوم منتصف الليل ، لقد قامت يثقب رأسي أكره هذه الساعة ، لا بل أكره هذا البيت ومن به من عائلة المجانين .
"ياسر أنت كويس ؟ " قالها كريم عندما انتبه أن ياسر ينظر إلي ساعة حائط من مدة لا بأس بها
"ياسر " قالها كريم وهو يدفه ليستيقظ من شروده
"من المريخ إلي الأرض هل تسمعني ؟ " لازال كريم يدفع ياسر وهو يتحدث
صمت صمت رهيب من ياسر لا حركة ولا كلمة فقط يحدق إلي ساعة الحائط
"أنا بدأت أقلق بجد ، ياسر أنت كويس "
وأخيرا نطق ياسر بعد أن كاد كريم أن يتصل بالطبيب
"بفكر "
رد كريم عليه قائلا "في ايه ؟ "
"في البنت اللى عليها الدور "قالها وهو لازال يحدق بساعة الحائط
"أها قلقتني عليك "قالها كريم وهو يتنفس براحة وتوجه ليجلس علي السرير وبجواره مجموعة من الأوراق
ثم أضاف قائلا "نبدأ بمين ، احنا عندنا أربع أوراق غير ورق دارين ولمياء"
"لمياء...كم أكره هذه اللمياء ، منذ أن رأيتها وأنا أريد أن أستقيل من هذه الوظيفة"
انتبه كريم أن ياسر لا يستمع له ولازال يحدق بساعة الحائط في صمت شديد .
نهض كريم بغضب وأزال الساعة من الحائط ووضعها في احدي أدراج مكتبه
"شلنا الساعة لما نشوف هتسرح في ايه تاني "
"ها ، كنت بتقول حاجة ؟ " قالها ياسر أخيرا بعدما انتبه لكريم
"والله ؟ أنا عمال أكلمك وأنت مش بترد عليا ولا كأنك هنا ، وبعدين ايه الملفت في الساعة عشان تبحلق بيها كدا ؟ "
"بعد الساعات "
"ليه وراك ايه ؟ "
رد عليه ياسر بكل حزن وأسي "حصة عند لمياء الساعة ٣ العصر "
"اها فهمت ، معلش ما أنت اللى غبي بردو ، ازاي مش عارفه إن مصر ممنوعة من الصرف " قال جملته ضاحكاً
"اسكت بقي ، أنا محامي مش مدرس عربي " قالها ياسر بغضب
"معلش معلش ، احمد ربنا ان هي هدرسك ببلاش "
"أنا مش عاوز"
"لا لازم تروح عشان ترضي تمضي الورق "
"مش رايح "قالها ياسر بعناد
"براحتك خليك طول عمرك بقي محامي متدرب ، بدل لما يبقي ليك مكتب و تحتك موظفين"
فكر ياسر بكلام كريم المعقنع فقد استطاع كريم أن يدخل له من ثغراته
"حسبي الله ونعم الوكيل " قالها ياسر وهو ينظر إلي السقف بإحباط
"يلا بلاش كلام فارغ دلوقتي وفكر معايا نبدأ بمين ؟ "
ثم أكمل كريم كلامه قائلا"قدامي أربع شهادات ميلاد "
أنت تقرأ
22 Girl & Kareem
Avventuraمهمة وكلت إلي شاب يدعي كريم للبحث عن فتيات أعمامه لتنفيذ وصية جده . بدأت في ٢٠٢٣/١١/٧ يوم الثلاثاء
