"هالوز 👀💜 ورجعنا أخيرا "
"ملحوظة: البارت قفلته مشوقة 🫣😂 والله كنت هكمله لكن قولت إن الحتة دي قفلة ممتازة لذلك قفلتها عليه عشان الحماس🫣"
"لو تفاعلكم حلو عليه هنزل البارت التاني بكره إن شاء الله 💜
قراءة ممتعة ♥️"
____________________________________________________
هدوء...هدوء لحظات من الهدوء متبعة بقليل من الصدمة من جميع أفراد عائلة الدسوقي
كان النصيب الأكبر من الصدمة للأب عندما وجد كريم واقف بجوار ابنته بداخل منزله
لم يستطع إبراهيم أن ينطق بكلمة من قوة الصدمة عليه ولكن قامت زوجته بهذا الدور
قالت إبتهال وهي تلقي بالملعقة على الطبق بعصبية
"يعني أبوكي قلك مشيه ، وأنتي تجبيه ؟!"
"هو ..."
قاطعتها والدتها إبتهال بغضب " هو ايه ها هو ايه ؟ "
"أنا شوفت...."
"شوفتي ايه ها ، شوفتي ايه ؟ "
"يا ماما اديني فرصة أكمل الجملة " قالتها ميرنا (أصغر بنات إبراهم ) بغضب
"يلهوي ، الحق يا إبراهيم ، شوف بنت بتكلم مامتها إزاي ، عملت إيه يا ربي عشان أصغر بنت في ولادي تعلي صوتها عليا " قالتها وهي تولول و تحاول أن تمزق ملابسها
"اخرسي يا ولية " قالها إبراهيم بعدما أفاق من الصدمة
استغلت ميرنا سكوت والدتها وقالت مدافعة عن نفسها"يا بابا بص أنا فعلا كنت همشيه لكني لقيت عطوة جاي ، فمكنش قدامى حل غير أني أدخله عبال لما عطوة يمشي"
توجهت الأنظار كلها ناحية كريم الواقف فى ركن الغرفة منكمش ويفكر في خطة للهروب
توتر كريم عندما وجدت العيون كلها متجهة ناحية
رفع سبابته وردد بصوت منخفض " أشهد أن لا إله إلا الله و أشهد أن محمدا رسول الله "
شاور إبراهيم لكريم ليأتي إليه ، لكن كريم يحرك رأسه بالنفي
"تعالى يلا هو أنا هتعازم عليك "قالها إبراهيم بغضب
"أنا مرتاح هنا....أنا هستني عطوة دا يمشي وبعدين همشي على طول أقسم بالله" قالها كريم وهو ينكمش على نفسه أكتر
"تعالى يلا " قالها إبراهيم بصوت أعلى
"متخلص يلا ، هو هيتعازم عليك " قالتها ميرنا وهي تشده بقوة من يده باتجاه الكرسي الوحيد الفارغ ليجلس عليه
"اترزع هنا "
"مش عايز " قالها وهو يحاول النهوض لكن يدى ميرنا تدفعه للجلوس مرة أخري
"جري ايه يا توتو أنت خايف كدا ليه " كان هذا صوت أمنية الابنة المتوسطة لإبراهيم
"أنا مسمحلكيش تقولى عليا توتو، أنا مهندس محترم "
بعد جملته ضحك كل من في الغرفة عليه ثم قاطع إبراهيم الضحك حينما قال " والبشمهندش توتو جاي في ايه بقي "
أنت تقرأ
22 Girl & Kareem
Pertualanganمهمة وكلت إلي شاب يدعي كريم للبحث عن فتيات أعمامه لتنفيذ وصية جده . بدأت في ٢٠٢٣/١١/٧ يوم الثلاثاء
