22 Girl & Kareem

لن أعتذر فكبريائي لا يسمح لذلك

تفكير.....تفكير...... تفكير....الكثير من التفكير يكاد عقلي أن يجن ، وصوت هذه الساعة مزعج ...مزعج جدا ، وما هذا الصوت ؟ أنه صوت يشبه صوت الشخير ....لحظة شخير ؟! شخير بجواري ؟! أتمنى أن أكون قد سمعت خطأ وأن لا يكون كريم هو من يشخر بجواري
التفت ياسر ليري مصدر هذا الصوت المزعج الذي يصدر بجواره ويا ليته لم يفعل هذا

"كريييييييم "قالها ياسر وهو يقفز على جسد كريم النائم

"آااااه " بالطبع هذا صوت صراخ كريم بعدما قفز ياسر بكل ثقله علي جسده

نهض كريم من نومه وأمسك بمعدته صارخا "بطني ، بموووت ، مش قادر اتنفس ، حد يتصل بالاسعاف "

"أنت نايم ؟" قالها ياسر بغضب

"توقف كريم عن الصراخ و حاول تنظيم أنفاسه ثم نظر إلى ياسر بغضب قائلا 'أنت كنت هتموتني عشان كنت نايم "

"أيوه طبعا ، أنا عمال أشتغل و سهران وأنت نايم مرتاح ؟. هي وصية مين فينا ؟ "

"عيني غفلت حبة ، ايه حرام "

"أنا مشفتش النوم دا من أول لما جيت البيت دا ، مش من حقك تنام و أنا لا "

"لا من حقي يا ياسر عشان أنت المحامي مش أنا "

"لا مش من حقك ، وأنا بقي مش شغال "

نهض كريم من علي السرير وقال بغضب "بتهددني يا ياسر ؟ "
نهض ياسر هو الآخر وقال بغضبٍ "لا يا كريم مش بهددك أنا بعرفك "

رد بغضب عليه "وأنا أصلا مش محتاجلك "

صدم ياسر مما سمعه فقال "تمام "
ثم توجه ناحية الخزانة التي سيطر عليها بملابسه ، فتحها وأخرج منها حقيبة كبيرة ثم قال وهو يخرج ملابسه ويضعها في الحقيبة "أنا تعبت لازم أخد أجازة ، أنا الوحيد هنا اللى شغال وأنت نايم طول الوقت ، لا ومش كدا وبس وبتزعقلي قدام الأغراب كل دا عشان خايف عليك وعلى فلوسك وفي الأخر مش عاجبك "

كرامة كريم لم تصمت في ذلك الوقت بل زادت من الأمر تعقيدا حينما جعلت كريم يتفوه بكلام قاسي "والله ، طب علي الأقل افتكر أفضالي وأفضال جدي عليك ، دا أنت واكل نايم شارب في بيتي وعلى حسابي و مشتكتش "

"والله ؟!" نظر له ياسر بحزن بعدما كسر شيء ما بداخله
"للدرجاتي مستحملني ؟ أنا طلعت عائق عندك لا وكمان بتصرف عليا ؟ ، لا كتر ألف خيرك يا بشمهندس كريم مش عاوز أفضالك عليا " قالها ثم غادر من الغرفة وبعد دقائق سمع كريم صوت اغلاق باب الڤيلا

قال كريم بصوت عالي"أحسن أنا أصلا مش محتاجك "

"مفكر نفسه مهم وهو أصلا معملش اي حاجه ، أنا اللى بعمل كل حاجه" قالها ثم جلس علي طرف السرير يفكر
"قال ايه هو اللى بيعمل كل حاجه ، دا بيهرب مع أول مشكلة ، جبان "

"أنا أقدر أعمل كل حاجه لوحدي هو مكنش بساعدني أصلا ، أنا اللى كنت بعمل كل حاجه"

................................._________________________...........................................