Fatal Attraction (Jamaican Novel)

•Chapter 21•

Imani Sybron

If Talissa catch me out here a smoke she ago vex, this a the only thing besides sex can relax me medz.

Mi naah go pressure her body because a how me feel, mi know mi can bruise her if me go too hard, sometimes she deserve fi cyaah walk straight but now ano the time.

Jonathon after English, me never see that coming and me look out fi everything.

The fucked up part bout it is that him nuh have no reason fi after him, Jonathan just want fi cause problems.

The puff of smoke fills the balcony, everything weh happen over the weekend a take time creep up pon me.

If Jonathan ago start a war, me no know who him ago get war wid him caz none a my man dem naah help him, him never do nutn fi dem, him affi go get some claffy and some idiot man help him.

Ruel do more fime than Jonathan ever do, from school days until now.

Him cuda threaten me all the days a me life, him still wuda come collect me school report and make sure me nuh miss no class, him never do it as no form a revenge, him do it because him know my own father never care bout me.

Me never know me mada, me and Brielle have two different mada so a me granny and aunty dem used to raise me when Jonathan did too busy a try kill off Ruel family.

Mi really want fi know why him a fight wid the man fi so long, Ruel not even remember him exist half the time fi show how him main focus a fi do him job.

Ruel do anything fi me, with the request of me not fucking around wid Talissa head.

Him start threaten me before me did even meet the girl, me naah go forget the day him a goweh leave me and English in the house and she did just come in from school, somewhere in a the house a call fi him.

Him know him daughter pretty, him did know me wuda fall in love the moment me see her.

She did come out with her hair in a neat bun, her edges styled perfectly and her uniform neat like she did just put it on.

Me never know Brielle best friend was my best friend's baby sister, never pay attention when dem post her.

Ruel wouldn't stop glare at me, watching the way me look pon him pikney. Him make sure show me him gun and remind me him can kill me because him gain me trust.

Did already make up me mind fi get Talissa, no matter how many years it takes.

Flashback>>>>>

"If me never know any better me wuda think a me a yuh fada" Ruel stated, standing there looking between me and English, "unu stubborn nuh bloodclaat".

Him shuda know better than fi tell we doh show up at the same time.

Him did have some people over fi business but we never know a das why.

English laughed at him, "weh Tali deh?".

Ruel looked at me, "she just come in, mi will shoot yuh".

"So why yaah threaten me?" I asked, laughing at him.

A baay laugh we laugh after him and Jonathan, unlike him, me cyaah make English come my house and mi would never make him go there.

Me can live with Ruel a threaten me all the time, but fi live wid anything a happen to English, matter of fact Ruel wuda kill me already.

"English!", that sound like the call of a hungry sister.