عِبره

(التعب..)

(في ملاحظه نهاية البارت .)

نكمل ...

دخلت للمكتب قالت لي استاذه عواطف..

قالت: وعد تعالي بقول لك شيء..

قلت : سمي استاذه وش بغيتي

قالت : ريم كلمتني و قالت إنها ابيك وتبي ترجع زي اول بس بحدود .
ضحكت .

قلت : تمام وأما من ناحيه الحدود قولي لها أن مافي شيء بيننا إلى أننا زملاء..

طلعت من المكتب و رحت عند صحباتي كنا شله بالفصل كنا وعد , وتين , هنادي , شهد , لمى, رغد.

( وتين صحبتي من الابتدائيه كانت وتين روحها نقيه كانت انسانه عظيمه لي و لازالت لما كنت اجلس معها وانا فيني ضيقت الدنيا تروح لو جبال على كتوفي تنزاح لهدرجه علاقتي أنا و وتيني حلوه و صافيه ) .

قالت وتين : وعد وين رحتي ؟!

قلت :
رحت للاستاذه عواطف و قالت لي أن ريم تبيني بس بحدود و قلت لها تقول ل ريم أن مابيننا شيء احنا بس زملاء و ما انكر اني انبسطت بس وصلت لمرحلة تبلد محد يعلم بها إلى الله ..

قالت : زين ما فعلتي ..

تناسيت الموضوع لاني زي ما قلت ما صرت اهتم و جلسنا نضحك و نسولف عادي ..

انتهى اليوم الدراسي ...
ملاحظه كان (يوم الاحد)

صار يوم الاربعاء كانت الأمور تمام جدا بس تعبت فجاءه كان فيني وجع لا يحتمل من الجوانب و البطن وسره كان وجع يجيب الموت صارت الساعه ست المغرب رحت للدكتور و قال بنسوي لها الاشعه الصوتيه و تحليل دم وتحليل بول ( الله يكرمكم) .

كانت التحاليل كويسه إلى تقرير الاشعه قال الدكتور هي ممكن عندها الزائده الدوديه و يمكن لا لان بالاشعه ما وضحت ف الاحسن انك تودينها ل مستشفى كبيره و كانت الساعه عشره الليل ..

رجعنا للبيت و امي قالت لابوي و اشوف ابوي يتصل وعمي الصغيره يتصل و فجأة يدخل خالي و اختي تقول لي اللبسي عبايتك بنروح للمستشفى أنا استغربت و خفت لما سمعت عمي يكلم عمي الثاني و يقول له بتجي فاتن واعطيها فلوس عشان وعد تعبانه و رايحين المستشفى و (يمكن يدخلونها للعمليات ايواه للعمليات ...)

تنهدت و لبست ورحنا الدكتور كشف علي قال هي واضح انها الزائده الدوديه بس عشان نتأكد بتحتاجين اشعه مقطعيه دخلت للاشعه و برضو ما وضحت كانت ساعه ١٢ الليل قال الدكتور لخالي بكره الصباح الساعه ٩ تجي و نسوي لها( اشعه صبغه الي هي نفسها اشعه مقطعيه بس بماده تبرد الجسم عشان توضح ) و تجي وهي صايمه قلنا تمام ..

طبعا و احنا رايحين للمستشفى كنت اكلم روز و انا ابكي و كاني كنت أودعها ركبت السياره و كلمت روز و طمنتها و رحنا و ما اكلت ولاشيء مع أن الدكتور قال صومي من الساعه ثلاث الفجر بس ما اشتهيت و رحت نمت صحيت الصباح ساعه سبع جلست و عادي بعدين تجهزنا وامي قامت و اختي قامت ورحنا اول ما دخلنا عطوني الصبغه و كنت اشربها و بردانه كنت لابسه عبايه و هودي و امشي على شمس طلعت برا المستشفى امشي على الشمس من البرد ( عطوني الف و ثمان ميه مل )و فجأة دخلو الدكاتره و دكتور الاشعه يتناقشون بعدين دخلوني على الاشعه بس ما دخلت المقطعيه دخلوني على الاشعه الصوتيه قال الدكتور الاشعه أنها الزائده الدوديه..

فجاءه جاء الدكتور اسمه احمد قال

: انتي والدتها ؟. ( يقول لامي )

امي : اي

قال : حاله المريضه حرجه جدا ليه انتم متأخرين كذا و الي وضح من الاشعه أن الزائده حجمها كبير ..

امي ما عرفت وش تسوي ..

قال : أنا بقول لكم العمليه بتكلف ٦٠٠٠ أو أكثر ف كلموا الوالد..

كلمنا ابوي و جاب المبلغ و كل شيء و فتحنا ملف لان الدكتور قال بصير تحت الملاحظه عشان ما نستعجل العمليه وكل ذا وانا صايمه ..

و ريم ما فكرت تسال عني وانا بالمستشفى تنومت و جاءت الساعه ثلاث الفجر و ........

يتبع ...

ملاحظه:

( ما أنزل البارتات بوقت محدد اذا كنت فاضيه ادخل اكتب و انشر ف يمكن باليوم انشر ثلاث أو اثنين على حسب و اتمنى انكم تتفاعلون معي و تصوتون وشكرا لكم .)

دمتم بصحة وعافية وبخير..

كانت معكم الكاتبه: ( Vt)