في يوم يعم الفرح دارهم وسعاده مالها نهايه في زواج اخوهم وبنت ولد عم ابوهم ..
اويس : عبوود
عبدالله: لبيه
اويس : متحمس
عبدالله : شرايك يعني
اويس : سعيده الحظ خذتك يالرفل اخلص علينا ساعدني وبعدها بنروح نتجهز
عبدالله: العريس مايشتغل يلا انا بروح اتجهز
وركض وبقى اويس يشيل الفراشات ويحط بالحوش جاه عبدالعزيز
عبدالعزيز: ياهلاا ب اويس اي خلك كذا سنع
اويس : لابوكم من عيال صدق
عبدالعزيز: العب معصب بساعدك لاتموت
اويس : امش اخلص الحين يجيك سهم معصب
عبدالعزيز: عادته مافي شي جديد وضحك
اويس : صادق
خالد: يعيال
اويس وعبدالله : هلا
خالد : سهم وينه؟
اويس : يوم كلمني قال عنده عمليه بيخلص ويجي
خالد : خلصوا علينا الناس بتجي بعد المغرب وانتم للحين اسرعوا
عبدالله : يلا مايقى شي
-
عند البنات الضجيج يعم يالاستشوارات والسيراميك والكوفيرات والعروسه بالوسط تتجهز ويضحكون مع بعض ومتحمسين ل اول بنت تتزوج في عايلتهم
ميان: بروح فوق اسوي لنا قهوه واجي
لمى: عاشت ميان
ميان: عاشت ايامتس
العنود : جيبي شوكلاتات كثيره
ميان: ابشروا بي
رؤيا: ااا عورتيني اذني احترقت اشم ريحتها
فطسوا ضحك البنات على شكلها ووجهها صار احمر من الاستشوار
سوسن : اختي الحمرا ماتحتاجين بلشر يالبى
رؤيا : هدوني عليها ياجماعه
العنود: اهجدن
الكوفيره : صادقه سوسن
رؤيا: بفصل عليك ذا الحين واكهربتس
ضحكت وضحكوا كلهم قاطع ضحكهم دخول ذكرى
دخلت وجايبه شبسات وعصير
ذكرى: هااايي خلصتوا لي مكان ؟ وين العاروسه بكحل عيوني
رنا : لفي وراك
لفت ذكرى وصرخت : يالبييه وش هالجمااال ياناس
سوسن : ياعمري ذكرى تعالي بخمتس مقدر اتحمل الكياته
ذكرى : جعني قبلتس ياشيخه
سوسن : خوذي بوسه ويلا اجلسي مكاني تسوي لك
ذكرى : تمام بنزل عباتي واجيكم
نزلت اغراضها وحطتهم ف غرفتها فوق ورجعت لهم وجلست بمكان سوسن
خلصوا كلهم وتزينوا وكل وحده لبست فستانها بلونها المُفضل
-
ذكرى ،،الاسود الي ماله نهايه.
ميان،، الازرق .
سوسن العروس ف تلبس ابيض اكيد
رنا،، فوشي بلون جميل .
رؤيا ،، اخضر مريح للعين .
لمى ، وردي فاتح .
العنود ،، احمر .
دنى ،، سماوي .
-
ذكرى : وين دنى
دخلت ميان بالقهوه والشوكلت وصبت لهم كلهم وجت وراها دنى
واجلسوا يتقهون بالغرفه عند ذكرى على ماتخلص
ميان: امدحوا قهوتي اموت بالمدح ترا وتأشر بعيونها على لبسها وكشختها
فهمت ذكرى وضحكت بصوت عالي وقالت: اموووت انا بالازززرق
ميان: يالبى الاسود بس القط
ضحكوا كلهم
سوسن : القط الاسود
ذكرى : مابلبس ابيض الا بزواجي او صرت سعيده بحياتي او حبيت
سكتوا كلهم وكأنهم حسوا انها مو سعيده بينهم وفعلاً كل حياتها شغل
العنود: ليه ياقلبي ؟
ذكرى: احب الاسود ياقلبي
العنود: وحنا نحب الاسود خلاص ماله داعي تعكرين مزاجنا ياذوذو
ذكرى: خلاص ابشروا
ميان: احب الاسود عليك
ذكرى : وانا احبك
سوسن: مايلبق لها الا الاسود سبحان الله
رؤيا : جد لاحظت
لمى: البسي احمر ياذوذو
ذكرى: ذوذو عشان البس صحح وضحكت
لمى: ايي كيف عرفتي ياذوذو المهم البسي احمر
ذكرى: اذا وقعت بالحُب بلبسه يالمو
الكوفيره: خلاص خلصت شعرك روحي ل الثانيه تسوي ميكبك
ذكرى: لا م ابي بسوي لنفسي
الكوفيره اوكي
ام عبدالله: بنات الضيوف برا ترا اسرعن اطلعن
رؤيا: مخلصين جايين يلا جو الصبابات ؟
ام عبدالله : اي ياقلبي كل شي جاهز بس لازم حضوركم
طلعوا كلهم بكشختهم وزينتهم وكل وحده تقول الزين عندي
اما ذكرى طلعت فوق على طول ودخلت غرفتها وقفلت الباب وركبت سماعه ب اذنها وشغلت اغنيتها المفضله وبدت تتمايل وتسوي ميكب سريع وهذي فقرتها الي ممكن تبعدها عن الحياه كلها
تبلس وتغني وتحط روج وتغني ونزلت ونست السماعه ب اذنه شهقت وقالت : ياغبرا ب اذني يافشلي رجعت فوق وطفت الايباد وطفت السماعه ونزلت تحت
دخلت اخر الضيوف ووقفت وسلمت على الحريم والكل يمدح فيها واسلوبها الحلو
ام سهم: اعرفكم ياحريم هذي بنتي
الحريم ترددت اصواتهم بين: ماشاءالله ، الله يخليها لك
ام سهم: امين يارب
وشغلوا اغاني وبدوا يرقصون كلهم والبنات ويتمايلون بغنج الي لابق لهم فعلاً وكلهم حلوين احتاروا الحريم فيهم كل وحده حاضره بس عشان تخطت لولدها منهم وهم كلهم يبون الزواج بالحُب
-
"عند الرجال "
دخلوا الرجال وصوت المسدسات والرشاشات عاليه جداً والكل مستانس ل اول حفيد يتزوج من عايلة ال حثلين وعايله ال شيخ وبدت عرضه نجد سهم كان واقف يستقبل الضيوف ويرحب فيهم نادوه عبدالله و اويس ل اجل يعرض معهم
اويس: سهمم يالسهم
سهم: هلا
اويس: اعرض معنا
سهم: جاي
جاء سهم وتمسكوا كلهم بشكل مبهر وجميل جداً ومسك السيف وبدا يعرض كان هو لحاله يكفي يعرض من هيبته وجماله
عبدالاله: عااااش ابن عموو
سهم اكتفى بالابتسامه
اويس : ابن عمو اجل ابوك يالغيره
عبدالاله: شتبي صمها انت
(التكمله في الانستا ينزل قبل الواتباد)🩷
