-
1:17
غارق بتفكيره عند الموج منسدح باليخت وسط البحر مايسمع غير صوت تفكيره والموج حب البحر من لما كانوا يطلعون رحلات حس هذا هو هذا نفسه يغرق كثير ويحركه الموج ابتسم بخفوت من تذكر شكلها رفع راسه يناظر النجوم ونطق: عينٍ تطاول شهب وتسامر نجوم لا ماتناظر بالسماء كل حايم ّ ابتسم من خطر هالكلام على باله وكيف قادر يرتب كلامه بمجرد مايفكر فيها صار يحبها بشكل غريب ويتمنى تكون عنده وبحضنه وجنبه تمنى هي الحين تناظر معه النجوم بقق عيونه يناظر فوق كويس همس بصوته الغارق : نجم سهيل ابتسم وتخيل : هذا انتي يانجمتي وضحك من تفكيره قام يحرك اليخت متوجه لبيته الي كان يبعد عن البحر ساعه فقط .
-
بعد أيام طويله مليانه بهدوء تام محد كان يدري عن الثاني وعن أخباره بسبب غلطه من بنت ماكان لها أي تصرف بس وش قالوا ؟ الحب يفعل المستحيل وأنا ل اجلك خذيت هالخطوه وماتهمني العقابات بس أنت ؟
-
الساعه 12الظهر الجمعه
أم ذكرى: بسام
بسام: هلا؟
امنه: دق على ابو سهم خله يجي هو وزوجته وعياله نبي نفطر بالحوش الجو زين
بسام: يلا
أخذ جوال يتصل بعد مده أسبوع من وصله صوته يحي به: هلا هلا بصديق عمي وينك مختفي ؟
خالد : أنا المختفي ولا أنت؟
ضحك بسام: ماندري منهو المختفي المهم اليوم عازمك على الفطور تعال أنت واهلك الجو ممتاز
خالد: ابشر من عيني هذي قبل هذي جايك فك الباب
ضحك بسام: ابشر
-
صحت تحس بطاقه ايجابيه وتحس نفسها مروقه جداً أخذت روبها ومشت تأخذ شور طلعت على دخول أمها ونطقت: دنو
لفت لها وعقدت حواجبها بمعنى وش؟
أم سهم: يلا بنطلع الحين عند ذكرى
ابتسمت دمى لها ونطقت: تمام
مشت تاركتها .
-
اجتمعوا واخيراً اليوم اعز الأصدقاء على احلى فطور من بين ضحكات وسوالف وافكار عن المستقبل وحياه مليئه بالاُمنيات
نطقت ذكرى: حي حي من جانا الله حيه
ابتسمت دنى: حيك يابنت العم
ذكرى غمزت لها ونطقت: شعندك ؟ ابتسامات من اليوم ؟ لهدرجه مشتاقه لي يعني ولا إيش ؟
ضحكت دنى من فهمت ونطقت: بعدين اقولتس ياغبيه
مشت ذكرى تاركتها وابتسامتها على مرسومه على وجهها
تقدمت تناديهم : الفطور على الطاوله امشوا
تقدموا يفطرون كلهم سوا .
لفت أم ذكرى على أم سهم تنطق لها: وين سهم ؟
أم سهم: والله سهم مدري وينه امس دقينا عليه ومايرد وين بيكون أكيد عند البحر
فز قلبها بقوه نبضات قلبها مو قادره تسكت ابداً تحس في شي يوجعها أخذت كوب المويه وشربت وبلعت ريقها بهدوء لاحظت ربكتها دنى وصدت عنها قطع كل هدوئهم صوت جوال رد بهدوء: هلا؟
..:أبو سهم؟؟
أبو سهم: أي نعم ؟ شفيك أي رقم ذا؟
..: سهم سواً حادث اليوم بحلول الساعه ٣ الفجر في مستشفى الدكتور سليمان الحبيب .
حس رجوله معد تقدر تشيله ولا يفكر ب أي حاجه غير ان الحادث كان قوي أو بسيط ؟
قام بسرعه تاركهم وطلع مع الباب
لفت ام سهم: وش صاير ي أبو ذكرى !! ليكون ولدي به شي ؟
صاحت بقوه وقامت تهديها أم ذكرى. وتنطق : اذكري الله يابنت اذكري الله مابه إلا العافيه بأذن الله
ام سهم بصوت بكاء: والله اعرف خالد من طلع وجهه مقلوب فيه شي خذني ي أبو ذكرى خذني له
أبو ذكرى : يلا البسوا وامشوا
قامت بدون أي تفكير من خوفها عليه ولبست عبايتها ونزلت تنتظرهم طلعوا كلهم وركبوا السياره لفت دنى عليها بصوت مكسور: خايفه اخوي فيه شي ياذكرى
لمعت عيون ذكرى ونطقت تهديها وتسمح عليها: لاتخافين ياقلبي هو بخير أنا متأكده
ابتسمت دنى لها ولفت تناظر الطريق نزلوا كلهم ومشوا للاستقبال ونطق أبو ذكرى: أبي غرفه سهم بن خالد ال حثلين وينها؟
..: لحظه
لف عليه : 501
مشوا كلهم واقفين من شافوا ابو سهم واقف عند باب الغرفه تقدم له ابو ذكرى ونطق: علامك ؟ وش به الولد ؟
لف وهو يشوف عيون خالد ذبلانه ونطق: يقول الحادث قوي يابسام يقول قوي ضرب على صدره أنا وش سويت به أنا وش سويت !!
مسكه بسام يهديه وينطق : سم يالله سم بالله يارجال ومالك إلا الدُعاء لله وحده
مسكه يمشي فيه عند الكراسي ونطق: ياذكرى جيبي مويه
راحت تركض تجيب مويه ومشت لين عنده وعطته مويه وقفت عند باب الشباك الزجاجي تناظر حالته كيف كذا الاجهزه عليه وفي بخار بفمه كان وجهه معدوم وكانت تتأمله كيف نايم حست بقلبها ينبض بقوه كان ودها هالمره تمشي لين عنده وتضمه وتحطها كفوفها على قلبه ل اجل تسمع صوت نبضه مثل صوت نبضها العالي ولألا؟
-
بعد يوم كامل بالمستشفى عشان يتطمنون عليه
الدكتور: وين ابو سهم ؟
تقدم ابو سهم ونطق: أنا
الدكتور : ولدك سهم تعرض ل حادث سير والسبب ماندري للان بس الي طلع معنا بعد الفحص طلع معنا ان ناقصه دم فصيله دمه A+ احتاج متبرع الشي الثاني لازم بعد مانسوي العمليه يجي المتبرع عشان الدم والعمليه ماندري تنجح أو لا
وقف ابو سهم بصدمه من الي سمعه حس الأرض معد تشيله و أومئ براسه ماشي يرجع لهم تقدم ابو ذكرى ونطق: إش صار؟
ابو سهم: يقولون يمكن تنجح العمليه ويمكن لا ويبون متبرع دم
سكت ابو ذكرى ونطق: مشينا البيت تعبت بما فيه الكفايه يلا امشوا
مشوا كلهم راجعين البيت ونزلوا ببيت ابو سهم يبيتون فيه لين يطلع سهم من المستشفى .
-
1:00
كانت تمثل أنها نايمه بس ل اجل خاطرها وتطمن نفسها قامت ببجامتها ولبست عبايتها واخذت مفتاح سيارتها وقفلت الباب وراها بشويش وطلعت كانت أمها تراقبها من شباك غرفتها وابتسمت بهدوء ونطقت : القلب مايطمئن على أحبابه وقفلت الشباك ومشت
-
وصلت المستشفى ومشت لغرفته فتحت الباب شافته بين الاجهزه كأنه مو هو ابداً حست بالضيق يأكل قلبها من منظره قدامها مشت شوي وتقدمت وجلست عنده ومسحت على رأسه ونطقت: عساه بعدوك ولا فيك وعساه فيني ولا فيك ياضلعي مسحت دموعها وكملت تنطق: ليه ياخي ودي اعرف السبب والله ان كانك كنت متضايق وحصل لك كذا م أسامحك ابداً تدري إني م احب يصير فيك شي ليه تسوي كذا فيني توجع قلبي وتوجعني أنا ماسكه نفسي م انهار مسحت دموعها وناظرته مده قصيره ولقت تعدل حجابها وتطلع كان يسمع بس ماكان يتكلم هو مقفل عيونه طلعت وقفلت الباب مسك قلبه بقوه رجفه وخوف حس نفسه ماتقدر تشيله وده يضمها على صدره ويقولها أنا معك للأبد لاتخافين كانت هالكلمه لو نطقها بتطمن قلبها عن ألف شعور وإحساس وافكار ورأي شغلت سيارتها ومسحت دموعها بشهقه وحركت لبيتها دخلت الغرفه وفصخت عبايتها ورمت نفسها على السرير بتعب ..
-
الصباح الساعه ٩
.: الو
ابو سهم: هلا ؟
.: اليوم عمليه سهم إذا ممكن تجي توقع على الأوراق
ابو سهم: طيب جايكم
سمعت حديثهم وجلست تشرب شايها وتفكر لو هي تبرعت له ؟ لو هي تبرعت بدم وش شعوره وقتها؟ لو هي عطته من دمها واختلط الدم بالدم وش يصير ؟ ابتسمت برعب من تفكيرها ومشت معهم ..
-
المستشفى -
مشى خالد يوقع الأوراق الي مع الممرضه ووقف بعد مانطقت : فينش
سلمها القلم ومشى يشيك على سهم
مشت دنى ووقفت بجنب ذكرى ونطقت: تتوقعين من بيتبرع له ؟
رفعت كتوفها بدون رد ومشت تتخطاها وتتوجه للممرضه وتسألها : وش كثر يحتاج دم ؟
الممرضه: أمم كثير مو شوي
رفعت حواجبها وقالت: أنا بتبرع
كانت الممرضه تسوي الأوراق وهي تتكلم ونطقت: كم فصيلتك ؟
ذكرى : O+
الممرضه: حلو
ذكرى: طيب لاتقولين ل احد قولي متبرع جاء وبس بجيك الساعه ٣ الفجر اوكي؟
الممرضه: اوك
طلعت تاركتها تناظر أهلها جالسين في غرفه سهم والدكتور يتكلم عن حالته زفرت بالتعب من الي صاير وهذا ماكان ينقصها فعلاً .
-
انتهى اليوم بالمستشفى ورجعوا البيت وهم مايدرون عن حاله سهم هل هي سيئه أو هل هي جيده مشى ابو سهم يتخطاهم ويتصل على أحد إذا متبرع أو اي شخص يقدر يتوصل ل احد يتبرع له سهم وقفل آخر مكالمه ونطق : فصيله الدم A+ قفل جواله وانسدح بفراشه
-
مشت دنى من غرفتها وتوجهت لذكرى الي جالسه تحط كريم على يديها ونطقت : ذكرى
ذكرى: سمي حبيبي ؟
ابتسمت دنى: احب لما تقولين لي سمي كذا احبها من نطقك م ادري ليه تنطقينها بشكل غريب ياخي
ضحكت ذكرى : بعيدها مره ثانيه عشان تذوبين اكثر سكتت تناظرها شوي بعدين نطقت : حّبَيبي
ضمتها دنى بقوه من عند خصرها ورأسها على كتفها ونطقت: أحبك ياكوكو
لفت عليها ذكرى وهي مبتسمه : ناقصك حنان اليوم ؟ شعندك جايه قولي أعيدي سولفي قولي إش عندك ؟
عدلت جلستها دنى ونطقت: بصراحه اول ماجيت كنت بتكلم عن سهم
بلعت ريقها ذكرى وكملت دنى: بس الحين يوم جيتك تغير مزاجي بس كنت متضايقه شوي من الي صار له وربي كاسر خاطري وكاسرني مره ودي اعرف السبب وودي اعرف قبلها وش كان يسوي عشان يطلع ويجي كذا وبعدين يصير له حادث أخ بس
كان كلام دنى نفس تفكير ذكرى كانت خايفه مره عليه بس مابينت ل احد غير سجادتها الي شهدت على حُبها له وعلى ادعيتها له وعلى كُل حاجه كانت تخص سهم ..
-
بالمستشفى
عبدالله: الو
عبدالإله: وينكم ؟
عبدالله: بالمستشفى أنا و عبدالعزيز انتم وينكم ؟
عبدالإله: اويس وده يشتري ل سهم ورد مدري ليه
ضحك عبدالله: حمار هو ؟ ولا أيش ؟ مفروض لا طلع وخلص عمليه قله يرجع مالها داعي
عبدالإله: اشدخلني أنا ؟ بكيفه خله يشتري بعدين قصده اعتذار
تنهد عبدالله ونطق: طيب اسرعوا حنا بندخل ولا تجون بعطور يامريضين
عبدالإله: تنافخ واجد ها جاء اويس جايين
قفل عبدالله الجوال ولف ل عبدالعزيز: امس نزل ياعزوز ذولا مطولين
مشى عبدالعزيز قدام عبدالله ودخل الغرفه ومن شافه صاحي نطق : حي الله السهم صحيت ؟
ونطق عبدالله: حمدالله على سلامتك ياحلو باقي العمليه ويكتمل كل شي تقدر تسولف ؟
ضرب كتفه عبدالعزيز وناظروا بعض وضحكوا على دخول اويس وعبدالإله ونطقوا جميع : حمدالله على سلامتك يابو ايهم
ابتسم سهم لهم ومشى اويس وتقدم له ونزل الورد ونطق: أنا اسف ولو ترجع ابفرش لك ضلوعي ورد
ضحكوا كلهم وضحك اويس وسهم ونطق: ياخي حمار بس احبك
حك جبينه بضحكه وضحكوا كلهم ولفوا من سهم الي نطق بصوت مهزوز يعبر عن الألم : اخ
لفوا كلهم : شفيك ؟
سهم: جنبي جنبي يوجعني اخ
قام عبدالله وناظر الدم ينزف ركض على طول عند الدكتور ونادها: يادكتور تعال بسرعه
ركض الدكتور : إيش في سهم حصل له حاقه؟
عبدالله: اي اي ينزف جنبه ويقول يوجعه
ركض الدكتور وسحبوه على طول لغرفه العمليات بحكم انه نزف دم كثير وهذا ممكن يأثر على الأعضاء الداخليه ..
-
بسام: الو عبدالإله شصار؟
عبدالإله: هلا عمي اخذو سهم لغرفه العمليات
رفع حواجبه بدهشه ونطق: أوف طيب طيب قفل جايين
عبدالله سحب الجوال ونطق: عمي لا تجون يقول الدكتور ماله داعي احد يبغى مرافق واحد وأنا بصير معه تعالوا بعد يومين
بسام: مايصلح شلون لـ
قاطعه عبدالله ينطق : ياعمي قلت مايصير ولا يجون أهله وسلام .
-
لف عليهم ينطق : يقول دخل غرفه العمليات انتظروا إنتوا ويقول يبي مرافق واحد بس وصار عبدالله معه والباقي رجعوا ادعوا له الله يقومه بالسلامه
نطقوا جميع : آمين.
-
منسدحه بالسرير تحس ب إرهاق بتعب من الي صار لها
-
ترجيع احداث .
طلعت من غرفتها الساعه٢ لبست شي مريح بجامه وقفلت غرفتها وحطت رساله عند تسريحه أمها وكان الي داخلها "أنا رايحه عند صديقتي بسهر عندها و أجي ان شاء الله لا تخافين " ومشت تطلع ركبت سيارتها ودخلت الغرفه متوتره وجلستها الدكتوره وأخذت ابره وبدت تحطها بيدها وهي مغمضه عيونها شهقت اول مادخلت الابره في يدها وقفلت عين وفتحت عين وهي تناظر ضحكت الممرضه : أنتي خوافه وعمرك ٢٢ ؟
ذكرى: لا ٢١
الممرضه: متى الهابي بيرثدي حقك؟
ذكرى: ديسمبر12/1
الممرضة: أوكيه قريب بعد شهر لان حنا بشهر ١١ بتدخلين ٢٢ وش شعورك ؟
ذكرى: مدري احس مجرد عُمر؟
الممرضه: أوكيه وش أمنياتك ؟
ذكرى. : امم بتزوج الي احبه
الممرضه: ايلاكيت يلا خلصنا وصح الله يزوجكم ويقومه بالسلامه
ضحكت ذكرى ونطقت: كيف دحرجتيني بالكلام وخلصتي؟ وغير كذا كيف عرفتي ؟
الممرضه: الي يحب يفعل والحُب بالأفعال عمرها ماكانت بالكلام وأنتي حبيتي و عشان كذا تبرعتي تحسبين إني ماشفتك وأنتي بينهم متوتره وخايفه ؟ وغير كذا جيتي تتبرعين وماودك احد يعرف عشان كذا حسيت
ضحكت ذكرى وهي تلبس وغمزت لها : احب الذكي ياناس
ضحكت الممرضه: يمكن تحسين بدوخه ولوعت كبد اشربي سفن مع نعناع وليمون سويه بالبيت لاتشترين بيجي حالي وكثري نعناع وليمون وقللي السفن
اومئت برأسها لها وطلعت وهي تحس بدوخه شافت عبدالله واقف عند غرفه العمليات غرفها وتقدم لها: شجايبك؟
ذكرى مسكت رأسها بصداع: مافيني شي
عبدالله: لا جد؟
ذكرى : مالك شغل
عبدالله: جايه تتبرعين ل سهم ؟ ولو عرف ؟
ذكرى: موب لازم يعرف وأنت لا تعلمه عشان م ادعي عليك
عبدالله: طيب روحي
مشت تتخطاه وتشغل سيارتها وتمشي راجعه للبيت
-
"تسريع احداث "
