سند: صح ورواف و ريان مسوين نفسهم عرايس
انفجروا يضحكون العيال ونطق سهم : مو صاحي صادق شف شلون جالسين مسوين حالهم
رفع راسه ريان الي كان على جواله: شتقولون انتم؟
رواف يتأمل السقف ونطق: احس اني مو مصدق احس الوضع غريب
ريان: صح
سند: عادي عادي
سلطان: حسستني انهم يكبرون وينسون
انفجروا يضحكون نطق اويس : غطوا علي ذولا
عبدالعزيز: اي والله غطوا عليك ....
-
الساعه 7 بدوا يجون الضيوف والمجلس بداء يمتلي بالرِجال والمجلس الثاني حق الحريم بداء يمتلي بِالنساء وصوت المسجل واصوات الاطفال الي يلعبون والبنات الي يجهزون فوق والي يصير الوضع امشوا نسلم مع بعض بعده تجي غدره ..
رنا: وسن! يويلك تسحبين اعرفك ترا
وسن بضحك: لا معليك اذا م اسرعتي بدخل و اخليك
جت ذكرى من وراهم كانت مسويها شعرها ويفي وتاركته على راحته ولابسه فستان احمر بدون اكمام مع كعب اسود مفتوح من قدام رنا : العن شكلك ياشيخه وش هالجمال!
وسن: هذي ماتمدح الا تلعن الا اقول الحُب يحلي هذا الواضح
ضحكت ذكرى من تذكرت سهم توردت ملامحها بس مُجرد من خيالها : اخ انتم ياورعنه امشوا بس
دخلت قبلهم ودخلت وسن وسحبت على رنا الي دخلت لحالها وتسب بوسن وذكرى
اخذ ام سهم يد ذكرى وبدت تعرفها على الضيوف وتنطق : هذي زوجه السهم ذكرى السهام .. الزين كله
ابتسمت ذكرى لها ونطقت ام راضي : ماشاءالله تبارك الله كل هالزين ل سهم مايستاهل والله
ناظرتها ذكرى بخزه ونطقت : حبيبي يستاهل الزين دامه انا .
ابتسمت ام سهم ب انتصار ونطقت لها بهمس: كفو سددتي لها وحده
ضحكت ذكرى ومشت عند البنات سوسن وهي ماسكه سهم الي بحضنها : يمه حقيره شدخلها ذي
ذكرى عدلت شعرها وناظرت سهم الصغير وانحنت تبوسه وتمسك بشعرها وسوسن تفكه مدت يده تعضها ونطقت: اخ منك يا اعوب !
وكملت تنطق : والله قهرتني
رؤيا: غيوره حيل شوفي بناتها كنهم هذيك الي يخلون سندريلا خدامه مرت زوجه ابوهم
ضحكوا البنات وتقدمت وسن تهمس : شوفي كيف تناظر ذكرى قومي فقعي عيونها!
همست دُنى: بنات واضح انكم تتهامسون اركدوا
ضحكوا وضحكت ذكرى الي وقفت : خليهم بس وين ولدك راح ياسوسن وضحكت
ضحكوا كلهم على فهاوة سوسن : شكله راح عند الرجال خليه قروشني
ذكرى: انا بروح فوق واجي بشوف ميان ولمى
رنا: بروح معاك
ذكرى: امشي
طلعوا فوق ودخلوا الغرفه يشوفونهم ياكلون جلست ذكرى ورنا : افا تاكلون بدونا
ذكرى تقدمت تجلس بجانب ميان: باكل معكم عطيني بطاطس
اخذت البطاطس تعطيها واكلوا مع بعض وهم يتكلمون عند البنات وام راضي تحت لمى: اف تقهر شتبي ذي
رنا: معليش قهرتني هي وبنتها الي شوي وتموت من الغيره
ميان: اح وش هالعينه ذي يع كريهات
ذكرى ساكته وتناظرهم وكل تفكيرها ب سهم تحبّه وتغار عليه اكثر من اي شي ماتفكر بيوم لو احد جاء كذا ويتكلم عنها وعنه زي الي يقول فاجأني حنانك وانت اول شخص المس داخله انسان حبته وماتنكر ولا هي قَادره تعبر عن شعورها ولا هي قادره تعترف له عكّس هو الي اعترف لها وبين لها انه يحبّها بكل كلمه قالها لهَا هو صّادق فيها وترك الي يبي قربه عشان يكون مسجُونها ..
قامت ذكرى من تفكيرها وطلعت برا ومسكت جوالها ودقت على سهم ونطقت : ابيك
سهم ب استغراب نزل الدله ونطق : وانا ابيك بس وينك؟
ذكرى: فوق بغرفه تعال
سهم : جايك ..
قفل الخط وطلع و اول مادخل الغرفه نزل الشماغ وتقدم لها ونطق: اووه هذا الجمال ينتظرني ؟؟ اوه ياربي
ابتسمت وهي شكثر تحب سهم بس ماتعترف تحّبه حيل ونطقت ب اعتراف فاضح بعد مرور اربع شهور تنطقها من لسّانها هي والي كان متلهف سهم يسمعها من منطُوقها : احُبك مره
ضحك سهم ضحكته الي تبين فرحه الي تعرفها ذكرى اكثر من اي شي ضمها له ونزل يده على خُصرها وانحنى يقبُلها وبادلته القُبله ومسك خصله من شعرها يحطّها ورا اذنها ونطق: تعال القلب من بّعدك لياليٍ محدٍ زاره ابتسمت له وحطت يديها ورا رقبته وانحت تطبع بوسه على خده نزل يده ل يدها ونطق : ترا مابطلع من هنا اليوم كله تدرين؟؟
ذكرى : لا خلاص رح بس اني اشتقت لك شوي
سهم : في شي مضايقك ؟ احرق الدنيا عشانك و اولع الارض عشانك ترا
ذكرى : لا ياحبيبي محد ضايقني بس اني قلت لك اشتقت لك
سهم غمز لها وهو يعدل شماغه : انا احبك بنفس الخُصله الي ترجعينها ورا اذنك وترجع لوجهك واخاف عليك من اكثر شي بالدّنيا ومن كل حّاجه تمسك تمسني لو ب شّوي .
ذكرى وقفت عند المرايه الي كان واقف يعدل شماغه ونطقت : عزيزه نفسي ياعالم لكني أحُبه فوق م اتصور .
تقدم لها يضمها بقوه له وينزل كفه بكفها وطبع بوسه على عُنقها الي واضح علمت مكانها ونطقت: يويلك يصير علامه!
ضحك سهم: خليها تصير علامه عشان يعرفون انك مّلكي يابنت الخيال قالها محمد عبده
ضحكت وهي تسحبه مع يده وتدفه وناظرها وهو يوقف عند الباب ونطق : وش شعور المرايا كل ماشافتتك ؟ .
ضحكت وركضت تضمه ودار فيها ونطقت : احسد انا عيني عليك
سهم نزلها وهمس: احبك احبك
حطت يدها عند صدره ويدها الثانيه عند رقبته: وانا احبك كثير والحين روح قبل م ابوك يحفل فيك يانور عيني
طلع سهم من عندها وقفل باب الغرفه تقفل الباب تحّس الشعور الي فيها بيطيرها من مكَانها شُعور البدايات وللأن هي بشعُور البدايات ولا لها نهّايه مع سهم ابداً عدلت روجها وحطت كونسيلر تخفي علامة بوسته ونزلت تحت تقابل البنات وجلست وهي مبتسمه وباينه الابتسامه ونطقت رؤيا: ايوا وطار قلبك قومي ارقصي معي
قامت ذكرى معها وهي تتمايل وترقص معهم بكل غنج وبكل رِقه وكأنها وقفت الدنيا عندها عشان الكّل يجلس ويناظرها تقدمت ام ذكرى تسحبها من يدها وتاخذها للمطبخ ونطقت: اخاف عليك من العين لاترقصين يابنتي
ابتسمت ذكرى لها وباستها مع يدها : ياروح روحي انتي مايجيني شي الحمدلله قريت اذكاري
امنه: حتى لو قريتي اذكارك م ارتحت ل ام راضي ابداً
ذكرى شربت مويه: مع نفسها
طلعوا يجلسون وكان وقت الكتاب ونزلوا لمى وميان يسلمون على الضيوف ..
-
سهم الي نزل ووقفه عبدالله ونطق: ياورع وقف
سهم عقد حواجبه : وشو؟
غمز له وفك الكام على وجهه: الروج الاحمر امسح امسح فشلتنا لو يشوفك عمي خالد يخليك عشاء اليوم لهم
ضحك سهم بقوه وتقدم للمغاسل ويمسح وهو يضحك ويتذكر طيفها على مُخليته ومشى يسمحه لين م تأكد انه راح ومشى مع عبدالله يجلسون ..
-
الشيخ : تعال من هنا ياريان وانت من هنا يارواف واباء البنات يجون من هنا
جلسوا ريان ورواف جنب بعض و ابوهم بعد ومن الجهه الثانيه ابو ميان وبجنبه ابو لمى ..
الشيخ: قُل زوجتك ابنتي لمى على كتاب الله و سُنه ورسوله صلى الله عليه وسلم ونطق وراه ابو لمى ثم رواف نطق: وقبِلتُ بِهذا العِقد وقبِلتُ بِهذا الزواج ورضيتُ بهِ ..
وكذلك قال ريان ..
ووقع ريان ثُم وقع رواف واخذوا البصمه بصمة بالاول لمى ثم بعده بصمة ميان
اخذ عبدالاله ريان و رواف للغُرفه ونطق: دقيقه واطلعكم
ضحك رواف: على كيفك
اويس : اي على كيفي خواتي هذولي
ريان: امش امش بس
ضحكوا جميع ودخل ريان عند ميان ومعه شبكه لبسوا الخواتم والمصوره تصور ولبسها العِقد الي كان من ذهب همس لها: تبارك الله يالجمال
ابتسمت وهي تناظره وتوردت ملامحها خجل ..
طلع ريان من عند ميان مع عبدالاله وبقى رواف ولمى لبسها الخاتم ثم لبسته وحط لها سلسال الي كان الماس مو ذهب لان لمى ماتحب الذهب وهذا برغبتها .. صورتهم المصوره وحط كفه بكفها وابتسم لها وبادلته الابتسامه وانتهى وقتهم الي كان عبدالاله عندهم : ياليل وربي نشبت ماخليتني ارتاح
عبدالاله: اقول كم تبي ساعتين كلها خواتم وصوره
رواف: لا
عبدالاله: الا
طلعوا وهم يتهاوشون ونطق سهم : اوووه سدوا فمكم خلاص
سكتوا ونطق عبدالله: يبون يفلونها يلا خلصوا حطوا الاكل
رواف: انا مالي دخل
سند: اقول تعال عشان م ارفسك هالحين
رواف : اقول اذلف
سلطان: اتركه اتركه
همس عبدالله ل سهم: هذولا بس يتهاشون
سهم وهو يضحك ويحط العشاء: اي والله شف عبدالعزيز الدلخ
ناظر عبدالعزيز الي يحط المشروبات بجهه ونطق سهم: ياهووه وزعها مو تحطها بزوايه وحده
ضحكوا العيال ومشى سند وهو يعدل معاه .
-
بعد ساعه انتهى كل شي وبدوا يخفون الضيوف او راحوا أغلبهم جلسوا العيال وهم متكسرين عبدالله: اف تعبت
سهم: والله ابي اروح ماني قادر
جاء سهم الي دخل المجلس وبيده رضاعه وجلس بجانبّ ابوه ونزل راسه يبوسه عبدالله ونطق سهم الصغير: بابا
عبدالله: لبيه
ضحك سهم وضحك عبدالله وهو يشوف العيال متسدحين بالارض والواضح تعبانين جاب عبدالعزيز معاه شاي واكواب وجلس بالوسط ونطق : ياعيال بقولكم شي قوموا
قاموا كلهم يعدلون جلستهم : بسم الله
عبدالاله: وش قل
سلطان: شي غبي يويلك
سامي: اكيد شي غبي
عبدالعزيز: لالا
رواف : عزوز لا تصب لي مابي
عبدالعزيز : طيب
سهم وهو يشرب شاي ويعدل شماغه يلفها ك عمامه ونطق: قل شعندك
عبدالعزيز بتلعثم ماهو عارف يبدي الموضوع ونطق: كلكم حبيتوا صح؟
سهم اول وحده نطق : مايحتاج تعرف انا اي
ضحكوا ونطق سامي: متى حبيتها؟
سهم: حُب الطفوله ياسامي
سامي : ماشاءالله
سهم: بقولكم شي
سند: اسلم
نطق سهم : الحُب يبي له رجّال رجال يحفط كرامة البنت ويحفظ شرفّها ماهو حُب تسليه ووناسه واحتيال حتى لو انه عرفها من بين البرامج ان قّلوبنا ماهي مربطه بحّبال ولا نقدر نقدَر نديرَها ونحدد هدفها والاصيله مايعسّفها كود خيّال والرديه تلقالها ردي مثلّها .
سلطان: صح
عبدالله: اي والله الي يبي يخطب على طول لا يلف ويدور
عبدالعزيز: ماني لاعب عليها ولا شي الحمدلله لكن يمكن ماتبيني
سهم: رح اخطب وان رفضت الحياه ماتوقف عليها
سامي: انا بعد من وجههة نظري زي كذا فيه غيرها مليون
رواف: صدق ماعليك بس يعني دامك تحبها ذا شي ثاني
سلطان: مالك الا تدعي
عبدالعزيز تنهد ونطق : شكلهم يبون ينامون هنا؟
سهم: مدري بس انا بروح
سلطان: اهلنا وين راحوا
-
صحوا الصباح وهم للان بالاستراحه ..
ابو سامي: ياويلي هالخبول
ضحك ابو سهم: ياحليلهم من التعب امس اخذنا البنات ومشينا وهم خليناهم هنا هالمساكين
صحى سهم ونطق: وش المساكين ماقدرنا نقوم من التعب قهوجيين مخلينا
ابو سهم مد العصاء وضربه مع رجله فز سهم ونطق: اخ الناس تصحى على بوسات وحضن انا اصحى على وحده من العصاء طلع للمغاسل يغسل وابوه ضربه وحده ثانيه ونطق : ايالي ماتستحي كبر الجحش وهذا منطوقك
ضحكوا العيال ومشى ابو سهم وترك سهم يتوجع وضحك خالد هو وابو سامي ومشوا العيال مع ابائهم ودخلوا البيت على ريحه البخور والقهوه بالمجلس عبدالعزيز: ياويلي بنصير قهوجيين مره ثانيه ظهري راح فيها تكفون
سند: الله يعين امشوا نفطر امي تنادي
طلعوا العيال يفطرون بالصاله مع امهاتهم الي جالسين ويضحكون معهم وعليهم وسوالفهم اغلبها طقطقه على بعض ..
-
"جناح سهم "
دخل الغرفه شافها تشرب قهوه وتمشط شعرها المبلول جلس بجنبها بالكنبه الي بجانب المرايا ويناظرها ضحكت وهي تناظره ونطقت ب استغراب : شعندك تناظر كذا ؟
اشبك ايديه ببعض وبعد تفكير عمِيق نطق : ودك نروح بيتنا تشوفينه؟
عقدت حجاجها وهي مالها ابداً نيه تطلع من ذا المكان بحسب ضنها ماودها تفارق امها : مدري انت تحس لازم تطلع ؟ احس اني هِنا عند امي وخالتي احسن من امي اروح مكان بعيد
سهم : لا اسمعي تروحين تشوفينه بس وعادي نروح له وقت تكبر عايلتنا لاننا شخصين وهذا جناحي مكفينا صح ولالا؟
ذكرى : اي ماعندي مانع خلاص نروح بس خلها لمن يروح النهار باليل افضل
سهم سكت مارد من وصله اتصال وعارف مليون بالميه مين هذا طلع برا الغُرفه وقف بالصاله الي تتكون من ثلاث كنبات وتلفزيون كبير طاوله واثاث صغير كانت الوانه جو سهم بالضبط الاسود والبُني .. حط الجوال على اذنه يتأكد مم عدم وجود ذكرى ل اجل ماتسمعه نطق بهدُوء عكس الفوضى الي داخله : هلا!
نياف: تجي اليوم للمكان الفلاني ولا ماتقدر عشان خاطر ذوذو
عقد حجاجه بعصبيه ونطق :ان ذكرت اسمها على لسانك اقصه لك تفهم وثاني شي ماني جايك وش بتسوي ! ولو جيتك باخذ دمك من جسدك!
ضحك نياف ضحكه الاستهتار والي يعرفها سهم من اول : تخسي والله انك ماتقدر
ضحك سهم يرد له نفس الضحكه : وتعقب لأنك ماتقدر .. قفل الخط ولف على دخولها حاول ان قد مايقدر مايكون متوتر امامهّا نطقت بهدوء: تعال سويت قهوه وهذا الحلا انا سويته
تقدم سهم يبتسم عكس الي داخله : انا متأكد من شكله واضح حلو !
ضحكت ذكرى: شكله مو حلو مره بس الطعم مُهم لذلك ياحبيبي لاتسلك!
ضحك سهم ونطق : والله م اسلك ! بس خلينا نذوق ونقيم !
ابتسمت ذكرى واخذت صحن وملعقه تقص وحده وتقدمها له وحطت امامه ملعقه وفنجان قهوه وسوت لنفسها بالمثل .. اخذ سهم قطعه من الحلا يتذوقها وهي تناظره وبتشوف لو يسوي تعابير بوجهه لكن صدمها من نطق : ماتوقعت تسوين حلا ويكون لذيذ كذا !
ذكرى: ليه طايحه من عينك!
ضحك سهم: لا والله مو طايحه من عيني ولا شي لكن ماتوقعت تعرفين بس! اخذ سهم المسبحه حقته يلعب فيها ويناظرها وهي تناظره ثم راوده بيت يلعب بقلبه :
.. حورية الليل شلال كنّها صبح
فَوقها الليل مكتّوب قلبي لها من كثرة الشوق مشَخال وللسر عن كل المخاليق تابوت تنحت لي من الحّب في القَلب تمّثال وحبي لها ينحّت على الساحه بِيُوت ..
لعبت ب أوتار قلبها هالكلمات لعبت بقلبها من كثر ماودها تنفجر من كثر الحُب ومن كثر م انها وده تصير شاعره ل اجل بس تشّعر ب سهم على كثر مايقول شّعر لها ماودها احد غيرها يشّاركها بهالشعر ابداً : دنّيا مابها سهم انا مابيها لو الدنيا كلها ورد .
ضحك سهم من تعبيرها ونطق : احبس
تقدمت بجانبه وضمته وحطت راسها عند صدره وكفه بكفها ..
-
" المغرب "
اخذ سهم ذكرى وطلعوا لبيتهم دخلت البيت وناظرته بصدمه وشهقه الفرحه: سسهمم!!
ضحك سهم وهو واقف يناظرها وهي تدخل البيت وتتأمل الاثاث والمسبح الكبير والخيل الي واقف ونمر صغير عليه بعُنقه سلسال احمر كارتير بحروفهم مدت يدينها لسلسال خافت منه لكنها حاطت راسها على راسه تناظر في عيونه لفت ل سهم الي تقدم يجلس بجانبها ومسك النمر ونطق: بعدين بيجينا ولد نسميه نمر
ضحك وهي تناظره ونطق بهدوء: ي أم النمر وشرايك بس ؟ انفجرت تضحك وقامت تمشي وتلمس الورود الواضح طبيعه وسهم وقف يجلس بالحديقه حط الدخان الزكاره في فمه وهو يناظرها وهي تتمشى وتشم الورد ووصلت عند الخيل حطت يدها فوق راسها انحنى الخيل لها وهمست : احب سهم واحبك يالمُهره .
مشت تجلس عند سهم حطت كفها بكفها تقدمت بحضنه وهو يناظرها مبتسم لحد ما اعطته بوسه على خده ابتسم وهو ينطق : بعد! وحده ! بس! بخيله علي!
ضحكت واعطته بوسه ثانيه انحنى وهو يقبلها بهدوء ارجفت فيها كل خليه من خلايها توردت ملامحها خجّل بكل مره يقرب منها تحس روحها بتختنق تحس قلبها ببطنها من قوة التوتر الي يجيها ..
لنا لُقاء بعد العيد بأذن الله ..💙
.
.
.
(انستاsssu3g,نجمه ،تعليق يهمني رايكم كثير 💓)
