رجعت بعد يوم طويل متعب يوم غريب دخلت الحمام اخذت شور دافي تهدي اعصابها طلعت تحس لوزها بتنفجر من الالم راحت سوت لها مشروب دافي شربته وفرشت اسنانها وسوت سكن كير لبشرتها ونامت بعمق تحس كل عظم بجسدها يألمها
-
"في بيت ابوهم وامهم المتوفيه الكبير الي يجمع عائلتهم"
-
صحوا الصباح الساعه ٨ الصباح "
ام خالد: يادنى
دنى: هلا
ام خالد : صحي البنات وتعالوا افطروا ونادلي اخوك ولا روحي بيته صحيه
دنى: البنات قاعدين كلهم وسهم موجود بالمجلس
ام خالد : طيب يلا اجل
راحت دنى تنادي سهم
دنى بصوت عالي شوي :سهم
ماسمع سهم وتنادي مره ثانيه مايرد تأففت وقالت: ياليل هالتيس
عبدالاله: يالبيه احلى صوت ممكن تسمعه على هالصبح وش بغيتي؟
دنى: شكراً رح ناد لي سهم
كانت ورا الباب وتقوله
عبدالاله: مابغيتي شي ثاني ؟
دنى: اذلف خلص
راح عبدالاله وجاء عند سهم الس يزهب القهوه: اختك لها عشر دقايق تنادي ولو ماجيت بتصارخ لين يسمعون اهل نجد كلهم
سهم: اسمعها بس متعمد
عبدالاله: مو هذي حركاتك يالقنفذ انفجروا يضحكون العيال
عبدالعزيز: لحظه لحظه اطلع القنفذ
دخل قوقل وطلع الصوره يوريهم ويضحكون
لف عليهم بملامح عصبيه : تنكتون انتم ووجيهكم
اويس: اخ بموت ضحك
طلع سهم وراح عند دنى طلعت من ورا الباب : لي خمسين دقيقه انتظر !
سهم: وش تبين !
دنى: امي تقول خذ الفطور للغنم الي عندك
ضحك سهم ويحس بردت قلبه : اي والله انتس صادقه ياوخيتي غنم
دخل المطبخ اخذ الفطور ودخل عليهم بالمجلس : يالغنم الفطووور
عقدوا حواجبهم وبوجه يمثل : نعم ؟
سهم: مالي شغل دنى قالت
اويس : اختك باقي تاخذ مسدس ودخلنا الشبك
اضحكوا كلهم سهم: اقول لا تغلط على اختي
عبدالاله: هو واخته رشاش
انفجر معهم ضحك دخلوا عليهم الاباء
ابو خالد: شعندكم تضحكون من الصبح الله
عبدالله: ابد ياعم يطقطقون على انفسهم
ابو ذكرى: جازت لي الطقطقه
ضحك سهم: الغنم
انفجروا يضحكون وضحكوا معهم
التموا على الفطور وبين سوالف وضحك وقصص الاباء الي تجمع ضحكاتهم
-
ذكرى: صحيت على ضحك وغرفتي قريبه للمجلس واحس بصدع
دنى: يطقطون على بعض
سوسن: وقسم ضحكت جالسه بالمطبخ واسمع واضحك عليهم محد صاحي!
ميان: اي والله انتس صادقه يضحكون
ذكرى: وحده تسوي قهوه يبنات ونجلس بالحوش الجو حلو
العنود: بسويها انا
ذكرى: عاشت
العنود: عاشت ايامك
ابتسمت ذكرى وراحت اخذت جوالها والشاحن والبطاريه وضبطت الجلسه وبدت تشتغل لين مايخلصون مسكت شعرها الي يطايره الهواء وكل شوي تشيله اخذته وسوت كعكة على فوق وحطت فيه قلم
ميان: خلصتي ؟
ذكرى: شوي بس ارسل الملف لهم
العنود وهي تصب لها قهوه : يوه احس شغلك كثير مره ويتعب ماتبين تحولين ولا كيف؟
ذكرى: مفهمت قصدك احول عن الجنائي واصير محاميه قصدك كذا ؟
العنود: ايه
ذكرى: انشاءالله
-
"عند العيال بالمجلس"
اويس: شعندكم جدول ؟
سهم: مافي جدول باخذ لي غفوه دام ماعندي مرضى
اويس: كيف تتحمل تشوف دم كل يوم؟
سهم: عادي
عبدالاله: قلبه قوي ف هذا شي عادي
عبدالعزيز: جبل مايهزه ريح
ضحكوا كلهم على نبرت صوته واكتفى سهم بالأبتسامه وهو مغمض عيونه
-
ام ذكرى: والله خلينا العيال والبنات وطلعنا بحفظ الرحمان
ام خالد: ماعليتس هذولا مايجيهم شي
ضحكت ام عبدالله: اي والله ياعمري ام ذكرى حنونه
ام عبدالاله: ياحليلتس
ابتسمت لهم ام ذكرى وكل وحده ركبت مع زوجها وراحوا للعزبه والابل يكشتون عندهم
-
اما بالبيت الكل على جواله والي جالس على التلفزيون والي نايم كذا
-
وسن: خل نقوم نخرش العيال
انجذبت ذكرى وقامت بحماس : وش الطريقه وكيف يعني؟
دنى: يلا وش الطريقه بفقع قلب عبدالاله
ذكرى: وانا حاطه سهم براسي هالكريه
ضحكت دنى : يستاهلون هالاثنين
ذكرى: اي والله !
-
طلعوا كلهم بهدوء شافوا العيال الي يلعب بلاستيشن ومافي شي طلعوا من الحوش الثاني ورا البيت طقوا شباك المجلس طق خفيف لف اويس : من يطق ؟
سهم: قطو شي يمكن
عبدالله: قطو طقت انسان؟
سكتوا شوي طق قوه قاموا برعب اويس : يعيال !!
عبدالاله: شفيكم !
نزل عبدالعزيز السماعه من اذنه لف ب استغراب: نعم شفيكم نطبتوا تقل داعم بكم احد
سهم: مخروشين
فجاءه يشوفون نور من فوق من الشباك يطفي ويشغل وعبايات سوادء
اويس انفقع قلبه معد يقدر يتحرك ويقولهم شوفوا وراكم لفوا منصدمين من وجهه سهم: علامك بالتيس تكلم وجهك قلب الوان!
اويس بتلعثم: ا ا شوفو شوفوا وراااكككم
لفو العيال : شكله الفانوس
سطره عبدالله : الفانوس بالبر مو ورا الشباك!
عبدالاله: يمه اشكالكم تضحك مقدر !
ناظروا بعض وانفجروا ضحك
همست ذكرى ل وسن: اقولك شكلنا نضحكهم مو نخوفهم
وسن: شكل
ذكرى: الا اقولتس عطيني سوط بمحط سهم
وسن لفت ورا : هاك
اخذته ذكرى مدته من تحت الشباك وهم يشوفونه يفتح ووراه اسود
