امنه ب اعجاب : بس وربي رهييبب!! من وين جايبته ؟
ذكرى: من ديور
امنه : ماشاءالله لبس العافيه اقري اذكارك ويلا امشي الساعه 6ونص
ذكرى: يلا بلبس عباتي واجي اركبي مع السواق
مشت ذكرى للغرفه وبدون شعور منها صوت نفسها على المرايه وارسلتها ل سهم عشان توريه الفستان ولبست العبايه الي كانت باللون الكُحلي وحطت الحجاب على راسها وطلعت وركبت السياره متوجهين للقاعه .
-
فتح جواله من وصلته راسله وهو يلبس كبكاته ويعدل شماغه ونطق: يالبييهه احلى شي ممكن تروق عليه !
سجل فويس ونطق: وش هالجمال! وش هالرقه ! والله ما حلى الفستان الا عليك ياملكه جمال العالم ! ولو مو ملكت جمال ! انتِ ملكه جمال بعيوني وروحي .
قفل الجوال وطلع ل امه الي تنادي ونطق: لبيه يميمتي
ام سهم: يالله ابوك ينتظر باالسياره قفل كل البيبان واطلع !
سهم: طيب
طلعت ام سهم بعد دقيقه من تقفيل البيبان طلع سهم وركب سيارته يلحق الزفه .
-
ترجيع احداث شويه الساعه 5 العصر
نزلت من فوق وهو ينتظرها تحت والمصوره تصورهم الزفه الاولى ناظرها وهو فرحان الدنيا مو شايلته وهي بالنفس الشعور كانت مستانسه مره ابتسمت ابتسامه عريضه وابتسم لها ونزلت مع الاغنيه لين وصلت عنده ومسك يدها ولف عليها: وشذا الزين ارفقي بقلبي يادنو
ابتسمت له بخجل وهنا المصوره اخذت اللقطه ذي ونطقت: احلى لقطه !
كملوا تصوير للفستان ولهم بعد وللزفه .
انتهوا من كل شي ونطق عبدالاله: مع السلامه ياحُبي .
ونطقت: اشوفك باليل ياحُبي
ضحك وطلع عشان زفه العيال.
-
كان الشارع ممُتلى بالسيارات والزفه حقتهم والاغاني الي شغاله كان الكل فرحان لِ عبدالاله وهو مبسوط اكثر منهم ! لانه اخذت حُب حياته وبالنسبه له هذا اقوى انتصار !
نزلوا كلهم والمصور يصور الزفه الرجال والحضور وبدوا يسلمون على الرجال وبعده بدت العرضه سحب سهم السيف الي كان بظهره من ورا ماكان لابس بشت لانه برغبته مابغى وكان يعرض قدامهم عرضه اهل الشمال ونطق اويس : بعرسك بعرسك
ابتسم سهم له وبدا يعرض كان له هيبه وطويل وصوته الخشن على الهادي نبرة صوته كانت حلوه يغني مع الاُغنيه دخل عزوز معه وبدا يعرض قدامهم سهم جذاب برقصه وبعرضته الي متقنها ونطق ابو سهم الي يرقص معهم: اذكرو الله اذكروا الله
من تعالت الاصوات : ب ماشاءالله تبارك الله
ابتسم سهم ل ابوه الي تقدم يعرض معه ودخل عبدالاله وبعده عبدالله كانوا حفايد الجد فهد الكل يعرفهم من كانوا صغار كانوا رجال وهم اطفال على تربيت جدهم الي بالنسبه ل الناس تربيه حاره وقويه !
-
صارخوا البنات وهم يناظرون بعض وكشختهم وزينتهم كل وحده تقول الزين عندي ونطق العنود: واو ذكرى!
ابتسمت لها ذكرى ونطقت رنا: انا منبره بهالجمال!!
ذكرى: قلبي والله!
يلا امشوا نشوف دنو!
مشوا كلهم يطلعون فوق ودخلوا عندها اول ماشافت ذكرى صرخت بحُب لها ونطقت: ياهلا بالزين ياهلا بحّرم السهم
ابتسمت ذكرى من نطقت بحّرم السهم تحس هالشي ملكها ولها !
ضحكت ونطقت: احلى عروسس !! ياربي وش هالجمال والرقه ! "سرقت الكلمه من سهم "
دُنى: محد يقول الرقه الا سهم اعترفي مسحوره انتي !
ذكرى وهي ماشيه تجلس : انا مسحوور انا مسحوور
ضحكوا البنات عليها ونطقت ميان: عزالله مسحوره ياحلو هالسحر دامك تسولف مثل سوالف محبوبك!
ذكرى: صدقتي يابنت العم
دُنى: شف شف نفس السوالف بعد !
ضحكوا كلهم ونطقت العنود: لازم ننزل ونترك صح!
دُنى: اذا تشوفون يعني !
لمى: تبي طردتنا!
دُنى: روحوا روحوا ولعوا العرس حبايبي يلااا
مشت ذكرى وهي تغني: بدناا نوولع الجوو والجوو يولعنناا!!
دُنى: اييه عاشت
ضحكوا كلهم وهم يطلعون يقفلون الباب .
-
"جاء وقت الزفه "
نزلت من فوق كانت ملكة جمال بالفعل ! نزلت والنور طافي والإضاءه على وجهها وهي نازله والفستان الي كان طويل وكت من فوق وشعرها الطويل مسويتها ويفي والفستان يلمع من بعيد ابتسموا البنات وهم يناظرونها كانت تفتن كيف لو بيشوفها عبدالاله! ابتسمت ابتسامه عريضه وهي تتخيل عبدالاله وقت يشوفها ..
جو البنات لها يضمونها ويصورونها ويضحكون تقدمت ذكرى: ياحظ الي اخذك ياروحي
دُنى ابتسمت لها ونطقت: ياحظ سهم فيك يالدنيا
ضمتها ذكرى بقوه وهي نفس الشي ..
انزلوا البنات عن القاعه وبدت زفة الرجال كانوا جايين عبدالاله الاول ثم ابوه ثم عمه ابو دُنى بجانبه وسهم و اويس وسامي ورواف وسند وسلطان جوا بعد وبقوا اعامهم الكبار مادخلوا ابتسم اول ماشافها وهي مغطينها بالشال الابيض حس انه الحين راح تتجد روحه من جديد وهو بمجرد مايحط كفه بكفها تقدموا كلهم يدخلون المنصه وبدت تتشغل الاغنيه وبدو يرقصون العيال ويستهبلون ..
لمى : اخ شوفو رواافف!!
ذكرى: والله حلو!
ميان: عاشت وين ريان!
لمى: مادخل شكله
لفوا روسهم وهم يشوفون ريان جاي هو وسلطان و عبدالعزيز ويأشرون بأيديهم ل سهم والعيال الباقين تقدموا كلهم يرقصون سوا .
العنود:شوفو عزوز
لفوا يناظرون عزوز الي ماسك سيف ويرقص مع عبدالاله وهم يضحكون
ريان وسهم الي كانوا بنفس الطول واقفين جانب بعض ويرقصون رفعت جوالها ذكرى وهي تلقط له صوره انتبهوا البنات ولها وضحكت وهي تناظرهم وضحكوا جمييع.
انتهى الوقت الي يرقصون في العيال وبدؤوا يرجعون كلهم وبقى دُنى وعبدالاله الي ناظرها ونطق: ياحلوتس حلواه ياربي كامله والكامل رب العالمين مسك يدها يشد عليها وهي مبتسمه وبدت تشتغل الاغنيه ويمشون وكانت الاغنيه أنت نصيبي يوم اشتغلت الاغنيه اشتغلت القلوب معها كان الشعور يكفي بأنهم ينفجرون فرح ومن كثر الفرح شدوا على كفوف بعضهم محد كان مصدق منهم انهم ل بعض ومن كثر الشعور القوي الي جاء لِ عبدالاله وقف بنص الطريق ولف على دُنى وضمها قدام الكُل ابتسمت تشد عليه ويشد عليها ومن حسن الحظ ان المصوره لقطت هالفديو الي أسر القلوب ولما رفعوا جوالاتهم يصورون وهم يصرخون بنات عمها ..
•
عَلى كثر أُمنياتي منّ خلقت ولين هذا الّيوم
يجيّبك رَبي يـا أجمّل أُمنيِه تمنيّتها بَعُمري
سَعاده بها اي أنسّان فؤادي بحُبها مغروم
وفَرحه تخّتصر كُل أُمنيات الدّنيا فَي صّدري
•
مشوا يطلعون الدرج وانتهت الزفه واذخها للفُندق ..
-
توجهوا الكُل للشعاء وتعشوا وخلصوا وبدت الناس تمشي وتفضى القاعه اما هم البنات الي كانوا يرقصون على اخر لحظه طفت المسجل ونطقت المغُنيه: انا بمشي انتهى وقتي واشرت على يدها بمعنى الساعه
فهموا البنات ومشت ذكرى توصلها وتروح معها وقفت عند الباب من دق جوالها ونطق : الوو يابنت
ذكرى: هلا؟
سهم: اطلعي لي بشوفك!
ذكرى: صاحي انت مقدر بعدين توي مو زوجتك!
سهم: اخ وش يصبرني !
ذكرى: بكره بتخطب ؟
سهم: اايه!
ذكرى: اخ تعبانه مالي خلق اكشخ!
سهم وهو جاي من وراها : ايواا
لفت له وصرخت قفل فمها بيده ونطق: مصدقه بتطوفني الكشخه!
ذكرى: مايطوفك شي !
سهم: اي نعم مايطوفني
سحبها معه ودخلوا غرفه بالقاعه مافيها احد وينطق : ايوا اكحل عيوني فيك ! ياحرم السهم
ذكرى : اوف احس مستحيه شرايك تطلع ؟
سهم: لا
ذكرى: سهمم!!
سهم: ماني طالع الا لما تبوسيني !
انصدمت من طلبه وذكرى طار بالها : من وين!
سهم وهو يضحك: وشرايك من وين تبين؟
ذكرى بخجل: ااخ سهم ياحقييرر
سهم وهو يضحك: ياخي نيتك انتي شدخلني ! اشر على خده بيده وناظرت له ذكرى بمعنى لا وهو غصبها اجبرت نفسها تقرب منه وتطبع بوسه على خذه الايمين من اقتربت له واستنشق ريحه عطها الي دوخته ونطق: اهخخ ليه م اضمك الحين ؟
ذكرى : مدري
سهم: تسمحين ؟
ذكرى الي تقدمت تضمه بقوه وهو بادلها الحضن كانت صغيره عنده وبالحيل! نطق : فليس صحيحًا بأنَّ القُبلْ
هي الكافيةْ
أحس على الصدر عبئًا ثقيلا
وكم أتمنى الحديث طويلا
لأشبع روحي وأروي الغليلا
•••
فإن الحياة حياة الكلامْ
تُفرِّج عن كُربة المستهام
أريدُ الكلامَ، أريدُ، أريدْ
وكيف أعبر عما أريد؟
•••
ولكن لو انقاد لي خاطري
وجئت بملحمة الشاعر
فهل كان ذلك أغنى لسانا؟
— أجيبي — وهل كان أجلى بيانا؟
من أن أضمكِ نحو صدري
وأبثُّ في أذنيك سرِّي
وأقول في نشرٍ ولفِّ
وأعيدُ ألفًا بعد ألفِ:
يا ذكرى أنتِ مناي، أنت
أنتِ أنتِ رغبتي الأولى والاخيره
أنتِ جوهرتي الثمينه ... ... ...
ابتسمت ذكرى ونطقت : لو كُنت شاعراً لكتبتُ لكَ قصيده بِأنك سيده الِرجال وافضّل الرِجال بِنظري !
ابتسم سهم: اوف اوف من علمك هالسوالف!
ذكرى ناظرته: مو بس انت تعرف !
سهم: لا بس انا !
ذكرى: والله بنتهاوش ترا!
سهم: خلاص خلاص امشي امشي
طلع سهم وطلعت ذكرى بعده وركب سيارته ودق على امه وطلعوا البيت ومشت ذكرى لبست عبايتها هي وامها وطلعوا من القاعه . الُكل طلع من القاعه وانتهى اليوم الحلوا بكامل المشاعر الحلوه الي ممكن اي انسان يمتلك هالمشاعر من فرط الشعور احياناً عليك ! تحس نفسك كذا اي شخص يكلمك تسوي طلبه تحس انه تحيا من جديد تقوم كذا تتمشى تحس بالشعور حلو ومبتسم ماتعرف هالشعور الا اذا انت مجرب اخ يالشعور حلو ...
-
" بالفندق"
دخلوا وهو شايل فستانها وكانت الساعه بحلول 1منتصف الليل دخل وناظر فيها وهو مبتسم : اساعدك بالفستان !
ناظرته : تبي مخمس!
عبدالاله: يووه نسيت اني متزوج اخت سهم
دُنى: مو عاجبتك؟ طلق
عبدالاله وهو يقدم : وش مو عاجبتك يلا عجلي بطلب اكل يادنوو
وطلع قفل الباب ونزل يطلب اكل
هي ضحكت يوم نطق دنو تحب اي احد يناديها ب دنو فصخت فستانها واخذت شور ولبست بجامه حرير باللون الكُحلي كانت مُناسبه لبشرتها .. ومشطت شعرها وحطت مسك وتعطرت وجلست تنتظره دخل عليها ونطق : جاء الاكل ماسألت وش تبين تاكلين مدري بس طلبت كل المنيو
دُنى وهي تضحك: وش كل المنيو! من بياكل !
عبدالاله الي اذا جاع يحس كل شي قليل بنظره : مدري وضحك
ضحكت معه ونطق: يعني كل المنيو مو كله بس يعني كله
دُنى: موب صاحي! يلا بس نشوف شخصين الي بياكلون ترا!
عبدالاله: نشوف ياقلبي
دُنى: اطلب برقر
عبدالاله: بشوف انزل اعدل على الطلب .
نزل عبدالاله يعدل على الطلب وجاء الطلب معه وحطوا الاكل وبدوا ياكلون . خلصوا اكل وناموا .
-
العصر تجمعوا ببيت ابو سهم كلهم وعلى وقت جمعتهم والقهوه نطق سهم : ياعم
ابو ذكرى: سم
سهم: سم الله عدوك ، ابد والله ابي اطلب ذكرى منك مره ثانيه على سُنه الله و رسوله.
سكت ابو ذكرى مايدري وش يقول وخايف من ردك فعل امنه ونطق : ابشر والله نشوف عن رأي امها زي ماتشوف
سهم: اعرف خالتي امنه امي ان شاءالله تحاول فيها بس انت وش رايك؟؟ عادي عندك اهم شي عندي انت
ابو ذكرى: والله انك رجال وكفو فيك وطيب وكرم ياوليدي سكت شوي وكمل : جب الشيخ وتعال
ضحك سهم وكلهم ضحكوا من ضحكته وتقدم يبوس راس ابو ذكرى وراس ابوه وعمانه بعد .
ابو عبدالله: يستاهل السهم يستاهل !
ابو سامي: اي والله يستاهل ودام خطب سهم انا بخطب ميان منك ي ابو عبدالله ل لولدي ريان
توتر ريان ونطق ابو عبدالله : والله انها الساعه المباركه حددو يوم وتعالوا تبونه وقت ملكه سهم؟
ناظر ريان ب سهم كأنه يقول ودك ولا من نطق سهم : ايه معي ريان
ابتسم ريان ونطق: تسلم
ابتسم له سهم
ابو سامي: اجل شرايك ياسهم يوم الاثنين
سهم: موافق
لفوا يباركون العيال ل بعضهم ونطق سلطان ل سامي بهمس: وذكرى؟؟
سامي: راحت خلاص وش اسوي ؟
سلطان: ذاك اليوم شفت صديقه ذكرى جايه هنا اخطبها اسمها ليالي
سامي: ليه ؟ بموت اذا ماتزوجت ؟
سلطان: يارجال مانت ميت بس عاد اقولك يعني اي شي من ريحه الحبايب
سامي طير عيونه بصدمه لسلطان: مجنون انت ! بلقى غيرها وبعدين لو ربي كتب نصيبي مع ليالي ماني بقايل شي بس ماعرف شي عن البنت!
سلطان: هي تشتغل معاك!
سامي: ايش!
سلطان: والله اسمها ليالي حمد
سامي وهو يتذكر ومر عليه هالاسم ونطق : ايي عرفتها !
سلطان: اجل تعرف عليها واذا عجبتك تزوجها
سامي: ان شاءالله
-
"عند البنات "
مبسوطين وميان مبسوطه كثير ان ريان خطبها وماكذب عليها ناظرت البنات ونطقت: ماقلت لكم!
لمى: والله طلع كفو
ميان: من يومه كفو
ضحكوا البنات العنود: ياليل قامن يشجعن
ضحكوا كلهم ونطقت وسن: اين انت يازوجي
سند الي كان جاي ياخذ فناجين قهوه وسمع صوت بنت وعرف انها وسن ونطق : موجود
"سند جريئ! " حطت يدها على فمها ونطقت: يمه
ضحك سند وناظرت وراها الا هو واقف وهي تناظره وهو يناظرها مبتسم ركضت من قدامه ودخلت على البنات ونطقت : وجع يارنا وجع !
رنا: وشو !!
وسن: قلت اين انت يازوجي ودخل علي سند ااخخخ!!
انفجروا يضحكون البنات ونطقوا جميع: موجود يلا يلا
قامت عليهم تضربهم كلهم وهم يضحكون طلعت وهي معصبه منهم تشرح لهم موقف يفشل وهم يضحكون!
-
بعد مرور يومين بدون احداث روتين طبيعي متكرر وزياره دُنى وعبدالاله ل اهلهم .
-
دُنى تتصل على ذكرى من وصلها صوتها : هلا دنو؟
دُنى: يلا حبيبتي مشغوله ولا ؟
ذكرى: اسوي شعري مع ان الساعه 4 مدري متى يجون
دُنى: اجل بقولك تراها ببيت ابوي الكبير يقولون عشان نجتمع كلنا سوا
ذكرى : اوه تمام
دُنى : باي
ذكرى: باي
انتهت المكالمه وبدت ذكرى تضبط نفسها .
-
ميان: يمه احس متوتره!
لمى : وش متوتره وترا دنو اتصلت تقول ابوها يقول عندهم مو ببيتنا
ميان: يوه ليه؟
لمى: مدري عشان يجي الشيخ مره وحده ويكونون مع بعض كلهم !
ميان: يلا ماعلينا طلعي فستاني خلي سيتي تكويه
لمى : تمام
اخذت الفستان لمى وطلعت تعطيه سيتي .
-
بعد مالكل اجتمع وبدوا يجتمعون وبدوا يجون الحريم والرجال والمجالس امتلت هم
دخل سهم بالهدايا والخواتم والشبكه الي كان فيها اثنين سلسال ذهب واسوارتين ذهب
دخلوا الاثنين وكانوا جايبين نفس الشي بس الاشكال تختلف ودخل داخل ونطق : يادنو
جت دُنى : هلا سهم؟
سهم: خوذي الشبكه وحطيها مدري وين وهذي شبكه ميان
دنى: الله حلوات والله
سهم بتكشيره: ياحلوس
كشرت له دنى واخذت الشبكه ونادت لمى تساعدها .
-
دخل المجلس ونطق : ريان وديت الشبكه عندهم
ريان: تمام
بعد صلاة المغرب وصل الشيخ وبدوا يكتبون الكتاب وارسلوا البصمه عشان توقع عليها اول ذكرى ثم ميان وبصموا الاربعه كلهم .
وكان وقت تلبيس الخواتم .
دخل اول شي ريان وشاف ميان فز قلبه بقوه وهي بنفس الشي ابتسم لها يتقدم والشي الي محزنه اكثر ماعنده اخت توقف معه فهموا البنات وتقدمت امه تمد له وهو بدا يلبس ميان الخاتم ثم لبسته هي الخاتم وقطعوا الكيك سوا كانوا مسوين غرفه ل سهم وذكرى وغرفه ل ريان وميان انتهوا ميان وريان وجاء وقت سهم وذكرى
دخل سهم للغرفه وابتسم اول ماشافها ونطق بصوت مهموس: يالبيه
ابتسمت ذكرى له وبدا يلبسها الخاتم ولبسته هي الخاتم والبنات يصورون وعند ميان وريان كذا كانوا ميان وريان مستحين من بعض مابينهم تواصل او اي شي عشان كذا .
-
تجمعوا البنات بعد ماراحوا الضيوف ونزلوا فساتينهم ومسحوا ميكبهم ونطق العنود: كنتي حلوه ياذكرى
ذكرى ب ابتسامه: حياتي والله
رؤيا: وحتى ميان الكموني عليك حريققه!!
وكملت تنطق : وذكرى معروفه بالاحمر وكل مره تلبس احمر يخطف القلب هاللون لايق عليك بس يـ أم الفستان الاحمر فستانك عاجبني لونه!
دُنى : لحظه لحظه خلوني اجيب الطبله حقت سهم
ركضت دُنى للغرفه تجيبها وجت وبدوا يطبلون ويغنون قامت ذكرى ولفت طرحه على خصرها وبدت تتمايل وهم تحمسوا اكثر وشغلوا اغنيه ويطبلون ويصارخون وهم يرقصون كانت ذكرى مُتقنه للرقص الشرقي وتحب تهز وهم يناظرونها ترقص صرخت لمى: العنن شكلك هزي بكره ل سهم
ناظرتهم ووجها احمر وخجلت انفجروا يضحكون عليها كيف وجهها قلب باللون الاحمر !!
وسن: حراام احرجتوها!!
رؤيا: مجنونه لمى!
ميان: اف ياحيوانه
ذكرى جلست تشرب مويه وهي ماتتخيل نفسها بهالمواقف ابداً !
وناظرتهم تخزهم دخلوا الامهات بعد ماودعوا اخر الضيوف ونطقت ام سهم: ها وراكم طفيتوا ارجعوا شغلوا!
ذكرى: مابهز ترا!
ضحكوا البنات عليها ونطقت ام ذكرى: افا ليه !
ام عبدالله قطعت حديثهم ونطقت: يا ام ذكرى شلون رضيتي بالخطبه مره ثانيه؟
ضحكت ام سهم تلطف الجو وهي طول هاليومين تحاول فيها عشان توافق نطقت: ياوخيتي ماهو وقتك خلينا مستانسين
ضحكت ام ذكرى : والله شي وصار الحمدلله الحين هم ل بعض
ام سهم: اي والله
ام اويس: امشن ياحريم نترك البنات ونطلع لحالنا
مشوا كلهم الحريم يجلسون بالحديقه ويتقهوون.
-
رجعوا الكُل للبيوت وناموا من صحوا البنات "ارسلوا بالقروب "
ذكرى: الو بمركم نطلع نتقهوى !
لمى: تم
رؤيا: انا معاك
الكل وافق وجتهم تمرهم اخذتهم كلهم واخرشي راحت ل بيت دُنى الي اعطت خبر لِ عبدالاله وراحت مع البنات وصلوا الكوفي ونزلوا كلهم ويضمون بعض والي يشوفهم يقول لهم سنه ماشافوا بعض اجتمعوا كلهم على طاولتين وكراسي ووصل طلبهم وبدوا يتقهوون ويسولفون ناظروهم مجموعه عيال ونطق واحد: ابك ابك شف هالمزز ذولي
انتبهت ذكرى على نظراتهم واعطتهم نظره مثل خير وقالت : بنات خليكم حريصات على انفسكم عيال الناس ماتربوا زين شكلهم
رنا: شفيك؟
ذكرى: مافي شي بس عدلوا طرحاتكم ولفوا عباياتكم عدل
سمعوا كلامها البنات وكملوا يتقهوون لين ماوصلهم واحد ونطق : انتي الي بالنص
اشر على ذكرى ونطقت: خير؟
راضي: خير خير عطيني سنابك
ذكرى ضحكت وناظرته ونطق واحد: عطيه سنابك اعجب فيك ولا ماعندك ؟
ذكرى وقفت وعدلت طرحتها ومشت بخطواتهت وصوت طق الكعب ووقفت عندهم وناظرتهم من فوق لتحت ونطقت: بعطي سنابي هالاشكال؟
نطق ولد : ليه وش حلونا وضحكوا
ضحكت ذكرى ونطق راضي : ليه من زينك عاد مغروره على ولا شي
ناظرته ذكرى ونطقت: غروري مو بشكلي او بلبس غروري بثقتي
وقفت دُنى تمسك يد ذكرى لاتقلبها هوشه ونطقت: ذكرى اصص
نطق واحد: شوفي صديقتك تقولك اص
ذكرى: مو انت الي تقولي اص تسمع! لا احط هالشوكه بعينك!
راضي: ياليل ماحنا ميتين عليك يلا امشوا
لف بيمشي بس من رفعت صوتها تنطق بكل ثقه : ماحنا على وصّلك يافلان ميتيَن من خلقنا الله مانّرتجي وصال الرخومّ مانتحسف الا على الكَرام الطيبينَ ولا الردَي ! عندَنا ترا ماله لزوم!
ماتربينا يـا ضعّيف نطرَد ورا المقفين ولا تربّينا
نلحق الضّعافه شرهه ولَوم .
انلخم راضي من الكلام وخوياه وسكتوا ولفوا مقفاهم يمشون من نطقت ذكرى وسوت يدها عند اذنها مثل مكالمه : مّعـاك المُحاميه ذكرى اي مُشكله دق نجمه ضحكوا كلهم وضحكت ذكرى اما العيال مشوا يتخطونهم من الفشله الي صارت لهم والكلام الي دقهم دق !!
-
"ببيت عبدالله "
سوسن: حبيبي تبي اكل ؟
عبدالله: اي والله جوعان!
سوسن: يلا خذ سهم وصخ الدنيا
سهم الي صار عمر 7شهور .
عبدالله وهو يحمل سهم: ياقلب بابا انا!
ناظر سوسن وغمز : ماودك بالثاني؟
سوسن ناظرته ومسكت الملعقه: عشان لاجيت بولد انت تنام واصحيك وتنام!
ضحك عبدالله بقوه ونطق: وجعع! مابنام صدقيني عاد وديتك ترا !
سوسن وهي شايله الاكل ومتوجهه لطاوله الطعام : امش امش وجب ولدك
جلسوا ياكلون ومستمعين ب سهم الي بدا يطلع اصوات ويضحك شاله عبدالله يدور فيه وسوسن تصرخ عليه وتنطق : لا تدوخ البزر ياعبدالله سكتت تناظره يلاعبه ونطقت: متزوجه بزر ياناس !
وشاله الاكل وبدت تنظف المطبخ بحكم خدامتها راحت .
-
جاها اتصال من سهم رفعت الجوال وردت : هلا ؟
سهم : لمتى بتقولين هلا؟ قولي حبيبي عيوني قلبي وروحي
ذكرى بعناد: سهومي حبيبي !
سهم: امريني !
ضحكت ذكرى: انت خفيف !
سهم: خفيف عندك وعند غيرك ثقيل
ذكرى : اوف اوف ! بس عندي خفيف كويس
سهم: اجل كل ماقالت لي بنت حبيبي اذوب ! لا قلبي اذوب عنك بس
ذكرى حست بالغيره وماخطر ببالها غير العنود ونطقت بتغنج: عيوني وروحي انت
سهم : ايوا !!
ذكرى : احبك
سهم: اموت فيتس
سكت يكمل : اطلعي عند الباب !
ذكرى: انت موجود؟
سهم: ايه !
ذكرى قامت تعدل ملابسها وشعرها كانت لابسه لفنز وبلوفر اسود وشراب طويل باللون الابيض ورفعت شعرها قرن فوق وبخت عطر وحطت شوي مرطب شفايف وماحست نفسها تحتاج بلاشر لان خدودها حمراء ..
طلعت تفك له الباب ودخل المجلس وبيده ورده كبييره بلون الاحمر وبالنص سلسال الماس عليه حروفهم
"S&TH" ناظرته وشهقت بفرح: سسهممم!!
ونطق : لبيه ! وكمل يقول : هذا اذا شلتيه منك رقبتك بشلك معه وضحك
ضحكت واخذت ورده وركبت على الكنبه عشان تلحقه وحطت الورده ب اذنه من ورا ورفعت جوالها تصوره ونطقت : احبك مووت احبك
سحبها من فوق الكنب وشد على خُصَرها وضمها له وهو حاط راسه على راسها ونطق: وانا احبك ياذكرى السهام !
ابتسمت له من دفن وجهه برقبتها يبوس فيها ضحكت وضحك من ضحكتها ونطق : ااه يالضحكه الي هي دواي ولو تغيب عن سماي انا كني ارض بلا مطر جافه
ذكرى كشرت بعبوس : سهمم!! مابغيب عنك
وانحنت للود تشم ريحته ونطقت: ااخ احب الورد واحب سهم واحب كل شي شخص سهم
ابتسم لها ونطق: احضنيني عادي ؟
وقفت ذكرى على الكنبه عشان تضمه من فوق رقبته ونطقت : حبيب عينيا!
سهم: وش وش شقلتي! عيديها
ذكرى: حبيب عينيا !!
سهم : ياحلوها من منطوقتس
جلست على الكنبه وجلس بجانبها فك العلبه الي كانت تلمع وواضح طلب خاص وقطعه نادره رفعت شعرها ولبسها سهم ولف يبوس خدها ونطق : لاتفصخينه تراه مايتحسس ولا يخرب ولا يصدي عادي
ذكرى: تم
سهم: يلا بروح مافي حضن لي ؟؟
ذكرى نطت عليه وهي تحضنه وهو يدور فيها بالمجلس وهم يضحكون نزلها وودعها وركب سيارته ومشى واخذت الورد تركض فيه للغرفه والورده اكبر منها بمرتين ضحكت امها على شكلها والعاملات يضحكون بعد ونطقت: سينا تعالي ارفعي معي الدرج مقدر ارفعها !
سينا: ذوذو انتي صقير مافي تويل (صغير ،طويل)
ضحكت ذكرى من نُطق سينا الي ماتعرف عربي ونطقت: عربيتك مكسره
وكملت: ارفعي بس ارفعي
ضحكوا كلهم وشالوا معها يرفعون الورده لغرفتها انسدحت على سريرها وضمت دبدوبها من الفرحه وطلعت سينا .
-
الصباح قامت تتجهز عشان تروح ل دوامها وعندها قضيه مانامت طول الليل تتأمل الورده والسلسال وتحل قضيتها قامت تتجهز وتلبس وركبت سيارتها ومشت .
-
قامت معاه تسوي له الفطور ونطقت: مسويه لك فطور بتسحب علي !
عبدالاله: لا من قال!
دُنى : تسوقها علي يلا يلا افطر
عبدالاله بتكشيره: اخ منتس ايوا وش اكل عسل ولا عسل ؟
ضحكت دُنى من فهمت مقصده : حط عسل مع قشطه!
اخذ خبزه وحطها عند خدها واكل الخبزه ومن فهمت مقصده انفجرت تضحك وضحك معها ونطقت: سااممج بس تضحكني
قام يشرت اخر كاسه من الشاي وقام يبوسها مع خذها ونطق : انتبهي لنفسك استودعتك الله واذا بتروحين اهلك عطيني اخبر ثم روحي مع السواق تمام حُبي؟
دُنى ابتسمت من نطق حُبي ونطقت : تمام حياتي !
ضحك ومشى يقفل الباب وراه ومشت تشيل الفطور وترجع تاخذ لها غفوه .
-
لبس وركب سيارته ومشى اول م دخل المستشفى لف على صوت وحده تنطق : يادكتور سهم
.
.
.
ادري قصير بس يلا كان ودي اتأخر شوي عشان يصير 4،5 الاف كلمه ، احبكم ي أهل الواتباد 💋 .
(نجمه ، انستا sssu3g)
