-
صحواالصباح على صوت الديك والدجاج الي في حديقه ابو سيف" بيت الجد الكبير "تحديداً الساعه 8ونص قاموا البنات كالعاده يجهزون الفطور وبالنسبه لهم هذي امتع فقره هي تجهيز الفططوور ! لمى: بنات
رؤيا: هلا!
لمى: خلونا نروح الاسطبل شرايكم؟
رؤيا: الاسطبل حق عمي ولاا ايش ؟؟
رنا: لا حق جدي الي فيه البرق والادهم واحد حق سهم وواحد حق عزوز والباقي ماعرف اسمهم
دنى بتنهيده : اخ البرق حق سهم كان صغير يوم شراه جدي ل سهم وقتها كان يبي حصان وجدي قاله اذا شطفت الحوش وقهويت الضيوف اسبوعين اشتري لك حصان ضحكت وكملت تنطق : كان وقتها مستانس حييل ووعد ذكرى ان اول مايجيبه بتركب ويوم ركبها كسر رجلها وقتها
وهاوشه جدي
ضحكوا البنات كلهم وضحكت ذكرى بتنهيده : ااخ ياحلوها من ايام حتى كان حُب نقي وجميل جداً!
رؤيا: اي والله
ام ذكرى : خلصن لكن ساعه !
ذكرى: يلا خوذي حطي
اخذت ام ذكرى والعنود الاكل وبدوا يرسلون الاكل للمجلس والحريم حطوه بالصاله الداخليه وجلسوا يفطرون .
-
كانوا يفطرون ونطق ابو سامي: تروحون العزبه نشيك على الحلال ؟
ابو سهم: تم والله
ابو عبدالعزيز: معكم
وأبو عبدالله: معكم!
وابو ذكرى: اكيد معكم
ونطقو العيال : معكم
ابو سامي : غصب عنكم !
ضحكوا ونطق سلطان: مافيني حيل اروح
ابو سامي: ليه ؟
سلطان: مليت من الجمل والديم والدجاج وكل شي كل يوم اشوفهم
سند وهو يغريه : البتار !
سلطان بحماس: قمنا !
ضحكوا اخوانه ونطق اويس : وش سالفه البتار !
سند : هذي ياطويل العمر جّمل سلطان رباها من يوم كانت صغير
اويس : العب
سهم لف ل ابوه بتعب : راسي يوجعني اسكتوا شوي !
قام سهم وهو يغمى عليه للمره الثانيه !
قاموا العيال عليه ونطق ابو سهم : اتركوه! ماعليكم اخذ مويه ويكب على وجهه بعد دقايق صحى سهم لكن كان متعرق وحاله مبهذل جداً!
ابو سامي فهم ونطق : نوديه ابو فجر ؟
ابو سهم: مع الاسف بنشوف وش يصير
ابو ساميي اجل يلا عجلوا افطر عشان نقوم نروح هالحين
-
بعد ساعه
طلع ابو سهم و ابو سامي لبيت ابو فجر دخلوا وحس بكتمه اول م ادخل اختنق ووجه صار احمر ناظره ابوه وناظر ابو سامي واشر ل ابوه سامي بمعنى اسكت نادى ابو سامي: ياولد وينكم؟
طلعت ام فجر وناظرت لسهم وابتسمت وابتسم لها سهم ! دخل فجر عندهم وجلس ويناظر سهم سهم كان ساكت ويبتسم له وبعدها ادخلوا اخوان فجر ! ونطق واحد منهم: ياليل البلشه !
نطق سهم ببراءه: ليه البلشه م اشتقت لي؟
ام فجر بضحك: شدعوه اشتقنا لك والله ان شاءالله انت وفجر تصيرون اصحاب !
سهم:هالحين خليه يصير خويي يلا
ابو سامي و ابو سهم كانو مصدومين سكت شوي فجر وناظره بضحك: تعطيني ذكرى ؟
كان رد سهم صادم للجميع !!
نطق: خذها
قام ابو سهم: خيير ان شاء الله؟
تفاعلت ام فجر ونطقت: نعم انت !! اطلع برا سهم ولدي ووخوي عيالي يلا وذكرى كانه يبيها فجر ماتغلى عليه !
ابو سامي بعصبيه: تعقبين وتخسين تسمعين!
وفكي السحر الي حاطته ب سهم كلنا ندري ترا تسحرينه عشان يصير معك ها ياام السحر سحروك الجنون ان شاءالله!
ام فجر بضحك: والله بكيفي يلا برا اطلعوا
لف ابو سهم على سهم الي يبتسم ويضحك وعادي عنده جدا : امش قم معي
سهم بعصبيه: خخير ماني طالع معك رح لحالك !
ابو سهم بعصبيه: والله ان ماطلعت ل اذبحك هنا !
ناظر ابو سامي ام فجر ونطق بصراخ: خليه يطططللعع!!!
ام فجر : ليه ان شاءالله اطلع ولدي هذا !
سهم ببرود: روحوا اطلعوا بجلس هنا انا
قام فجر بصراخ: اطللع براا!
سهم: شتبي انت انا جالس عند خالتي انت نعم ؟
ام فجر ب ابتسامه: لا يولدي هذا اخوك وصديقك مايصلح كذا
كان السحر قوي على سهم مأثر عليه لدرجه لو تقوله ام فجر اي يكلمه يسمعها وهذا هي الي طلبته .
"ترجيع احداث "
وقت طلعت ذكرى ل الطلب سهم ماكان موجود كان بالغرفه ! اتصلت ام فجر وقالت له قم اطلع ل ذكرى حبيبتك راحت عند المندوب الحين يلمس يدها وهي ملك لك ! الغيره عند سهم حرييققه وتحرق من يلمس شي يخصه بالضبط اخذته من اليد الي توجعه طلع سهم معصب وشاف معها كيس الحلا وهاوشها ثم ضربها قدامهم رجع لغرفته واخذ جواله ثم اتصل على ام فجر ونطق: ضربتها
ام فجر بفخر : كفو تستاهل طلقها
سهم: ان شاءالله
-
ابو سامي : قلت لك قولي له يطلع بسرعه ل اتصل على الششرطه !!
ام فجر خافت ونطقت: سهم حبيبي اطلع وبكره تجي
فعلاً سمع كلامها وطلع وصرخ عليه ابو سهم ونطق: عبد مأمور !! هذا جزاتك وهذي اخرت تربيتي لك !!
نسى ابو سهم ان ام فجر ساحرته بسحر من يوم دخل بيتها والكل كان يدري انها من زمان كانت تقول ولدكم بينسحر على يدي !! وتهدد كذلك ! بس سهم وقتها ماقد دخل بيتها ابداً ! ف جت الفرصه عندها يوم دخل وسوت له هالسحر الي "الله يكفينا شره ويبعده عنا جميعاً "
-
كانت حالة سهم مدهوره ونزلوا لمكان شيخ ونطق : السلام عليكم
الشيخ: وعليكم السلام تفضل
ابو سامي وابو سهم شرحوا كل شي
بدا يقرا عليه الشيخ وسهم ساكت ماكان يسوي شي وسكت الشيخ بعد ساعه ونطق : هذي مويه زمزم وهذا زيت زيتون مقري عليه خلوه يدهن فيه كل يوم باليل
اومئ براسه ابو سهم ونطق: لين متى ؟
الشيخ : لين ماتتحسن حالته ويصير كويس وإن شاءالله ينفك السحر عنه مع استمرار العلاج الي هو القرأن دايماً لازم يكون شغال سواء فالبيت او في غرفته اقل شي علاج ثلاث شهور اربع !
ابو سهم : يعطيك العافيه ياشيخ
طلعوا ابو سهم و ابو سامي وسهم وسهم كأنه هداء شوي وساكت نفس اول ومتغير جداً
ابو سامي: ودكم نروح للبرق ؟
فز سهم من تذكر البرق ونطق : امشوا له بسرعه وحشني منزمان عنه !
ضحك ابو سامي : اجل نروح حنا وبعدين نناديهم يلحقونا
كان ساكت ابو سهم يفكر بولده وسهم استانس من تذكر البرق ورف جواله ابو سامي : يكلم سامي من وصله صوته ينطق : هلا يبه ؟
ابو سامي: تعالوا يلا الحقونا كلكم للاسطبل حقنا
سامي بفرحه: تم وقفل الخط .
-
عند البنات اول ماوصلهن الخبر الفرحه مِش سايعتهم ابداً فرحوا جداً عكس ذكرى من وصلها الخبر ان سهم عند الشيخ تدهورت حالتها وتفكر فيه وتدري ان في آن بالموضوع .
رؤيا : شرايكم بنات بلبسي ؟
لمى : وانا ؟
العنود: واو كلكم تهبلون وامدحوا لبسي ؟
لمى : حلووو
طلعوا البنات وهم لابسين لبس الاسطبل
وطلعت ذكرى اخر وحده لابسه
واستانسوا البنات على شكلها ولبسها كانت فاتنه بمعنى الكلمه !
دُنى: اوويل حالي يابنت عمي ليتني ولد والله لا اتزوجك بدور تفكير ياشيخه !
ابتسمت لها ونطقت: وانااا ياشيخه لو اني ولد تزوجتك يالبى بس
وسوت حبتين وضحكوا البنات عليها وطلعوا لبسوا عباياتهم وامهاتهم كذالك وتفرقوا بالسيارات ووصلوا بعد ساعه كامله من المشي .
-
ذكرى بصراخ كانت سعيده ب انها شافت البرق بمثل سعاده سهم كان لهم اثنينهم الخيل بس يوم كانوا صغار يتهاوشون عليه واخذه جدهم للاسطبل حقهم : وناااسسه تهبلل يادُنى شوفي
دُنى : هذي فرس ولا خيل ؟ يعني بنت ولا ولد
ضحكت ذكرى: اظن فرسس!!
جاء سهم من بعيد ونطق بصوته المبحوح: وخروا عن حقتي
عقدة حواجبها ذكرى ودُنى تضحك : خير حبيبي وخر بس ذي لي وانا بركب اول وحده !
قامت بسرعه وركبت بسرعه وجاء سهم ونطق: والله ماتركبين اول انزلي !
ذكرى بعصبيه وهي تحاول تركب : والله اركب طرق عن خشمك وركبت يوم جلست رفعت يديها فوق وهي تضحك ضحكت دُنى وضحك هو بخفوت ونطق: انزليي!!
ذكرى متجاهلته وتنطق : امشي يالبرق امشي
مشت فيها الفرس وسحبها سهم من يدها وطاحت على صدره وشعرها غطى وجهه ونفس ريحه العطر الي شمها سهم كان ذايبب ل اخر حد وعى على نفسه وهي على صدره : قلت لك تنزلين يعني تنزلين !
ذكرى باقي متجاهله ومعصبه : ماني نازله !
سهم يحاول يركب ونطق: اركبي بحضني اجل !
دُنى : انا مستمتعه
ضحكت ذكرى وحذفت عليها حصى نطق سهم: والله بركب ماعلي منك !
ذكرى: وانا م انزل لو تموت لو توصل ل السماء وترجع م انزل !
كانت شخصيه ذكرى عنيده جداً وبنفس الوقت عندها كبرياء وسهم نفس الشخصيه فكانوا مايتفاهمون ابداً !
دُنى: يوه خلاص اركبوا اثنينكم
راحت دُنى وركبت الادهم ومشت فيه لين وصلت عند عبدالاله ونطق: ياهلا ياهلا
ضحكت دُنى بخجل : تركب معاي؟
ما امداها تكمل الا وركب معها هي قدام وهو ورا متمسك فيها
اما عند سهم وذكرى طلعوا بعنادهم هي راكبه ورا وهو قدام ونطقت ذكرى: اذا اسرعت وحاولت تطيحني بسحبك مع شعرك
طلعوا قدام اهلهم وضحكوا عمامه ونطق ابو سامي: ياليل مايخلون حركاتهم ولا يكبرون !
ضحك ابو ذكرى ونطق: ذكرى يمشي بدمها العناد اكيد تهاوشوا
ام سهم: بحري بحري ( ناظري ) ي ام ذكرى ! وضحكت
ام ذكرى بشوي غصبيه مخفيه: ياويلي مهي صاحيه !
اما عند العنود كانت تشب من الغييره نيران بقلبها قامت متجاهلتهم وراحت وقفت ونطقت : عبدالعزيز ؟
لف عبدالعزيز لها ونطق: عيونه
استغربت من رده ونطقت: وين الخيل العربيه ؟
عبدالعزيز: هناك امشي
مشت معه ووقفوا عند العربيه الي كانت سوده ونطقت : وناسه بركبها
عبدالعزيز وهو واقف : اركبي !
العنود ببراءه: بس ماعرف !
عبدالعزيز ضحك : وش تبين اسوي لك يعني ؟ اشيلك ؟
ناظرته العنود بغيض وحطت درج وركبت ومدت لسانها له ونطق: ركببتتت
عبدالعزيز وهو يسوي الحبل مو منتبه : روحي روحي وتعالي بعد عشر دقايق عطيني اياه !
مشت متجاهلته .
-
ذكرى: سهم
سهم: ها ؟
ذكرى: لاتسرع
سهم: الا بسرع وش بتسوين ؟
ذكرى بعصبيه : قلت لاتسرع
اسرع سهم بلحظه صرخت وتسمكت فيه ونطقت: ياسهممم ياحيوان. !
سهم كان يضحك مو مهتم لها ابداً
ذكرى بدون اي ادراك منها عضت كتفه بقووه ب اسنانها لدرجع علمت على كتفه وصرخ وبعصبيه: يابببقررره!! شتسويين!!
وقف الفرس ولف عليها : صاحييه انتيي ؟؟ صاحيه فهميني ؟؟ وش سويتس بكتفي وجع امشي قدامي اركبي بسرعه برجعك
مشت ذكرى وهي تضحك وتناظر له وتضحك وهو يلعنها مشوا ونزلها ونطق: بنتكم ذي عضت كتفي المتوحشه
ضحكوا الاباء والامهات ونطق ابو ذكرى: تستاهل
ابو سهم : اي والله تستاهل اكيذ قالت لك لاتسرع وانت تحسب نفسك راكب بوقاتي
ضحكوا كلهم وضحك سهم ونزل و اول مانزل طاح بطوله فزوا اعمامه وخصوصاً هي فزت له وقفت وهي تناظر وتشوف اعمامه يكبون مويه عليه ويضربون خده ركض ابو سهم ل السياره وجاب كوب مويه زمزم واعطاه وكان جبينه معرق مره ويحس بدوخه انصدمت من حاله ومشت بهدوء جلست وتكتفت وناظرتها امها وهي بادلت امها النظره وسكتت .
....
رايكم بالبارت ؟
-
مشوا البنات سوا بالدكه ضبطوا جلسه وشغلوا اغاني ورقصوا وكانوا مستمتعين مره !
طفول الاغاني وجلسوا البنات وغيروا لبسهم ولبسوا اشياء مريحه اخذت جوالها من اتصل عليها عبدالاله ينطق: اطلعي من الدكه وتعالي
دُنى: طيب
اخذت دُنى قهوه بلاك كوفي بكوبين واخذت دونات اثنين وطلعت ل عبدالاله تقدمت ونطق: خذ وسكتت شوي بعدين نطقت: شعندك ؟
سكت عبدالاله يناظرها ويتأمل شكلها وكيف كانت الشامه تتوسط عُنقها ابتسم بخفه لها وانحنى يقبل عُنقها انصدمت منه ونطق: بين عنق وبين قصّر وبين مبسم ويل ويلي طر جيبي برى حاااالي يابنيه! اعشقك واشتاقلك واتوفك واموتّ غبنه لاتباطيتي بوصلّك والبطّى ماني خويه ! يعلم الله ذقت ضيم وخنق عبره !
ضحكت تناظره ونطقت: احبك تدري وشمعنى احبك؟
ناظرها ونطق بهدوء يقربها له وحط يده على خصرها ويده الثانيه على فخذها بلعت ريقها وناطرته وهي مبتسمه وانحنى يقبل ثّغرها ونطق: ياويلي حالي ويلاه بلاني ربي بحبتس انشهد انه احلى ابتلاء!
تقدمت تضمه وهي ماعندها اي رد عند عبدالاله تذوب عنده ! هي فعلاً خفيفه عنده وجداً !
قام ومسك يدها ومشى معها لين وصلها عند البنات ورجع هو عند العيال جلس بجانب سهم ونطق سهم : وين كنت؟
عبدالاله: مدري
ضحكوا العيال وحب يحرجه سهم: كنت عند دُنى صح ؟
عبدالاله خزه وسكت
ونطق اويس: متى اقابل الحُب
ضربه على راسه سلطان: حبتك القراده من يحبك انت ؟
سند: امه
اويس خزه ونطق: انطم
رواف بتنهيده وهو يسند ظهره على الكنبه: اههخ محد سمى علي
ناظروه العيال بصدمه وناظرهم برعب ونطق: شتبون؟
سامي: كلنا طحنا ومحد سمى علينا وضحك
رواف تقدم ل اخوه وغمز: منهي؟
سامي سكت من تذكر انها ذكرى وصعبه عليه
عبدالعزيز: انا طحت يوم طاح سهم
ضحكوا العيال عليه ونطق عبدالله: مين ؟
سند: انطق
عبدالعزيز حس بالاحراج وسكت
سهم بهدوء وبيده الدخان الي خلص وبدا يتلثم: تكلم واذا تبيها اخطبها لاتنتظر غيرك ياخذها
اخذ نفس عبدالعزيز ونطق: دام الي تحبه يحب غيرك شتبي فيه؟ اسحب عليه وادعس على قلبك دامك طرف ثالث
سكتوا العيال من رده الغريب اما سهم شك بالعنود وعرف انه يقصدها من نبرة عبدالعزيز ونظرته له .
-
انتهى يومهم بالعزبه والاسطبل بختام جلسه العيال ضفوا اغراضهم واتجهوا للبيت .
-
الصباح بالديره على الساعه 10 ونص الصباح كانوا يفطرون ومجهزين اغراضهم عشان يمشون
ضحكوا البنات سوا من جت ذكرى تركض وطاحت على يدها وصرخت مفروض يقومون يساعدونها ! الا العكس جلسوا يضحكون قام سامي وساعدها وهي تشتم فيهم وتسبهم ونطقت: مافي شي يضحك ياحيوانات !
سكت اويس وكان كاتم ضحكته انتبه له رواف وانفجروا يضحكون اثنينهم تقدمت لهم وبيدها مويه وكبتها عليهم وناظروها بصدمه وضحكوا سامي وعبدالله وعبدالعزيز وسلطان وسند وابأهم وامهاتهم ونطقت: ولعنه ياوجيه التيوس
مشت تتخطاهم عكس سهم الي ماتخطى سامي يوم فز وساعد ذكرى يحس نفسه يشب ناار وهو قاعده عيونه حاره و اي واحد يكلمه ممكن يصفقه بدون شعور ! .
جلست على الكرسي وجتها لحظه ادراك ب الم ونطقت يديي توجعننيي!! وبالفعل صارت يد ذكرى حمراء وزرقاء وناداها ابوها وشاف يدها ونطق: اظن انكسرت !
فز سهم الي بدا يصحصح بعد م استمر على كلام الشيخ ونطق: قومي معي!
ناظرته ذكرى ولفت عنه ومشت ومشى وراها ووقف بالمطبخ عندها : اممشي اخلصي!!
ذكرى : نعم يابوي اذلف عن وجهي!
سهم بعصبيه : والله ان ماتحركتي لا اشيلك قدامهم !
ذكرى بعدم اهتمام مشت وخلته جاء وراها سهم ورفعها وهو شايلها قدامهم وطلع قدامهم ومشى يتخطاهم كلهم وفتح سيارته وركبها فيها ومشى يركب هو ويشغل السياره : انتي ماينفع فيك الا كذا
ذكرى بألم بيدها نطقت: جعل يدك تنكسر قل امين ! امين
ضحك سهم بخفوت وسكت عنها .
-
عبدالله بضحك يناظرهم: والله وسواها سهم!
تتوقعون صار كويس؟
اويس : انا مذهول ! كيف يعني ؟ مو صاحي سهم اكيد قالت له لا وقال الا غصب شكل بدا يصحصح
عبدالعزيز: حتى انا احس يارب يرجع سهم نفس ماهو !
عبدالله: بيرجع بيرجع
اما سامي كان ساكت ويفكر انه ممكن يرجعون ل بعض ! وتروح من يده .
-
بالمستشفى
دخل عند الاستقبال ونطق : ابي دكتوره
..: مافب حالياً دكتوره دوامهم باليل وش الي عندك؟
سهم: ابي احد يفحص لي يد حقتي وسكت
..: وش حقتك؟
سهم بنفسه ياليل غبي : حبيبتي!
..: زوجتك يعني
سهم : ياليل شعلاقتك انت ؟ لو عاملتنا جايبها عادي شدخلك انت ؟
سكت الرجال وحاسب سهم وطلع لدكتور وسحب ذكرى وضحكت ذكرى بخفوت ونطقت تقلده: حقتي حقتي
وش الي عاملتنا ؟ خزته وهي تاظره حمار وقسم
سكت يناظرها بنظرته الحاده وقمطت ودخلت عند الدكتور ورفعت يدها ولمس يدها الدكتور وهو يكشف حس بالغيره سهم ووده يتدخل لكن هي ساكته وتقول : يادكتور يدي هنا بالكوع
الدكتور: وش صار ؟
ذكرى: طحت !
الدكتور: جاتك رضه كسر بالمفصل
ذكرى سكتت وبدا الدكتور يلف الشاش على يدها واعطاها كريمات وانتهى واطلعوا ركبت السياره وناظرته: شفيك ؟ انت مو طبيعي مريض صح؟
ناظرها وهو ساكت ثم كملت ذكرى: تكلم اكلمككك انااا!!
سهم بصراخ: ووش تبين مني !! اناا مريض اي نعم مريض!! تفهمين ! ولالا ؟
ذكرى بغصه: لاتصرخ علي لاتصرخ !
سكت سهم من بدت تبكي وتمسح دموعها قرب منها يناظر وجهها وعيونها مسح دموعها بيدينه وناظرها ونطق : انتظريني طيب؟ انتظريني مابخليك !
سكتت ذكرى وحرك السياره سهم وهي للحين تفكر بكلامه !
-
رجعوا البيت دخلوا جميع وشافوهم جالسين بنفس مكانهم بالدكه والقهوه والشاي بالوسط
تقدم يجلس سهم وناظرات سامي عليه غريبه! مافهم سهم على نظراته وسكت يناظره بنفس نظرت سامي لف سامي يناظر ذكرى الي جالسه بجانب ابوها ويقرا الاكريمات الي اعطها الدكتور لف ابو ذكرى ل سهم ونطق : وشصار معكم ؟
سهم ببحة صوته اثر الدخان: والله قال عندها الم بالمفصل وقال بنتكم غبيه تطيح من عتبة درج ؟ وتنكسر يدها كان يناظر ذكرى وذكرى خزته وضحكوا كلهم على سهم ونطق ابو ذكرى: يعني مابها الا العافيه استمري على هالعلاجات اومورك ان شاءالله بخير
اؤمت راسها بمعنى طيب
اخذت رؤيا زمزميه القهوه واخذت فنجان وصبت لها ول سوسن كان يناظرها اويس ويناظر تحركاته بس كان ساكت مايدري ليه ينجذب لها بمجرد مايناظرها رفعت عيونها تشرب من الفنجان وطاحت عيونها بعيونه ناظرها وناظرته استوعبت على نفسها ولفت عنه ..
ابو سهم: ها يلا نمشي ؟
ابو عبدالعزيز: مشينا
ابو عبدالله: يعطيك العافيه يابو سامي ماقصرت وكثر الله خيرك نستودعكم الله يا اهل البيت بالحفظ الصون .
ابو سامي وهو يوقف : ولكم بعد والله يعطيك العافيه عاد لاتنسون تزورونا
ابو سهم: ابشر
ابو ذكرى : على هالخشم
ابتسم لهم ابو سامي
وتلقف عبدالاله ونطق بصوته : تجون كلكم على زواجي والله الي مايجي يقطعها
ضحكوا كلهم ونطق رواف: انا اول الحاضرين
عبدالاله وهو مبتسم: عاش احسن واحد
سلطان : والله نجيك كلنا
عبدالاله: تسلمون ب انتظاركم عاد يلا استودعناكم الله جميعاً
طلعوا كلهم على المغرب صلوا وحركوا سياراتهم متوجهين للُخبر .
-
كانت واقفه تاخذ قهوه ولفت على البنات ونطقت: تبون قهوه ؟
نطقوا : اكيد!
اخذت تطلب لهم كلهم وجت دُنى ونطقت: حبيبي شوفي نظرات سهم
لفت تناظر سهم وتشوفه يناظرها سكتت تلف عنه ونطقت: اسكتي بس
جت لمى : وين كوبي؟
ذكرى: الله يفشلتس وش كوبي؟؟
ضحكوا البنات ونطقت رنا: خوذي هاك
اخذوا اكوابهم ومشوا اول ماسمعوا ابو ذكرى ينادي
نطق عبدالعزيز: متى نوصل ؟
عبدالله: 3ساعات واذا بنوقف كل شوي خمس ساعات
عبدالعزيز: شلون؟
عبدالله: والله مدري شلون يعني تبينا نطير لاتوقف وخلاص
ضحك اويس وضحك سهم ونطق عبدالعزيز: وجع خلاص امشوا
ركبوا سياراتهم ومشوا يمسكون خط .
-
بعد مرور 3،4ساعات
وصلوا متكسرين من الطريق
دُنى: اخ م احس بظهري يابنات !
سهم يقلدها: ااخ م احس بظهري اقول قومي شي عفوشكم رايحين المالديف حنا ؟ اخذ القبعه وناظرها: من جايب هذي شكبرها ؟ هذي تغطيني انا واويس
دُنى بعصبيه: جب بس فاضي تتنمر انت ووجهك مالك شغل
سهم خزها ومشى ياخذ الاغراض
اخذوا اغراضهم ومشوا .
-
دخلت غرفتها ورمت شنطتها وانسدحت على السرير ونامت بدون لاتدري كان ودها تقوم تاخذ شور بس مالها خلق ابداً .
-
عبدالله: سوسو
سوسن بضحك: اي ماتقول سوسو الا عندك شي وش بغيت؟
عبدالله اخذ سهم يبوسه : والله جوعان شرايك تسوين اكل؟
سوسن: طيب تشوف اني تعبانه حتى انا اخذت جوالها تطلب بيتزا ونزلت الجوال عنده اذا اتصل انزل وجب الطلب
عبدالله: اف
سوسن اخذت سهم منه : وش اف ؟ قم اذلف
عبدالله : بقوم اخذ شور احسن !
تجاهلته سوسن وبدت تغير ملابس سهم وتلاعبه .
-
