لفت على ابوها
ذكرى: بابا الفطور
قاموا كلهم وافطروا وخلصوا وفتحت الخيمه ورتبتها وسوت قهوه وحطت فرشه بوسط المخيم ونادت البنات وجوا كلهم الي معها صحن كيك والي معها صحن شوكلت والي معها صحن حب وشاي وهكذا ماجوا يدينهم فاضيه
ابتسمت ام سهم: سنعه بنتنا
ذكرى: ياعمري ياخاله
دنى تخصرت: ايووا وش بعد
ضحكت ذكرى : اجلسي بصب لك
وبدت يجلسون ويتقهون ويسولفون وسوالف ضحك ترد الرووووح .
ابو سهمم: مشاءالله بدوننا؟؟
ابو ذكرى: اي والله ماجازت لي الفكره !
ابو عبدالاله: عاد بنتك الي عزمت
ضحكوا كلهم ابو عبدالعزيز: تغطوا بنات بنادي العيال مساكين
رؤيا: والله ماهم مساكين!
ضحكت ذكرى وغمزت لها : تعجبيني جو وجلسوا بفرشه ثانيه
وبدت ضحكاتهم سوالف ومزح ولعب
رنا: عندي لعبه!
ذكرى: انطقي
رنا : عطوني علبه بنلعب صراحه جراءه
التموا كلهم وحطوا فرشه ثانيه تقريباً اربع فرشات اثنين للحريم والرجال واثنين للبنات والعيال
عبدالاله: وشهي يارنا
رنا بدت تشرح لهم اللعبه وعرفوها
اويس : اسأله جلد نبي !
رنا: طبعاً
لفت العلبه رنا ووقفت على رؤيا وعبدالعزيز
عبدالعزيز: اوختي متى كذبتي علي؟؟
رؤيا : ولا مره !
عبدالعزيز: تمام
لفت العلبه مره ثانيه ووقفت على سهم و وسن
وسن: صراحه جراءه؟
سهم: صراحه
وسن: تحب ؟
كانوا كلهم يناظرون متحمسين للاجابه مع انه بيقول لا لكنه طاح في يد وسن
سهم: لا
كلهم: توقعنا !!
سهم: وش توقعتوا لو بحب بقولكم يعني؟
وسن: اعرف من تحب
سهم بجمود: مين؟
وسن: اول حاجه بعدين تذكرت وسكتت وقالت ابد بس فروتك عند ذكرى وعيت تعطيني اياها
لفت بصدمه ذكرى له : يمه كذابه ! تبي تجحفلنا !
سهم: انا اعطيتها
وسن: اخ اموت على الحبايب المكابرين
ضحكوا كلهم وحمر وجه ذكرى بخجل لفت له وابتسمت لاشعورياً له وبادلها الابتسامه
لفت العلبه ووقفت على عبدالعزيز وذكرى
عبدالعزيز: اختاري جراءه
ذكرى غبيه ماتدري بيلطب شي ماتقدر تسويه : يلا
عبدالعزيز: قومي ضمي سهم!
ذكرى بصدمه: تستهبل !
عبدالعزيز: خلصي !
ذكرى: مو محرم لي كيف !
عبدالاله: صح عليها ترا !
عبدالعزيز: حق مقالبك الخايسه بسرعه قومي
ذكرى صامت بهدوء وقالت: وقف طيب ولا تبي انزل لك!
سهم: احس ماله داعي اجلسي
عبدالعزيز: غيرت رايي عطيه بوسه
ذكرى : الله ياخذك ياشيخ ونزلت له وكانوا كلهم يناظرون متحمسين اما هو وقفها وعطاها هو بوسه مع عنقها
وجييهم كلها كانت كذا💀
يكفي ريحه عطرها الي لو على كيفه كمل يضمها لصدره
استحت وراحت وجلست : اقول لعبه خايسه غيروها ولا بقوم انا
قامت ذكرى وقام بعدها سهم وانتهت اللعبه هنا .
-
"عند البنات بالخيمه"
دنى : يمه سهم مجنون !!
ميان: خلاص بنتنا ضااعتت
سوسن : يمه استحيت ومالي دخل كيف هي !
رنا: هذا اويس جريئ تراه
دنى: مو صاحي ياعمري هي استحت وهربت
جتهم العنود: بنات
ردوا كلهم: هلا؟
العنود: العيال جابوا دبابات قوموا وذكرى واقفه هناك تتهاوش مع اويس
وسن: يمه حماس
نطوا كلهم يشوفون وش صاير وقفوا بصدمه وذكرى تهاوش بصوت عالي وصراخ وتنطق : انت قليل ادب وشذا التحدي الخايس يعني تدري ان مابيننا علاقه ولا هو زوجي حتى عشان تقوله كذا اكيد هو استحى او انه جريئ مثلك ياغبي !!
اويس يناظر بصدمه وحس انه سوا غلط: طيب مادريت يعني لعبه وانا احب كذا وشدراني بتوصل المواضيع كذا!
تقدمت وسن: تدري لو دروا اهلك وش يصير؟
اويس : وش بيصير بهاوشون او حاجه !
العنود: والله ياخوي انت سويت غلط صح وسن؟
وسن: اي
حس اويس بالأحراج منهم وتقدم ل ذكرى : ذكرى انا اعتذر منك تقدرين تسامحيني على الغلط الي سويته؟
ذكرى: اوكي سامحتك بس انتبه تسوي كذا بين البنت و الولد مايصير
ابتسم اويس وسكت
اما سهم كان يراقب من بيعد وينفث داخنه بحرقه من داخله بينه وبين نفسه: احس ماسويت غلط ! كلها بوسه بس هي دلوعه
-
تسامحوا كلهم وبدوا يلعبون بالدبابات كانوا ثلاثه بس
عطوا واحد للبنات وثلاث للعيال
سوسن: بنات مقدر العب
ذكرى: لييه!!
وسن: شفيك اركبي وراي انا سويقه ترا!
دنى: اركبي بس يلا
حست سوسن انهم يضغظون عليها وهي بفترة حمل وصرخت بصووت عالي مره : ووووجع سدوا حلقوكم ما ابيي العب وجلست بالارض تصيح
تقدموا البنات برعب منها بصدمه
ميان: سوسن قومي سوسن
ركضت لمى وتصرخ: عبدالله عبدالله وينننك!!
عبدالاله: شفيك عبدالله بالدباب
لمى: رح بسرعه ناده زوجته تصيح وتصارخ
ركض عبدالاله بالسياره ووصلهم
عبدالله: شعندك؟
عبدالعزيز: شفيه وجهك ؟؟
عبدالاله: زوجتك الحق ياعبدالله تصارخ وتصيح محد يدري شفيها
عبدالله: وانا ولد ابوي لييه تصيح !!
دز اسرررع عبدالعزيز
-
وصلوا كلهم تقدم عبدالله ووخروا البنات
عبدالله: سوسن!
سوسن: عبدالله تعال
عبدالله: سمي شبغيتي
سوسن: نفسيتي خايسه طلعني من الخيمه
عبدالله: قومي معي يلا
اخذها عبدالله وطلعووا يتمشون والجوو بارد لفها بفروته وعطها بوسه مع خدها
عبدالله: شعندك ي ام سهم!
سوسن ابتسمت: ام سهم؟
عبدالله: اي بنسميه سهم
سوسن بضحك: حلو والله ! مسكت بطنها احس مدري
عبدالله: بوش تحسين
فجاءه جلست تصيح جلسوا بالارض وهمس ب اذنها : افا ام سهم تصيح ماهقيتها! منك دموعك غاليه ترا!
سوسن: لا بس وشهقت احس اني تعبانه وبعدين شعرفك انه ولد ! توني بالشهر الثاني!
عبدالله: احس بعدين شرايك تروحين عند البنات وتقولين لهم ترا بعدين يزعلون منك !
سوسن: يلا امش كلش ولا زعلهم كثيرات م اتحمل !
ضحك عبدالله: صح عليك وانا بقول للعيال
ورجعوا يمشون بالطريق ويسولفون
-
وصلت الخميه لفوا لها كلهم وشافوا نفسيتها كويسه
همست ذكرى ل دنى: والله راحت تصيح من هنا رجعت تضحك بتزوج !
ضحكت دنى بصوت عالي: يمه مجنوننه!! زوجك يتنظرك برا
لفوا كلهم وذكرى بصدمه : لا لا تقول لعبه لعبه
ضحكوا كلهم على تصريفتها النايمه ..
ميان: سوسن بخاطرك تقولين شي ؟
سوسن: اي
ميان: وش
وسن: تحمست!
رؤيا: وانا بعد
لمى: يلا عجلي قولي!
سوسن: انا حامل
فرحوا البنات والامهات كلهم قاموا يضمونا
ذكرى بعتب: ليه ماقلتي لي اخس عليك بس
سوسن: مادريت الا يوم رجعت بالسياره وحنا ماشين هنا ويوم بكيت ذا اثر الحمل النفسيه تصيح
ام عبدالله: مبروك يابنتي وواضح على وجهك التعب
لمى: بصير عممه
ميان : وانا بعد حماسس !
رؤيا: حنا خالات اجل
سوسن: اي هههه وضحكوا
رنا : وانا خاله ي اوخيتي
سوسن: واحلى خاله بالدنيا
وضموا بعض
وقاموا يباركون لها كلهم
-
"عند العيال والاباء"
عبدالله: بصير ابو سهم
سهم لف : كيف ؟
عبدالاله بحماس : يعني بصير عممم!!
عبدالله: ايي
سهم: لحظه زوجتك حامل وبتمسي الولد على اسمي
عبدالله: اي حامل و اذا ولد بسميه سهم يالرفيق وغمز له
سهم: عاش من يسمي علي ابشر بالذبايح والله ويارب يصير مثلي وطالع علي وضحك بخبث
عبدالله: لا نبيه عسل وطيب مو وحش !
عبدالعزيز: احس لا خلوه نفس شخصيه سهم تعجبني
مستمع سهم كيف يحللون شخصيته سحب زقارته وحطها بفمه وابتسم لهم
اويس: فتح الدخان يعني هواجيس الحين
ضحكوا كلهم
ولف ابو عبدالله على عبدالله: مبروك ياولدي ومفروض مسيمه على اسمي !
عبدالله: ابد نغير عادي ترا
سهم بتشميقه له : سلامات !
وضحكوا كلهم
وقاموا يباركون له
-
"تقريباً الساعه 10 باليل "
بدوا يطفون النور والاخيام تتقفل معلنين النوم ووراهم يوم حلو ومميز
كان سهم جالس على جبل قريب منهم عند القمر ويناظر جاء بباله بيت :
أنا جيت اسكنك وأحياك
وأبقى فيك وأبقى لك !
أنا جيت بضما عاشق
تعب يطرد سراب الال
أنا جيت استفز رضاك
من فرقاك والجئ لك
أنا ماهمت بك عاقل
أنا كنت أعشقك بخبال !
أنا ماكنت أحبك حي
أنا كنت اعشقك هالك!
-
كانت تمشي فاليل بدون جلال ولا حاجه بس معها كشاف نور وتمشي وقف شوي قربت وسمعت صوته قربت من وراه ووقف ورددت بيت :
أنا الي عطيتك قلب يسوى وطن وبلاد!
تمتع بقلبي فدوتك ونبضه وعطفه
من أول ماشفتك وأبتدى للعمر ميلاد!
لو أن قلبي بنظرة عيونك لقى حتفه
أحبك ي أجمل ماخلق ربي من عباد
أحبك يا أجمل ذنب أسويه واقترفه
أعرف التعلق و أعرف الحب والأسهاد
لكن من عرفتك أشعر بشي م أعرفه
-
لف ورا بصدمه وهي جالسه حب صوتها حبها حب تملك حس انها لي حس الدنيا مو قادره تشيله قام وقف عندها : تحبين الشعر؟
لفت له : اي احبه!
سهم: طيب وش يعني ؟
ذكرى: طيب انا سمعتك يوم كنت بالسياره تحبني ؟
سهم: انا احبك من يوم تقولين عني وحش تراي مانسيت
ابتسمت وبانت غمازتها : طيب تدل بيت ابوي؟
سهم: اي ؟
ذكرى: تعال وانا موافقه غيره لا
سهم: طيب يابنت الخيال
ابتسمت ومشت وهو طاير من الفرحه جلس يكمل زقارته الي بردت ونفثه فوق لفت تشوفه جالس بنفس مكانه طلعت جوالها واخذت صوره له كانت الصوت هو والقمر ماتحملت الصوره ونطقت: حمااس الصوره تهبل ماينفع الا احطها خلفيه رجعت فراشها وبدلت لبسها ونامت وكانت اجمل نومه بحياتها
-
بطلنا كان سرحان جاه عبدالله
عبدالله: شستوي مانمت؟
سهم: كيف انام وبنت الخيال جتني؟
عبدالله عقد حواجبه: وش تقول انت؟ كيف يعني بنت الخيال
سهم: ذكرى
طير عيونه وتحمس: اعترفت !! انت ولا هي
سهم: كنت اردد بيت احبه من ايام بيت جدي بالديره وأناظر القمر كأنه هي طلعت فجاءه كانت تسمعني ورددت بيت معي وسألتها وقالت اذا تحبني وكذا تعال بيت اهلي يعني موافقه وتبادلني المشاعر
عبدالله: كفو والله اللهم لك الحمد انتصر الحب !
سهم: اي انتصر الحمدلله
عبدالله: قم ننام اجل متى بتخطبها؟
سهم: مدري اقول بالبر ولا اذا رجعنا
عبدالله: اذا رجعنا احسن
سهم: تم
-
الصباح صحوا كلهم على الساعه ٨
ام عبدالله : خلونا نجهز الفطور ونسحب فرشه ونحط بالوسط ونفطر جميع دامه اخر يوم
ام عبدالعزيز: اي والله فكره زينه بروح اسوي لي فطور بالخيمه وكل وحده تجيب فطورها
ام عبدالله : تم
وام سهم: تم بروح خيمه ام ذكرى اعطيها خبر
راحت اسم ل ام ذكرى : ي ام ذكرى
ام ذكرى: سمي
ام سهم: سم الله عدوينتس يقولون الحريم نجهز كل وحده فطورها بخيمه كميات كثيره ونطلع بالوسط نفطر
ام ذكرى: جازت لي الفكره اجل بصحي ذكرى
ام سهم : تمام انا رايحه
-
خلصوا كلهم والبنات يفرشون الفرش وحطوا الفطور وجلسوا العيال والاباء على فرشه لحال والبنات والامهات لحال
ام بو ذكرى: ماشاءالله كثر الله خيركم
ردوا كلهم : ولك بالمثل
التموا كلهم على السفره بين ضحك وطقطقه ووناسه
ابو سهم: يلا خلصوا لموا الفطور زهبوا القهوه والشاي وتعالوا هنا نجلس ب مكاننا دامه اخر يوم نتونس
ام سهم: تم اجل
البنات: هنا علينا الحلا
ام عبدالعزيز: يلا
رواحوا حطوا كل شي وزبطوا القهوه والشاي زمزيتين قهوه وزمزميتين شاي وكذا وحلا وكل شي
ام ذكرى: قهوي ياذكرى
ذكرى: سمي
لفت ورا قوموا ساعدوني !
دنى: انا اقوم
قاموا ذكرى ودنى يصبون للعيال والبنات والامهات والاباء
ذكرى وقفت عند سهم تصب له تقدمت: امسك فنجانك
سهم غمز لها: واحلى فنجان من يدينك
لف عبدالله عليه: ياطيور الحُب اصبروا !
ضحكوا ذكرى وسهم وابتسم عبدالله ولف على اويس : الا من تحب ؟
اويس بصدمه من سؤاله عقد حواجبه: شدخلك؟
عبدالله: افا ماتبيني اعرف؟
اويس وهو يفكر: شدراني تروح تعلم الحين
عبدالله: لا معليك مين اسرع!!
اويس : انت
فطسوا ضحك العيال ومحد قادر يسكت على ملامح عبدالله كانت واقفه دنى وذكرى وسمعوا كل شي وضحكوا معهم
ام سهم: شعندم تضحكون؟
ابو عبدالعزيز: وراهم بلا
ابو عبدالاله: وجه عبدالله احمر طقطقوا عليك اكيد
سهم: اي يستاهل ملقوف
ابو عبدالله: تستاهل اجل
ضحكوا كلهم
-
الساعه ٦ المغرب
ابو سهم: جهزوا اللحم والبصل والطماطم خنا بنطبخ
تقدمت ذكرى: عمو انت بتطبخ !
ابو سهم: ايه شعندك ؟
ذكرى: شرايك اساعدك ؟
ابو سهم: يلا
راحت ذكرى تجيب الاغراض الناقصه ووصلت عند الدافور والطاسه حطت البصل والزيت وابو سهم يقلب البصل والزيت بعدين حطت الطماطم والقرع وبعدين حطت المعجون طماطم وبعدين حطيت البهارات وبعدين حطت الدجاج وابو سهم يغسل الرز لف عليها: ماشاءالله بتطلع طبخه اسطوريه
ابتسمت ذكرى: اي والله الكشنه رهيبه !
ابو سهم: يلا بقلب وجيبي علب مويه
راحت تركض وتجيب علب مويه وتصب هي و ابو سهم : يلا قفلي على الطاسه
ذكرى: تم
دخل سهم: ماشاءالله من الي طبخ
ابو سهم: انا وبنتي شتبي انت؟
سهم: بس جيت اشوف اذا طبخت ذكرى ف صدقني مايبلعها الحمار
انصدمت ذكرى: بتاكلها انت لانك حمار
ضحك ابو سهم: اوف ردتس قوي يستاهل
سهم مطير عيونه : تغلطين بعد لسانتس طويل !
دخلت دنى شافتهم وبصوت عالي تصفق : اوووهه هوششه بين سهم وذكرى و اب و ي
ضحكت ذكرى: انطمي وامشي وراي
سهم : بتركبون معي خط بجلسكم بالبر هنا
ابو سهم: حد كلش ولا بناتي نجلسك انت وهن يسوقن
سهم: افا غيرتك الدنيا علي يابو السهم
ضحك ابو سهم
ذكرى : كفو عمي امش معنا خله يحط الرز هو
دنى: اي وقس الملح بعد واذا خلص قلطه لنا بنجلس هناك نلعب
ابو سهم: اي يلا امشن
رواحوا وجلسوا عند شبه الناس والبنات جالسين ببطانياتهم وجايكتتاهم بعد مافكوا الخيام وكل شي وشالوا كل حاجه بقى بس الفرش الي عندهم
راحت ذكرى : ياعمري تسمع الكلام اقتح الطاسه اشوف
سهم: افتحي انتي
ذكرى: بردانه مالي خلق
سهم قدم: تعالي بحضني ادفيك
شمقت له ولفت وابتسمت
ضحك سهم وقدم : بفتحه لك
فتحها وجابت ملعقه تذوق الملح اذا ناقص او لا
ذكرى : امم يجنن بس شوي ناقص ملح عطني عطاها الملح وملحت وهو جالس يتأملها لفت عليه تناظر بعيونها وعيونه : شعندك؟ عاجبتك عيوني ؟
سهم: كلك عاجبتني وشرايك بس
لفت ذكرى: اقول حط الرز يلا وجلست تتأمل فيه وتشوفه لف لها يقلدها : شعندك تتأملين عاجبك؟
ذكرى: لا يع
سهم: متناقضه
ذكرى: اي
جاء
ابو سهم: شصار يعيال؟
ذكرى: خلص رح ارتاح ياعمي وحنا بنجيبه بس اذا ماعليك امر ارسلي دنى
ابو سهم: طيب
راح ابو سهم : دنى يبونك روحي
دنى: بابا بردانه مالي خلق شيبون؟
ابو سهم: مدري روحي !
قامت دنى ودخلت عندهم: تنادوني وانا بردانه!
ذكرى: قلبي حياتي روحي خوذي السفره وحطي زبادي وشطه عندهم خوذي سفرتين وخوذي الببسي بعد
دنى: هفف طيب
سهم يقلدها: عمري قلبي حياتي ليه ماتقولينها لي ؟
ذكرى: دز بس
قرب سهم لها : اقول لاتغلطين
ذكرى: واذا غلطت وش بتسوي
وخر عنها ونطق: بدفنك هنا
ذكرى: كل تبن والحقني بالصينيه
سهم: اوريك هين
(حطوا الاكل واكلوا وخلصوا )
ابو عبدالله: ماشاءالله الطبخ فنان!!
ابو سهم: طبخ ذكرى
ابو ذكرى: عاشت بنتي
ذكرى: عاشت ايامك
ابو عبدالاله: مشينا؟
ابو عبدالله : كيفكم اسألهم
ابو عبدالاله لف للحريم: ها نمشي برد الجو ؟
ام عبدالاله: اي يلا
ام ذكرى: اي نمشي
ومشوا كلهم وركبوا السيارات ومسكوا خط لنجد
-
"بسياره سهم "
دنى: ذكرى
ذكرى: هلا؟
دنى: خوذي
ذكرى : وش م اشوف
دنى: لحظه اشغل النور
ذكرى صرخت: لالالا فاكه طرحتي
دنى: مافيه احد
ذكرى بضحك: تستهبلين اخوك
دنى بضحكه: يمه نسيت طيب هاك
سهم: غبيات
ذكرى: شتبي انت
دنى: اي والله شتبي
سهم: ابلش جالس بين انثتين !
ضحكوا عليه: تستاهلللل
سهم: ترا بنزلكم ب الشارع وامشي واخليكم
دنى: انطم مصدق نفسك
سهم: انكتمي برد على اتصال
سكتت دنى لانها ماتحب تتجادل كثير معه خمس دقايق يعطيها وجه ويعصب عليها
.
.
.
.
نجممممه🫶🏻
