دُنى ابتسمت من نطق حُبي ونطقت : تمام حياتي !
ضحك ومشى يقفل الباب وراه ومشت تشيل الفطور وترجع تاخذ لها غفوه .
-
لبس وركب سيارته ومشى اول م دخل المستشفى لف على صوت وحده تنطق : يادكتور سهم
لف عليها : هلا؟ وشو؟
الممرضه: تعال في مريض هنا يعاني من مرض القلب تكفى بسرعه واهله يبكون حيل
مشى سهم يركض ودخل على طول سحب المريض معها وكشف عليه وصرخ : يحتااج عملييهه!!! بسرعهه الحقونيي يالممرضين
و ركضوا الممرضين على طول معاه لغرفه العمليات طلع بعد ثلاث ساعات وجهه باين عليه التعب والارهاق والحزن اول مانطق: فقدنا المريض فقدناه ! جلس على الارض من عرف انه عمه صاح بقوه ومو قادر يمسك نفسه يوم تقدموا عليه يمسكونه الممرضين و اول ماوصل الصوت الي يعلن بأنه فقد مريض ركضوا كل الممرضين والدكاتره يشوفون حالة سهم الي يضرب نفسه ويصرخ وينطق: ليه ليه ليه محد قالي انا وش سويت عشان ماتقولون لي ليه ماحد عطاني خبر لف على الممرضه وكمل : ليه تناديني وماناديتي غيري !!! وش اقول انا لهم الحين ! وهو من كان يراجع عنده من وليه ماتكلم كانت حالة كارثه بالممر عند غرفه العمليات وهم يمشون بالسرير يودونه لثلاجه الموتى مشى سهم يركض معاه وينطق : وقف وقف
وقف يفتح عن الشال الابيض وقامت دموعه تنهمر ونطق : عمي كيف اقول ل ذكرى ياعمي كيف ؟ كيف ماتقول ان عندك مرض ليه !! وش ابرر لهم انا وش اقول انا! اقول العمليه ماصارت ليه ياعمي تجرح قلبي كذا ااخخ !
سحبوه الدكاتره ولفوا الشاش عليه طلع سهم من المستشفى وركب السياره وهو مايدري كيف يسوق حالته ماتشفع له يسوق ابدا وكيف يقول ل ذكرى او يقول ل اهله .
-
جالسين بالحديقه مجتمعين كلهم على قهوه العمام وعيال العمام والبنات تقدمت تجلس ذكرى وهي توها راجعه من الدوام ومعها صحن حلا وبلاك كوفي جلست جنب البنات وسلمت على امها وسلمت على اعمامها وحريم عمامها وضمت البنات وجلست جنبهم ونطقت : احس الجو يجنن!! ياليت يجي مطر
ابو عبدالله: والله يبنيتي جايكم مطر الاخبار يقول
ضحك ابو سهم: انت الاخبار اي شي تقوله صحيح
ضحكوا كلهم ونطقت: الله يسمع منك سكتت شوي تناظرهم ونطقت: ماما وين ابوي ؟
ام ذكرى : راح والله يقول عنده شغل بس ماقال لي
ابو سهم غمز لها : تدورين سهم؟؟
ضحكت بعلوا صوتها ونطقت: لا
دُنى: حبيبي زوجك مداوم
ناطرتهم ووجها احمر : طيب كيف قلتوا على طول ابيه ؟ ابي ابوي واضحه يعني من رجعت من الدوام مشتاقه له
ابو سهم : الحين ادق لك عليه يابنتي
ابتسمت له ورفع جوالها يدق عليه من وصله صوت : الجوال مُغلق !
ابو سهم باستغراب : عجيب ! الجوال ؟ مو من عادته !
ميان : اي والله ياعمي بالعاده يرد بسرعه دقي ذكرى انتي
ذكرى : طيب
اخذت جوالها تتصل عليه بس برضوا اعطاها مُغلق .
تأففت بقهر انه مايرد
ام ذكرى : اصبروا اجرب انا
ضحكت ذكرى تبعد التوتر الي دخلها : يعني وش قصدك انتي بيرد عليك
ضحكوا ونطقت: اكيد انا زوجته
ذكرى : وانا بنته
ضحكوا البنات عليها وسكتت تتاظر امها تدق مره ومرتين وثلاث بس مُغلق
حست قلبها ينغزها مو عارف ودها تتصل على سهم عشان تتطمن تحس هو الوحيد الي يسمعها ويفهمها مو عارفه الشعور الي تبي توصفه بس كذا تحس فيه شي سكتت تقول : مو من عادته
قامت تتخطى الكُل وتدخل غرفه سهم وتجلس فيها وفتحت جوالها تتصل عليها بس مايرد وتتصل مره ثانيه مايرد تأففت بتعب وبقهر قامت تتمشى بالغرفه تفك الدولايب من فضولها وجلست على السرير وانسدحت بتعب ..
قامت تطلع من الغرفه و اول ماطلعت على دخول سهم ناظروه بلبس الدكتور عليه دم القفاز فيه دم ناظرته مصدومه وهو ماناظرها جلس على ركبه وركضوا ابوه وعمامه وعيال عمامه والي ركض الاول عبدالله يمسكه ويقومه وهو يشوفه يبكي بقوه ويصرخ عبدالله: اذكر الله اذكر الله ياورع وش فيك انطق !!
سهم الي ماكان له حيل بالمره ينطق تعبت نفسيته وحالته ماهو قادر ينطق مو عارف شي ابو سهم: ليكون ذابح احد لك!!!
انفجر يصيح ويصارخ ووعيونه حمراء ووجه احمر قامت تصيح ذكرى وهي تشوف حالته والبنات يهدونها ام ذكرى هاجده وطبعها الهدوء لما تشوف مواقف كذا عكس ذكرى الي انهارت تصارخ وتنطق : وش فيه!!! ام سهم تصيح من حالة ولدها وخافت ان السحر رجع له وخافت انه ذابح احد من منظر الدم الي واضح من خلص عمليه مانزل ولا غسل على طول ركب السياره .
سهم نطق بتعب بعد تهدئة العيال له ونطق بتلعثم: انا ان انا مدري مدري كيف كيف ماقدرت فقدته يايبه فقدته ابو سهم حس قلبه يقرصه ونطق بصراخ لدرجه كلهم سكتوا : مننهوووااا انطق منههوووواا!!!!!
سهم بتعب : عمي عمي عمي وفقد الوعي
صرخت ذكرى بقوووه وهي تنطق : اببوويي ابوييي شجابه عندك كيف صاررر كذاا!! والبنات يشيلونها يحاولون فيها وام عبدالاله تنطق: اذكري الله اذكري الله يابنت الناس راح للي احسن مني ومنك ياذكرى تكفين لاتسوين كذا
كانت تصرخ وتبكي بقوه وهي على الارض وركضت ميان تجيب مويه وتحاول تشربها لكن اخذت الكوب منها وحذفته على الارض ونطقت: كيف تبين اشرب مويه وابوي ماتت!! انا مقدر اعيش بدون ابوي مقدررر ياميان جلست ميان تحضنها وتبكي معها كانت حالتها تعور القلب والشعور الي جاها مو شوي اما عند ام ذكرى الي كانت تحاول تهديها ام عبدالله وهي تصيح وتشوف حالة بنتها وتصيح اكثر .
عند سهم الي رفعوه العيال للمجلس يكبون عليه مويه ويفصخون السكراب الي عليه وجزماته ويحطون مويه على وجهه لين صحصح وصحى يحس الدنيا حلم يتذكر الي صار وكيف قدر يفقد عمه بيده عمه الي يحبه سمع صراخ ذكرى ب اذنه تصرخ وتصيح اووجعه قلبه بقوه وانهمرت دموعه ..
-
بعد صلاة العشاء بعد م الكُل هداء من بُكاء لذكريات وكيف صار كذا وليه صار كذا ؟ هو حادث ؟ هو مرض ؟ بس ليه ماقال؟؟ الحين راح نعرف ..
بمجلس الرجال العيال جالسين واعمامهم سهم الي كان متكتف ودموعه تنزل وكل ماسمع صوت الرعد فز ويسمون عليه ويقرون عليه اما اويس الي كان جالس بزاويه وضام المخده يتذكر كيف عمهم كان حنون عليهم كانوا لو يحتاجون فلوس يعطيهم ولا هي ب ميه ولا خمسين يتعامل بالالف يضحك معهم ومعتبرهم عيال بحكم ربي مارزقه عيال اوجعه قلبه وانهمرت دموعه وهو يتذكر تقدم يضحكه عبدالعزيز ويصيح معه ماقدروا يكتمون اكثر عمامه وقدام عيالهم وصاحوا كان الكُل بحاله بُكاء توجع القلب .
قاموا كلهم يدخلون داخل عن المطر الي بدا ينزل كثير وذكرى كانت جالسه على كرسي بالحوش والمطر يصب عليها تحس نفسها ودها تغسل روحها مو مستوعبه الي صار لها ابداً ودموعها تصب مثل صب المطر دخلوا عمامهم بالمجلس يسولفون ام ذكرى ويفهمون وش فيه اما عن سهم الي قام من عندهم وركض ل ذكرى وسحب كرسي وجلس بجنبها تحت المطر والرعد حط راسه بحضنها وهو يشوفها تبكي مقدر يتحمل اكثر وضمها على صدره وهو يبكي معها حست روحها بتطلع من مكانها اول ماشبك سهم يده بيدها وكفه بكفها شدت عليه بقوه وهي تقول : سهم ابوي صدق مات ؟
سهم عبونه حمراء وخشمه احمر نطق : مع الاسف تدرين ياذكرى احس اني انا الغلطان اصلاً مدري وش فيه ولا ادري ان عمي ابداً انا عالجته بس فقدته بنص العالج مقدرت ياذكرى احس اني موجوع
مسحت على راسه ذكرى ويدها مويه ورموشها متشابكه وعيونها حمراء وخشمها احمر اثر البُكاء مسك يدها سهم ونطق: حبيبتي برد قومي ادخلي وغيري ملابسك
ذكرى: مبي
سهم: ترا بشيلك قدامهم قومي بسرعه غيري ملابسك !
قامت ذكرى من عصبيه سهم وهي ابدا مالها خلق تعاند قامت معه وهو ماسك يدها مروا من عندهم وناظرهم سهم ومشى ياخذ ذكرى معه بجناحه شغل المصعد وراحوا ل الدور الثاني الي هو جناح سهم جلست على الكرسي تناظر وهو يناظرها ونطق : ماعندك ملابس بعطيك من ملابسي ودك تتسحبين ولا لا ؟ اسبقك انا؟
ذكرى اومئت براسها له بمعنى ايه ومشى سهم ياخذ روبه ويعطيها روب ثاني له باللون الابيض ويجلس امامها على الطاوله وينطق: ذكرى انا ابيك تصيرين قويه تفهميني ؟ انتي معي وراح تتخطين وتنسين بس ماراح تنسين طيف ابوك ابدا ومن ينساه؟ اسأليني انا ! بقولك ماراح انسى عمي بسام لو وش ماصار كان معتبرني ولده ! خانته العبّره يوم نطق كان يعتبرني ولده انهمرت دموعه وحطت يدها ذكرى على فمه بمعنى اشش وضمته وهي تصيح مسح دموعه وحس نفسك لازم يصير قوي عشانها بس ومسح على ظهرها وهو ينطق : بسم الله عليك وعلى روحك .
ذكرى بدون اي سابق انذار : سهم
سهم: لبيه
ذكرى ببراءه: بجلس عندك مابي اروح البيت وم ابي عرس
سهم انصدم وضحك وسط حزنه : ليه ؟ ماتبين
ذكرى: مبي اسوي عادي يكفي الخاتم واهلك يعرفون الباقي مو لازم بس ابي اجلس عندك انا م ابي ! عادي توديني البحر ؟
سهم اشر على خشمه ونطق : على خشمي ابشري والله بتجلسين عادي تنامين هنا ؟ ماودك بيت ؟
ذكرى : عادي وتدري بعد اذا صار عندنا اطفال نروح بيت كبير .
ضحك سهم وهو يناظرها ونطق : صح عليك يلا وش رايك تقومين تتسبحين! وتلبسين من ملابسي تبين شورت ؟ ماعندي غير كذا
ذكرى انصدمت: تستهبل كيف بطلع فيه عند عمامي ! باخذ من اغراض دُنى
سهم : بروح انادي ساره تجيب لك من دُنى
ذكرى : طيب
راح سهم ينادي ساره وجت ساره العامله : ايوا ؟
سهم: جيبي ملابس من غرفه دُنى اطلبيها
ساره: اوكي
دخل سهم وقفل الباب وراحت ساره لغرفه دُنى دخلت وشافتهم كلهم جالسين على سرير دُنى ونطقت: سهم يبقى (يبغى) ملابس انتي
دُنى عقدت حواجبها ب استغراب ونطقت لمى: ذكرى عنده
رفعت حواجبها دُنى وراحت تطلع لها تيشريت اسود وسروال ابيض وملابس داخليه جديده .
عطتها واخذتهم واعطتهم سهم وحطهم سهم عندها ونطق : بتسبح واطلع واخلي لك الغُرفه
ذكرى: تمام
دخل سهم يتسبح وذكرى جلست تناظر السقف ودموعها على خدها وهي تفتح الرسايل حقت ابوها وفويساته الاخير ابتسمت بحزن من نطق : ياذوذو يابنيتي الاولى والاخيره ياقلبي انتي ونبضه وحياتي جيبي لي شاحن .
ضحكت كيف يدلعها عشان طلب واحد .
-
ام ذكرى : كان يقولي انه تعبان
ابو سامي ب انفعال :شلون يقولك انه تعبان وش المرض يعني!!
ابو سهم اشر بعيونه : ماعلينا يا ام الذكرى قولي وش المرض
ام ذكرى وهي تتذكر وماتدرين كيف سكتت: به مرض القلب ويمكن هو الي سبب له موت لانه جلطه يمكن وبكت
كانت تهديها ام سهم وهي ترجع تصيح
ونطق ابو سهم: لاحول ولا قوه الا بالله ان لله وان اليه لا راجعون .
ابو عبدالاله الي كان يبكي : كيف يروح يروح مننا انا م اعيش بدون اخوي !
سمى عليه ابو سهم وهو يمسح عليه وينطق : اذكر الله
ابو عبدالاله: لا الله الا الله .
سكتوا كلهم .
-
سهم الي طلع من الغرفه وهو لاف المنشفه عليه ومبثر شعر وجسمه الرياضي كان له عضلات بطن رفعت عيونها ذكرى بوسط حزنها وهي تشوفه ونزلت عيونها على طول خجلت من ووقف قبالها بسروال بدون تيشيرت ونطق : شفيك ! وضحك
ذكرى بعصبيه : صاحي انت امش البس هناك!
سهم وهو يمثل انه يمشي ويشوفها ترفع راسها ويوقف عندها وضحك من ضحكتها ونطقت : بروح اتسبح!
اخذت الروب معها ودخل دوره المياه تتسبح طلعت من الشاور بس مالقته ونطقت بنفسها : اشوا . واخذت ملابسها تلبسها .
-
جاء تقدم وجلس قبال ابوه ونطق : وين تبون العزا ؟ ببيتنا ولا بيت عمي ؟
ام ذكرى بحزن: لا خلوه هنا انا ماعاد ودي بالبيت
ابو سهم تفهم: تبشرين والله انتي وذكرى امانه عندنا وذكرى زوجه ولدي وانتي البيت لك وين ماتبين
ام ذكرى: ماتقصر والله
ابو سهم: ولو
وسكت يكمل : يلا نوموا يا اهل البيت نوموا وراكم بكره عزاء وذكرى تبي تشوف ابوها ؟
سهم منزل راسه: ايه بكره بوديها الصبح ولف عليهم ينطق : بتنام عندي
سكت ابو سهم : كيفكم
ام ذكرى مانطقت ب ولاشي ..
مشى سهم يتخطاهم ويدخل الغُرفه انسدح على السرير وهو يشوفها جالسه على الكنبه ونطق : فيك نوم؟
ذكرى : لا
سهم : بعد شوي نروح البحر اذا ناموا ؟
ذكرى بصوت مبحوح اثر الصياح : الحين ؟ مدري احس
سهم: ودك ولالا انا بس عشانك
ذكرى تقدمت عنده بالسرير : بعيد ؟
سهم : مو مره ساعه او اقل
ذكرى : بعد عزا ابوي . طلعت الكلمه ذي بخنقه فهم عليها سهم وخمها بحضنه من بدت تصيح بدا يهديها ويسمي عليها وينطق : ياذكرى! الي صابتني بصدى السهام بصوت السهام صارت لي ذكرى واجمل ذكرى بالدنيا
ابتسمت من ناظرت عيونه انحنى سهم لها يبوسها من عُنقها ونطق : اووه كيكه
استحت ذكرى منه وقامت منه ونطقت: مو وقتك !
سهم: لي وقت انا ؟ اجلسي تعالي احضنيني رجعت ذكرى تجلس عنده وهي فعلاً محتاجه حضن سهم جلست بجانبه وهي تحضنه نطق سهم: ردت روحي لي يابعد هالروح بس اوعديني وعد ! لاتتركيني مقدر اعيش يوم بدونك انا احب اسمع صوتك احب اسمع ضحكتك تكفين ابوك ماتركك عشان كذا ابوك يبيك قويه ياذكرى! وانتي صرتي احلى ذكرى له تدرين ؟ انك اجمل ذكرى له حتى قالي يوم انا مقدر اعيش بدون الذكرى الا بقبري .
ابتسمت ذكرى له من انهمرت دموعها وسحبها سهم لحضنه وشالها وهي يدها على رقبتها ودخلها بالسرير وانسدح بجنبها ونطق: تنامين بحضني !
ضحكت ذكرى وضحك معها ونطقت: ياخي انت ! ياخي احبك مره كانت كل ماتقول كلمه تصيح اكثر وضمته وهي تصيح غطاها وانسدح بجنبها وهي بحضنه ضامها تنهد بقوه وغمض عيونه من شافها هدت وواضح انها نامت .
-
من الظهر صحوا وقعدوا الكُل يرتبون ل البيت ل اجل الضيوف والعيال راحوا عشان يجيبون ذبيحه ويحطونها عند القصاب ويعطونها ل الطباخ ووقت وصول العشاء يكون الساعه 10 ضبط . الي كان ماسك هالشغل عبدالله .
ذكرى وهي مو مستوعبه شي وتشوف الخدامات يكنسون الارض ويرتبون الكنب وبالمجلس الثاني ويعدلون طاوله الطعام عشان المعزين اذا جو مالهم خلق يقومون يعدلون عليهم .
ذكرى هاديه جداً ودُنى بالمثل وكل وحده تفكر ف وش بيصير بعده تذكرت ذكرى لها ذكرى مع ابوها يوم كان يسمي عليها بحضنه ويوعدها مايتركها ابداً الا الموت ياخذه . بكت بقوه وهي تصرخ وتنطق: ليه ليه !! يروح ليه بفهم انا شلون اعيش شلون احد يقولي انا مقدر مقدر ياجماعه ودوني ل ابوي بشوفه على الاقللل!!!
قامت لمى وميان يهدونها ودُنى الي كانت هاجده وتناظرها ماتعرف كيف تتعامل معها ابداً او ماتعرف تواسي لهالامور اما ام ذكرى اول ماشافت ذكرى تنهار وتضرب المخاد والكنب بكت اكثر وهي تشوفها كذا وام عبدالعزيز تهديها مقدرت تسوي شي لان هي بنفسها تعرف شعور بنتها نفس شعورها مالهم اي رجل الان اي اخو يسد مكان ابوه هم الاثنين بس ندمانه قد شيب شعرها ! بأنها ماعطت خبر ل اخوانه حتى هو ماقال ل خالد ابو سهم كانت موجوعه كيف قدرت تسكت عن الي صار هي مو كذا هي ماتقدر تصير قويه وبنتها ضعيفه لهدرجه ابداً الشعور الي فيها يقتلها اكثر من اي شي بالدنيا من الم الم الفقد وش هو عند الم الابره ؟ ولا شيّ .
.
.
.
.
(قصير لكن صدمات 😌 ، نجمه ، انستا ssu3g)
