ريم ،،،شكد فشلت بوكتها وماعرفت شنو ارد 😕
كلي احنة معروفين ومعروف اسمنا بالسوق والكل تشهد برقي ملابسنا ومن مناشئ عالمية وماركة مسجلة وبالنسبة للأسعار فطبيعي اذا ماركة تكون غالية وبالنسبة للتعامل فآذا احد من العمال زعجج جان المفروض تتكلمين وتوصلين رائيج بصورة ارقى ومتصرفين هالتصرف
ريم ،،،متت قهر من الفشلة رزالة تسوة عمري غلقت الفيس بدون مااردلة وحطيت راسي ونمت ثاني يوم بالكلية الحمدلله الظاهر ولا وحدة لحكت تشوف تعليقاتي لان جان يمسحها اول بأول بس ظليت مقهورة تغدينة بالنادي ومن رجعت هم تغديت بعدين فتحت فيس وضغطت موافقة على رسائلة ورجع يدزلي ياريت تردين شنو مشكلتج مع مجمعنا
ريم ،،،ارد وميتة من الفشلة اني اعتذر كلش على الي صار قبل فترة زرتكم وجان تصرفكم واسلوبكم مع الزبونات محلو وهذا الشي زعجني وعلقت هيج بس مو قصدي اكطع رزقكم اكرر اعتذاري
وسيم ،،،شلون يعني اسلوبنا محلو شنو الي صار ممكن اعرف ؟؟
ريم ،،،مااحب احجي بالموضوع واعتذرت منك
وسيم ،،،اني دألح عليج لان مااريد الموقف يتكرر مع غيرج وسمعة المجمع تتأثر ياريت تحجيلي منو من العمال الي زعجج وجان اسلوبة مو حلو وياج
ريم ،،،شلون ثقة بالنفس عالساس متأكد وواثق من نفسة اسلوبة لبق شكد مغرور لعد
جاوبت مااعرف العمال الي عدكم حتى اكلك عموما حصل خير وحتى تعليقاتي انمسحت ومااعتقد احد قرأها او اطلع عليها
وسيم ،،،اكيد حصل خير وان شاء الله الي صار وياج ميتكرر واليوم اجتنا بضاعة جديدة ياريت تشرفينا والج هدية خاصة من المجمع عطل وضرر اعتبريها هههه
ريم ،،،شوف القهر عبالة جسمي لبيس وبضاعتة تجيني اوف يالقهر كتلة اوك ان شاء الله بهل يومين ازوركم بس كون اشوف اسلوب لبق 😒
وسيم ،،،ان شاء الله وحياج الله
ريم ،،،اشكرك باي
ريم،،، وصح ورة يومين مرينة اني وامي عليه كلت لعل وعسى جايب فد شي جديد
وظلينة نفتر اني وامي وملكت شي على كدي
وسيم ،،،اتفضلوا خالة شنو طلبكم
ام ريم،،،وليدي اي شي بس يجي على قياس بنتي والله رجلينة سافت واحنة نروح ونجي للسواق 😭
ريم،،،خرب بحظي امي شافتة صاك باعت بنتها شبيج ياربي فضحتيني احجي بكلبي ومن الفشلة عفتها ورجعت ليورة خليت نفسي اتفرج على البضاعة
وسيم ،،،الله يعينج خالة بس والله تعذروني قياسات خاصة قليل اجيب والله وقليل الطلب عليها
ريم ،،،طلعنة والطريق كلة اكرك على امي
ام ريم،،،شبيج يوم اني شكلت قابل هو ميشوف جسمج امبين احجام خاصة ويكول ماعندة
أنت تقرأ
حبيبتي بدينه
General Fictionالجزء ١ ريم ،،،عمري22 سنة طالبة مرحلة رابعة اداب وبعد اسبوعين لتخرجي ودنحضر لحفلة تخرجنا ومحتارة شنو البس اني وزني 100 وطولي 165 😖من اني وصغيرة هيج جسمي مليانة ومدبدبة لكن من كبرت زادت عندي السمنة وبعد مااسيطر على وزني بالرغم شكلي كلش حلو بيضة وعيو...
