حبيبتي بدينه

٣٢

وسيم،،،جريتها اكثر الي وصارت قريبة مني حاولت تنزل عيونها وداريها عني
بستها من شفتها بوسة قوية كامت تتسارع انفاسها واستسلمت
ريم،،،جان راح يوكف كلبي صرت بغير دنيا وبغير عالم وحسيت احساس محاستة بعمري
وسيم،،،ابتعدت عنها وهمست بعدج تحبيني
ريم مغمضة وبلا مااحس بروحي همست مو بس احبك اموت بيك ابتسمت وبعدتها عني واخذت كلينس وطلعت امسح بشفتي واكول والله ماراح اتركج ياريم تضيعين مني مرة ثانية
ريم،،،من طلع كمت ابجي عزة بعيني هاي شسويت شكد كرهت نفسي بيومها وحسيت بتأنيب الضمير
وسيم،،،شكد فرحت بيومها وكمت افكر شلون اكدر اوصللها بعد واخليها تفسخ خطبتها مجنت اعرف هي فسخت خطوبتها الا من ايهاب بالصدفة
ريم،،،اجاني ثاني يوم للدائرة من شفتة شلت هم كلت ماراح اخلص منة ابد
وسيم،،،من دخلت ريم ضاجت
ريم اني لازم احاجيج
ريم،،،الي ديصير غلط بغلط وسيم اني مخطوبة وعلى ذمة رجال ثاني وحرام الي ديصير
وسيم،،،ريم ليش مدكولين فسختي
ريم،،،ظليت اباوعلة مصدومة
وسيم،، اني عرفت انتي فسختي وهالمرة مااضيعج مني ابد
ريم،،،لا وسيم الي صار بينة مكدر انساه
وسيم ،،،اثنينة غلطنة ولازم نسامح ونصفح وننسى اثنينة منكدر نعيس بلا بعض ريم انطي لعلاقتنا فرصة
ريم ،،،اباوعلة ومدري اسمع لكلبي لو لعقلي
وسيم ،،،طلعت عيني ريم بصدها ومجنت ايأس
ريم،،،مجان يمل وسيم مني فهمته انه هاي حياة طويلة واذا جان متمسك بية لجمالي فالجمال شي وقتي ومو دائم وبمرور الوقت وتقدم العمر راح تتغير اشكالنة تبقى بس قلوبنا ومشاعرنة ثابتة متغيرها السنين اضافة الى انه ممكن نتعرض لأي حادث واقدار الدنيا متنحزر فمو مستعدة ارجع اخوض نفس التجربة وتتخلى عني بنص الطريق
وسيم،،،تعبت واني افهمها انه الحب الي بداخلي الها يفوق الوصف والي صار بالسابق نتيجة صدمتي بيها لان ضمت عليه والموقف الي انحطيت بي مو سهل جانت عنيدة تعبتني
واخيرا قررت اتقدملها بدون ماانطيها خبر اخذت اهلي ورحت
ريم،،،من اجة وتقدملي تفاجأت وفرحت كلش بوكتها لان حلم عمري وحب حياتي مكدرت مااوافق اهلي هم فرحوا لانه مينرفض شخص مثل وسيم وبعدين لان جنت فاسخة جديد هم مجنت راح اخلص من حجي الناس
&