بارت ١٢
وسيم ،،،اجتني بضاعة تخبل وبيها بناطير جينز وبرمودات واشياء تخبل جنت كل مااشوف
شي تجي بالي ريم هسة لو بس اعرف وين ساكنة هم ميخالف ادزلهيا حتى بدون مااشوفها خليتلها تراك برمودة موديله يخبل ولان اسود كلت اكيد راح يعجبها صورتة ودزيتة الها
ريم،،،وصلتني الصورة بس هالمرة كلت ماافشلة بلكي من بعد عمر طويل اكدر البسها😖
خابر وسيم وكلي حلوة حبيبي
ريم،،،تخبل يعمري عاش ذوقك
وسيم ،،،لدكوليلي مو قياسج لان L
ريم،،،لا حبي قياسي بس خليها عندك هسة (وبكلبي اكول لو تدري ببجامتي بطانية الك 😂)
جانت هيج مواقف عفوية من وسيم تزيد اصراري وازيد بالريجيم وجان كل فترة يفتح وياية الموضوع وانه يريد يشوفني
عدة اسبوعين واني ملتزمة كلش بس مانقصت غير 5 كيلوات
وصار وزني 95
ومرة من المرات جنت اغسل مواعين العشة ومن صعدت لغرفتي وفتحت فيس لكت صديقاتي منزلين الصور الجماعية مالت تخرجنا ومسويلي اشارة وطالعة عند وسيم ومعلق ومخلي لايك
ريم،،،سويت ازالة اشارة بسرعة وطلبت من وسيم يحذف تعليقة وحذفة
وسيم ،،،جانوا كومة بنات ولان صورة جماعية ممبينين كلش خزنت الصورة وحاولت اكبر بيها واركز بيهن مكدرت اميزها اي هية بيهن حسب المواصفات العندي
سرى ،،،اتصلت بسالي وج سالي اذا احجيلج متصدكيني والله
سالي،،،شبيج شكو خوفتيني
سرى ،،،وج قبل ساعة نزل منشور صورة جماعية لدفعة ريم ومسويلها اشارة
سالي،،اي وشنو يعني
سرى ،،،وج احزري منو علق على المنشور وباركلها بالتخرج وكاللها عقبال التعين ياغالية
سالي،،،ضحكت منو الي معلقلها هيج اي معمي قلب هذا
سرى ،،،وج وسيم ابو الكماليات صديق ايهاب
سالي ،،،كعدت على حيلي لا بربج ؟؟
سرى،،،وج والمصيبة ورة شوي انحذف تعليقة بس اخذتلة صورة والنوب رحت تبعت صفحاتهم ناس تضغط اعجابات لناس وتعليقاتهم لبعض اغلبها الغاز ممفهومة
سالي،،،وج والله سطرتيني شجاب وسيم على ريم اشك هدومي صح حظ القبايح بالسما لايح وحظ الملايح بالارض طايح اشوفها متفطنة بروحها وتسوي ريجيم
سرى ،،،والعوبة صار فترة مقاطعتنة ومحجتلنة شي
سالي هينة يصير خير ريومة الدبة
&
أنت تقرأ
حبيبتي بدينه
General Fictionالجزء ١ ريم ،،،عمري22 سنة طالبة مرحلة رابعة اداب وبعد اسبوعين لتخرجي ودنحضر لحفلة تخرجنا ومحتارة شنو البس اني وزني 100 وطولي 165 😖من اني وصغيرة هيج جسمي مليانة ومدبدبة لكن من كبرت زادت عندي السمنة وبعد مااسيطر على وزني بالرغم شكلي كلش حلو بيضة وعيو...
