ريم ،،،اممم لا شكرا كلك ذوق اعتبرها وصلت
وسيم،،،هاي قفلت والفضول صار يقرأ الف عندي
ريم،،،مرت الايام ووسيم دائما يدخلي وندردش
وسيم،،،جنت كلش ارتاح من ادردش معاها بالرغم عندي كومة بنات بس مااعرف ليش هية بالذات هيج ارتاحتلها
ريم ،،،كلش ارتاحيت لوسيم وجنت كلش احب احاجيه وانسى الدنيا كلها وسمني ووضعي من احاجيه حتى الحفلة صارت وحضرتها عادي ومجنت مقهورة على نفسي ووزني مثل قبل
ومرة رحنة نتسوك اني وامي وكتلها يوم خلي نطب لمجمع الوسيم نشوف شكو ماكو
دخلنا وعيوني دورلة لكتة كاعد ورة مكتبة ومندمج على الحاسبة ويكتب اباوعلة وابتسم فديت الكعدة والسمائي الي راح ياخذ منك قطعة شبعت بي شوف وهو مامنتبه ولا يباوع لزبائن ومخلي كوب كوفي يمة ويشرب كون اني الكوب وتلمسني بأيدك 😍.
وبيومها كالعادة دخلي وكمنة ندردش كلي شونج بالامتحانات شدي حيلج
ريم ،،،الحمدلله الله كريم
وسيم،،،اي بعد سولفي شكو ماكو
ريم،،ماكو شي جديد انت شكو ماكو
وسيم ،،،لا جديد نفس الروتين كل يوم بس تعب وملل
ريم ،،،وسيم اي تعب كل يومك تكضي ورة المكتب وبأيدك الكوفي
وسيم،،،😯 منو كلج هالحجي اني نادرا اشرب كوفي بس اذا جانت اعصابي تعبانة او مشدودة اشربة بس انتي جنتي اليوم بالمجمع وشفتيني مو
ريم ،،،اي هههههه
وسيم ،،،خرب شمرت الجهاز من الضوجة هاي شوكت اجتي وماشفتها متت قهر ظليت اعصر بمخيلتي منو اليوم اجاني
المشكلة كومة بنات يجوني ولان ماابيع ومااتعامل معهم قليل فبصعوبة اتذكر
ريم ،،،عزة شو بعد ميكتب يمكن عرفني انتظري البلوك ياريم 😂😂
وسيم،،،ورة شوي كتبت ريم اطلب منج طلب
ريم،،،يمة 😅 هسة يكولي اشطحي من خلقتي
همست اتفضل
وسيم،،، دزيلي بصمة صوت اتأكد انج بنت
ريم،،،ليش !!
وسيم ،،،من حقي اتأكد مع منو اتكلم يجوز تطلعين ولد شمندليني الدنيا صايرة تخوف واشكال دنشوف هسة تطلعين واحد من اصدقائي واحركم حرك
ريم ،،،كلت بكلبي يمعود والله بنية ومو بس بنية مجموعة بنات لتخاف هههه ظليت مترددة هاي شلون ورطة
لكت نفسي ادزلة بصمة صوت بدون مااحس بروحي وجان صوتي ناعم وحلو يذوب الصخر يعني الصوت عكس الشكل تماما
وسيم،،،دزتلي هلو وسيم هاي دزيتلك بصمة صوت حتى تتأكد اني بنت بس رجاءا هذا اول واخر طلب تطلبة مني ولتحرجني بعد وفعلا تشرفت بمعرفتك
وسيم ،،،،يمة الصوت يمة اشتعلوا عمامي خرب هاي غير صاكة خليت سماعة حتى يكون الصوت اوضح وكل شوي اعيدة واسمعها صدقة لهل صوت كلة انوثة ولو من قبل اكول الصاكة يصير صوتها مو حلو بس الظاهر راح اغير نظريتي
ريم ،،،لطش وسيم غير لطشة علية ونظل نسولف للفجر على الفيس
أنت تقرأ
حبيبتي بدينه
General Fictionالجزء ١ ريم ،،،عمري22 سنة طالبة مرحلة رابعة اداب وبعد اسبوعين لتخرجي ودنحضر لحفلة تخرجنا ومحتارة شنو البس اني وزني 100 وطولي 165 😖من اني وصغيرة هيج جسمي مليانة ومدبدبة لكن من كبرت زادت عندي السمنة وبعد مااسيطر على وزني بالرغم شكلي كلش حلو بيضة وعيو...
