حبيبتي بدينه

٣٤والخيرر

عرفت بعدين انه من حبي الة مكدرت ارغب لغيرة
واني طبيعية كل برود مابية جان وسيم يضوج من سيرة معتز ويسمي ابو ثرب 😂😂
وسيم،،،فديت كلبها لدبدوبتي جانت تنسى نفسها وتظل تاكل حلويات وورة 5 اشهر حملت ومع الحمل بدء يزيد وزنها جنت مااحب ترجع تسمن بس بنفس الوكت مجنت اريد احسسها انه يزعجني سمنها بس من تنسى نفسها وتكعد تاكل اظل اباوعلها وعلى اعصابي 😢
ريم،،،ولدت بنوتة عيونها ملونة جنها ابوها الصاك بس رجع وزني يزيد تدريجيا وصرت 80
وسيم،،، سميناها البنوتة رنيم حتى اليم يظل يجمعنا جان كل وقت ريم الها كمت اغار واضوج وبعز الاوقات الحميمية تبجي رنيم وتتركني ريم
ريم،،،جان مرات يقفل وسيم علية وميخليني اكوم على رنيم اذا بجت جنت اضحك عليه يغار كل عقلة من رنيم حاولت استوعبة بذيج الفترة وقدر الامكان اوفق بين الاثنين من كبرت رنومة انعكست الاية كامت حضرتها تغار على ابوها ومتحبني انام يمة وكأنها هية وبس حبيبة ابوها متعرف اني حبة الاول 😍
ويضحك وسيم علية من اغار ويكلي جربتي شلون الغيرة توجع حتى وان كانت بنتج حتى تحسين بية من جنت اضوج من اهتمامج الزايد بيها😒
تجرعنا هالحياة بحلوها وبمرها جنت اغار ع وسيم بقى صاك وحلو وكل متمر علينا السنين يزيد جمال واناقة والبنات عيونهم عليه وين مااروح
بس بقى الصاك يحبني ومايباوع على غيري واني واكفتلة على الدعسة ومراقبة الوضع😅
انتهت قصتنا وماانتهى مشواري معكم
انتظروني بقصة جديدة وحكاية اكثر متعة وتشويق
نصيحة اهتمي بنفسج واعتني بصحتج وحافظي على وزنج ولتخجلين من وضعج وشكلج الي ميحبج مثل ماانتي ميستحق وجودج بحياتة
حبي حالج ولتتغيرين لخاطر اي شخص وانما لنفسج ولصحتج دائما الوزن الزائد يخليج تبينين اكبر من عمرج وحتى وان كنتي حلوة يضيع حتى جمال وجهج
ومع هذا تظل الدبدوبة عشق لكن بالمعقول😍😍
حذاري من العلاقات الي عبر المواقع الاجتماعية فالبعض يرتدي اقنعة ويزور كل الحقائق ويظهر عكس الواقع تماما
دائما خلي ابالج حبل الكذب قصير والي يكذب يخسر نفسة قبل لا يخسر ثقة الي حوليه
والي حصل بالقصة هو شي خاص ونادر ومو كل الشباب مثل وسيم ولا كل البنات بطيبة وبراءة ريم
وطبعا مو كل النهايات سعيدة ولو كانت القصة حقيقية راح تأخذ غير مجرى لكن شفتكم حبيتوهم ومثل معودتكم دائما تكون النهايات سعيدة حتى انطيكم امل بالحياة واخليكم تنبضون بالتفاؤل والسعادة والايمان بأنه القادم دائما اجمل بأذن الله