حبيبتي بدينه

٩

بارت ٩
ريم ،،،همست شلونك وسيم بس لا جنت نايم
وسيم ،،،لا والله ابد وين يجيني نوم وانتي ضايجة
ريم،،،ابتسمت وكتلة شفت منشوراتك بصفحتك وبالبيج هاي المن
وسيم،،،همست يعني متعرفين المن لوحدة غالية علية ضاجت وضوجتني وياها
ريم،،،اممم يجوز تطلع انت المضوجها
وسيم،،،معقولة!!! شلون بلة ياريت تسولفيلي
ريم،،،سمعت من البنات صديقاتي عن تعاملك بالمحل وياهن واسلوبك
وسيم ،،،اي ؟؟؟
ريم،،،مااعرف ليش ضجت
وسيم،،،ليش شنو بي اسلوبي مو انتي جاية لمجمعي وشايفة اسلوبي!!
ريم،،،وسيم انت دتحجي مع بنات غيري؟؟
وسيم،،،جنت احجي مع بنات قبلج بس من تعرفت عليج بعد مااكلبهن مااعرف ليش وهسة الله شاهد دخلولي اثنين ديسألوني عن منشوراتي وليش ضايج ومارديتلهن
ريم،،،شكد فرحت وارتاحيت من حجة هيج
وسيم ،،،بس لحد هسة ماعرفت انتي ليش ضجتي من حجيهن ؟؟
ريم ،،،ضليت ساكتة مااعرف شنو ارد
وسيم ،،،ريم مو صار لازم نشوف بعض؟؟
ريم،،،لا مو وكتها
وسيم،،،ليش تتهربين مني ومتريدين اشوفج؟؟
ريم،،،صدكني بالوقت المناسب راح تشوفني
ريم،،،بس اريدك توعدني ماطول الثقة موجودة بينة نحافظ عليها ونكون صريحين مع بعض
وسيم،،،اوعدج بس والله اني صريح وياج وصادق
ريم،،،وسيم لتنطي مجال لزبوناتك
وسيم،،، اذا دكوليلي شنو سبب طلبج اوعدج حتى المجمع بعد مااكعد بي
ريم،،،لا شلون متكعد بي هذا باب رزقك بس خلي تعاملك شوي جدي مع البنات
وسيم،،،ادري ياعيني غير اعرف سبب الطلب احجي والابتسامة تارسة وجهي
ريم،،،كلت بخنكة لان اغار عليك وسيم وووو،،،،
وسيم،،،اي كوليها وشنو
ريم،،،واحبك فوك متصور وتعلقت بيك كلش وبجيت
وسيم جنت مدد وكعدت فز كلبي بحجيها كتلها ليش تبجين اكو اجمل من هالأحساس وهالكلمة تصدكين اذا اكلج شعور متبادل بس بلة انتي شايفتني ومعقولة تحبيني بس اني وضعي ابدا مو طبيعي اكو واحد يحب وحدة مشايفها
ريم،،،، حقك بس ان شاء الله قريبا اخليك تشوفني
وسيم ،،،شوكت قريبا والله خلص صبري ريم اذا تخافين ومواثقة مني لدزيلي صور ولا شي بس اريد اشوفج ولو من بعيد
ريم ،،،وسيم الله يخليك مو وعدتك قريبا تشوفني لتلح علية الله يخليك