فوت قبل القراية وكومنت بعدها
ـــــــــــــــــــــــــــــــــــــــــــــــــــــــــــ
وربما اسفل تلك هذا الرماد هناك شرارات نار لم تنطفى تنتظر اى شئ يقترب منها ليندلع حريقا هائل ياتى على الاخضر واليابس
ـــــــــــــــــــــــــــــــــــــــــــــــــــــــــــ
فى صباح يوم جديد
توقفت السيارات امام قصر المنشاوى متراصة خلف بعضها البعض ليهبط منها افرادها واحد تلو الآخر وكل واحد منهم يهمس للاخر بتساؤل متعجب عن ما الذى حدث ليقوم عبد الرحمن المنشاوى بإستدعاء جميع افراد عائلته للمجئ إليه وبهذه السرعة،
نظر مالِك لوالده قائلا بتعجب:
_ده حدث الأول فى تاريخه ان جدى يطلب الكل لدرجة ان الشركة والمستشفى ميبقاش فيها حد للإدارة
نظر له عزت بطرف عينه ليقول بهدوء:
_لأول مرة تلاحظ حاجة وتصيب فيها، هو فعلا عمره ماحصل ان موقف زى ده يحصل
إلتفت إليه ليلى تقول بتعجب واضطراب
_بس ياترى ايه اللى حصل خلى خالى يطلبنا كلنا كدة؟
مط عزت شفتيه فى حين اجابها مالك بتفكه:
_مش محتاج تفكير، إلقاه حاتم عمل مصيبة وجدى جمعنا كلنا علشان نشهد على طرده من العيلة رسمى
_او يمكن آدم قال لجدك على نتايجك السنادى اللى تشرح القلب ف جدك حب يعمل احتفال على شرفك ويورى للكل نتيجة افعالك وأهو يقعدك هنا جنب حاتم
قالها عزت بمزاح لينظر له ابنه برعب وهو يبتلع رمقه بخوف ناظرا لوالدته متسائلا بجزع:
_تفتكرى؟
مطت شفتيها وهى تجيبه بشرود:
_ياخبر بفلوس
فى حين كانت ميرفت خلفهم تُحَدِث زوجها قائلة بتساؤل:
_تفتكر ابوك عاوزنا فى ايه؟
نظر لها بقرف وهو يقول بضيق:
_ابوك!! اسمها ابوك؟!! ايه الاحترام اتعدم؟
تأففت بضيق وهى تقول بتعالى:
_هو مش ابوك ولا انا غلطانه؟
نفخ بفمه بضيق ولم يجيب ليتركها ويتقدم يسير بجوار اخيه لتهمس لابنتها بفضول:
_تفتكرى ان جدك هيموت وبيتصل بينا يوزع الميراث او حاجة؟
نظرت لها ابنتها لتهز كتفيها تزامنا مع مط شفتها السفلى بجهل لتكمل هى بتخمين:
_ولا يكونش حاسس انه اجله قرب ف طلبنا علشان يحط آدم بديل ليه ويكون هو كبير العيلة وعلينا اننا نقدم فروض الولاء والطاعة؟
هزت ابنتها كتفيها بجهل لتجيبها ببساطة
_معرفش بس دلوقتى هنعرف، ياخبر بفلوس
تأففت بضيق من ابنائها ومن زوجها ومن هذا البرود واللا مبالاة المتحليين بها على الرغم من ان الموضوع يبدو جلل، فلاول مرة يطلب عبد الرحمن المنشاوى تواجد جميع ابنائه وكذلك احفاده هنا فى ذات الوقت، لتقول بسأم:
_انا مش عارفة انتِ وابوكى جايبين البرود دة منين؟
أنت تقرأ
حصنى المنيع
Randomلم تكن حياته معقدة بل كانت حياته هادئة وتسير بطبيعة عادية، ربما يعلم اعدائه ولكنه كان دائما الاقوى والمسيطر، كان دائما له مكانته وقوته ولم يكن لديه ما يخافه الى ان ظهرت هى، وظهرت معها كل تعقيداته، وخوفه، ورعبه، ولكنه سيظل الاقوى والأكثر صمودا وقوة...
