اقتباس صغير من الفصل الجاى وعاوزة اقول ان الفصل ضرب نار تفاعل جامد علشان ينزل
ثم اقترب يضرب سبابته فى صدر الاخر وهو يكمل بهمس مخيف
_وبعد دة كله تجيب انت طفل يقاسمنى فى دة كله؟ يقاسمنى فى تعبى ومجهودى؟ لا ابدا والله ماهيحصل ابدا
بهت وجه عاصم وهو يتساؤل بخوف
_يعنى ايه؟
_يعنى الولد دة عمره ماهيشوف النور
خرجت الكلمات من فم بكر حادة كحد السيف لينظر له عاصم بصدمة متسائلا بتعجب
_يعنى ايه؟؟ تقصد ايه؟؟
إبتسم بكر ابتسامة ساخرة وهو يجيبه بهدوء
_يعنى الولد دة مش هيتولد يا عاصم، مش هييجى ابدا اللى يقاسمنى فى تعبى وشقايا... فاهم؟
نظر له عاصم ليصرخ بغضب
_انتَ عاوز تقتل ابنى يا بكر، انتَ اتجننت؟ غور فى داهية بفلوسك وشركتك انا هاخد فلوسى وابعد ان شاء الله اروح الصعيد واعيش هناك ومش عاوز شركتك، انا عاوز حقى وهاخد مراتى وابنى وامشى وانت اغرق فى مصايبك براحتك
مط بكر شفتيه بهدوء وهو يجيبه بفحيح
_ماكنش يتعز يا ابن عمى، هو سواء كنت عرفت او لا ف انا اللى تعبت وكل ده ملكى ف انت حتى لو معرفتش برده ماكنتش هتطول حاجة
نظر داخل عينيه وهو يجد الاخر يناظره بصدمة ليكمل بهدوء
_اه يا عاصم.. من الاخر كدة انت اللى غلطت لما قررت تخلف وتجيب اللى يقاسمنى فى تعبى، لازم كنت ترضى ب القدر اللى كتبتهولك لكن انت اللى اعترضت، ف انا كنت هقتله بس بطريقة تخلى هنا متعرفش تجيب غيره ابدا، كانت هتبقى بسهوله وهى بتولد فى المستشفى بتاعتنا و وقت الولادة هنقول ان الولد تعب ونزل ميت او مات بعد الولادة وفى العمليات هنقول هنا نزفت جدا واضطرينا نشيلها الرحم
أنت تقرأ
حصنى المنيع
De Todoلم تكن حياته معقدة بل كانت حياته هادئة وتسير بطبيعة عادية، ربما يعلم اعدائه ولكنه كان دائما الاقوى والمسيطر، كان دائما له مكانته وقوته ولم يكن لديه ما يخافه الى ان ظهرت هى، وظهرت معها كل تعقيداته، وخوفه، ورعبه، ولكنه سيظل الاقوى والأكثر صمودا وقوة...
