انا وذات الخمار
بقلم اوتار حزينه
الجزء الثامن
،،،،،،،،،،
اني بي طبع دائما بليل اروح للمشتمل مالتي
اكعد هناك افض شغلي على الحاسبه
واتعلل شويه وي الاركيله مالتي
كاعد اشتغل لان التهيت بفرح وعفتو هاليومين
وتكوم على راسي،،،
اشتغل وبالي يروح ليمها
اتخيلها شلون كاعده بالكوشه وطالعه تخبل
ابتسمت وصفنت على جدول وحجيت
هاي شسويت خربطت الاول والتالي
لاا راح تعمر الشركه ياصگر
رجعت ليوره،،،وفركت وجهي بقوه دحكت للساعه
جانت تقريبا بال2
كمت عدلت روحي لان جنت تعبان كلش
طفيت الحاسبه تمشيت للباب طلعت قفلتو
ورحت للبيتنا
يم باب المطبخ وكفت من سمعت صوت امي
تحجي وهي تضحك ووياها وحده هم تضحك بصوت دفعت الباب طبيت شفت
فرح خربانه ضحك
صفنت عليها واني رافع حواجبي ومبتسم
حجيت بگلبي
طلعت حتى الضحكه حلوة،،،،
خجلت بس لمحتني وسكتت كامت بسرعه
وحجت
من رخصتج ماما اروح انام
انهزمت من المطبخ وخلتني واكف بمچاني
ابتسمت لامي حجت بضحك
الله يعينك يمه على ليلتك وياها
هههههه
ضحكت بصوت عالي
رحت ليمها كعدت وهي كملت
وروح ابويه هالبنيه خامه بيضه ومتربايه
زين
هزيت راسي الها لفت لفه وانطتها اليه
اخذتها من ايدها وكملت مبتسمه
يمه ديربالك عليها تره البنيه ميته من خجلها منك
ومبين عليها الخوف
اي يمه اعرف كلش زين هي خايفه وخجلانه
مني وهذا الشي عادي لان لاشايفتني
ولاشايفها غير مرة وحده
هزت راسها اليه وكملت وهي تأشر على گلبها
صگر هالبنيه مااعرف ليش حبيتها ودخلت گلبي
بسرعه مدري اشوفها من اهل الله وطيبه
اي يمه هي تنحب،،،
سكتت وعيوني راحت لمچانها،،،
صوت ضحگتها رنت بگلبي وعگلي
تدري يمه هي عدها ذهب جثير وتعجبنا منو
مو مال هسه ذاك الاولي مال گبل تخم براق ذاك
التخم الحلو والثگيل وهم لبست قران نفس الجابو اليه ابوك من تزوجنا
أنت تقرأ
انا وذات الخمار
Romanceظننت ان قصتي ستكون حزينه وان قدري كتب في صفحه سوداء بقلم حبره من دموع وان حياتي ستمضي مثل كل يوم الم دموع حزن قهر ولكن شئت والله اراد شي اخر وكان قدري ان ارسل لي روح تشبه روحي في كل شي روح عانقتني وانقذتني من حاله الضياع والالم التي عشتها تغير عا...
