انا وذات الخمار
بقلم اوتار حزينه
الجزء الواحد والعشرون
،،،،،،،،،،،،،،،،،،،،،،،،،،،،،،،،،
ثائر
امي سكتت وحجت وره لحظه
يمه ما الله يهديك واخطبها الك
فگيت عيوني ودرت وجهي عليها وجاوبت
منوو يمه
سرى اخت صگر
ابتسمت وجاوبتها
يمه صدك تحجين تره البنيه صغيره واني
اكبر منها بچثير
اسم الله يمه منيلك جبير توك عمرك ثلاثين سنه
31 يمه شنو نسيتي مواليد ابنج
اي هو نفس الشي زايده سنه وماراح تاثر جثير شگلت
بشنو يمه
اخطبها الك والله البنيه تخبل ومبين عليها فقيره
وثگيله
ها حجيه دخلتيها سونار لبنت الشيخ سلطان
يمه مايحتاج سونار ذني ترباه وفيه والحجيه
فليحه وخوات صگر يعني اصيلات والياخذ منهن
يفلح
سكتت وبالي راح لذاك اليوم شلون تخربطت من
شافتني ووكعت بالگاع
يمه اشوفك ساكت يعني موافق موو
لا حجيه وسديها لهاي السالفه
ليش يمه شبيك گلي شناقصك حلاه وحلو واخلاقك
كلها تحمد بيها وفلوسك خير من الله وابوك عافلك
هم خير جثير ليش ماتزوج
مو العمر كاعد يمشي بيك وانت ماجاي تحس
هذا مو رفيجك شوفو تزوج مرتين واخوه طگها للثانيه وانت وحده ماجاي تاخذ
تنهدت وظليت ساكت وهي لحت بالكلام
يمه تزوج وفرح گلبي ابوك مات وماشاف ضناك
وخاف اني هم اموت ومااشوفهم
گلبي انقبض من سمعتها هيج حجت
وجاوبتها
يمه شنو هالحجي رحمه لاهلج بعد لاتحجي
تره جاي تقهريني من تحجين
هيج
عجل يمه لاتقهرني وترفض الزواج اذا مو اخت صگر غيرها انت اختار واني امشيلك عليها
مو هساع حجيه
شوكت يايمه مو گلبي خلص من هاي الچلمه
الله كريم اني اكلج بس اشوفلي بنت الحلال
الي اقتنع بيها واشوفها مثلج بكلشي
سكتت وهي مو مقتنعه بكلامي ظليت اسوق
واخت صگر بين عيوني
هزيت راسي رافض فكره امي لان البنيه صغيره
ومو مناسبه لعمري
صگر
عرس اخويه صار بسرعه لان جهزنا كلشي بعد
ليش هالتاخير واكف وي ابويه
نستقبل الاوادم الي اجتي من كل مچان عيوني علي
جان واكف كاشخ عريس بس ماكو
فرح بوجهو عرفتو مقهور
أنت تقرأ
انا وذات الخمار
Romanceظننت ان قصتي ستكون حزينه وان قدري كتب في صفحه سوداء بقلم حبره من دموع وان حياتي ستمضي مثل كل يوم الم دموع حزن قهر ولكن شئت والله اراد شي اخر وكان قدري ان ارسل لي روح تشبه روحي في كل شي روح عانقتني وانقذتني من حاله الضياع والالم التي عشتها تغير عا...
