انا وذات الخمار
بقلم اوتار حزينة
الجزء الثاني عشر
،،،،،،،،،،،،،،،،،،،،،،،،،
صگر
ابويه جان ساكت ومالو حس منزل راسو
وعاكد الحواجب انتظرته يحجي ماحجه شي
گلت
ياابه
بلحظه ضرب عصاتو بالگاع وخزرني بغضب
عكدت حواجبي وهو صاح بي
چلمه مااريد اسمع منك كافي السويتو بره
سكتت نغزني بعصاتو بصدري وكمل
تعرف انت شسويت
عكدت حواجبي وجابتوو بهدؤ
اي اعرف
لااا ماتعرف شسويت ياشيخ يبن الشيوخ
ماتعرف انت الك قدر وهيبه چدام الاوادم ماتعرف
الكل تغضب وتفقد العگل الا احنا
سكتت وهو كمل بعصبيه وهو يأشر على راسو
يول هنا ميزان يحكمنا هنا عگل يحسب للخطوه
الف حساب هذا قبل هذا
اشر على سلاحو وكمل
واانت ياشيخ صگر خليت غضبك يتحكم
بيك وتصرفت تصرف راح ينحسب علينا كلنا
جدام الاودام كلها واوالهم عمامك ولدهم
ياابه انت ماتعرف هذا شمسوي
سكتت وبلعت السالفه درت وجهي منه وهو
حجه بغضب
ااحجي شمسوي وخلاك هيج تصرف اني اعرفك
عاگل وتحسب للخطوه الف حساب شجاك وهيج
تصرفت فهمني شنو التعرفه واني مااعرف بي
ظليت ساكت وهو صاح
ماااتحجي مو جاي اسألك
غمضت عيوني بقوه فتحت وذبيت حسره
دحكت لابويه يخزر بيه كمل بعصبيه
يول انت جبير ولدنا والشيخ من بعدي اذا انت تصرفت هيج بعد مالنا عتب ولا نكدر نحجي
وي الباقيين لان راح يحگونا بيك
يابه البيه مااكدر احجي
جاوبته بخنگه وهو صفن عليه رد ليوره ظل ساكت
وعيونه تفتر على ملامحي عكد حواجبو
وگال
هذا القليل شرف مسوي شي لمرتك
ابويه مو قليل حكيم وعندو نظرة للبشر
يقره وجهو ويعرف البي طبعو مثل جدي متعب هو هم هيج يعرف شنو بيك بدون ماتحجي چلمه
هو اب وصديق وخصوصا اني احس روحي كبرت ويا لان هو تزوج صغير رغم القرب بيني وبينو
ماكدرت احجي اي شي بس گلت
جان يأذيها ويضربها،،،،
سكت صفن بعيوني درت وجهي منو جاوبني
يول مو بس هذا الشي صاير لا گلبي يگلي بعد
اكو سالفه بگلبك انت ضامها عليه
شاحجي اگول راد يعتدي عليها اكثر من مرة
اذا حجيت ابويه راح يفگر غير تفكير وهذا الشي،
مستحيل احجي مستحيل اگوله لاحد مااريد نظرتهم الها تختلف ولا اريدها تحس بشي
تغير بيهم من ناحيتها
أنت تقرأ
انا وذات الخمار
Romantikظننت ان قصتي ستكون حزينه وان قدري كتب في صفحه سوداء بقلم حبره من دموع وان حياتي ستمضي مثل كل يوم الم دموع حزن قهر ولكن شئت والله اراد شي اخر وكان قدري ان ارسل لي روح تشبه روحي في كل شي روح عانقتني وانقذتني من حاله الضياع والالم التي عشتها تغير عا...
