انا وذات الخمار
بقلم اوتار حزينه
الجزء السابع والعشرون
،،،،،،،،،،،،،،،،،،،،،،،،،،،،،،،،،،،،،،،،،،،،،
صگر
سافرت واني مصمم ارجع مثل الاول ردت
اكوم على حيلي واسوي الي اريده اخذ ثاري من هذا
العار وازوج على فرح
ردت اقهرها مثل ماقهرتني ردت احرك دمها مثل ماخلت نار تمشي بوريدي وتحرگيني
شويه شويه
هناك عرفت اني لازم اسوي عمليه اللخ وراها ابلش
علاج طبيعي سويتها وره كم يوم
ونجحت والحمد لله
ظليت هناك فتره نقاهه وعلاج ويوم على يوم وضعي يتحسن صح مامشيت،،، بس الالم مو مثل الاول
وكدرت احرك رجليه شويه ابويه
رجع بس اطمن على وضعي وظليت بس اني وذياب هناك
كاعد بالكرسي مالتي وادحك للبحر الصاير جدامي
اسمع ذياب يحجي وي مرتو ناديه ويضحك فرحان
لان بشرتو هي حامل ونيران هم
غمضت عيوني وصورتها وهي حامل مرت من چدامي الذكريات هجمت وخلتني
اختنگ
فتحت باب البلگونه ذياب حجه
صگر لاتطلع بارده بره
مادرت بال ،،،،طلعت وسديته ورايه
الهوه البارد ضرب وجهي وخلاني احس براحه
رفعت راسي للسما مغيمه وراح تمطر نزلت راسي
من دك جهازي جانت سرى فتحت
الخط جاوبت
هلا سرى
هلو صگر شلونك اليوم ان شاء الله احسن
الحمد لله احسن من قبل امي وابويه شلونهم
الحمد لله امي مشوار تخابرك
سكتت للحظه وبعدين حجت
صگر فرر
مع السلامه سرى
سديت الخط ورجعت صفنت على الجو
فرح اكثر من مرة رادت تحجي وياي وارفض،،،ماردت اسمع
صوتها ولا اريد اسمع منها نفس الكلام سديت اذني عن الحجج الجانت تحجيها جنت اسمع
هي عافتني وخلتني احرك بدمي طول خمس اشهر
رجال شكبرني وشكبر اسمي مااعرف مرتي وين
ولا اكدر اكوم حتى اشوفها وين راحت
غمضت عيوني من مر علي
كلام اهلي ،،،،،شلون راحت ووي منو
وليش اخذت
الكمبيلات وشلون راح تسلمها اله
شلون تسوي هيج بصگر وليش حظه هيج هاي الثانيه ادك بي الناقصه
نظراتهم اليه الجانت تذبح بيه بسجين عميه واني
هاي حالتي
فتحت وخذت نفس وذبيته بحسره كسره جانت بنفسي وكلش جبيره ووگلبي وجعه
ماهدأ ولا ارتاح من ذاك اليوم
لحد مارجعت
فرح
صگر قبل لايسافر كال لامه اظل بيته
وماارجع للبيت الجبير ماعرفت ليش منعني من بيت
اهله ماسألت ولا ردت اعرف،،،، هنا احسنلي
بعيد عن عيون البنات وخصوصا يسرى الي سمعتني حجي قهرني كلش واكثر شي
دك بگلبي من كالت
أنت تقرأ
انا وذات الخمار
Romanceظننت ان قصتي ستكون حزينه وان قدري كتب في صفحه سوداء بقلم حبره من دموع وان حياتي ستمضي مثل كل يوم الم دموع حزن قهر ولكن شئت والله اراد شي اخر وكان قدري ان ارسل لي روح تشبه روحي في كل شي روح عانقتني وانقذتني من حاله الضياع والالم التي عشتها تغير عا...
