انا وذات الخمار
بقلم اوتار حزينه
الجزء الثاني والعشرون
،،،،،،،،،،،،
فرح
نمت بهم وكعدت على وجع راسي يدك بقوه
لزمته وكمت اون من وراه
من وره الوجع القوي نفسي كامت تلعب
جهازي ضوه جوه المخده جريته وشفت عمتي
تتصل عليه فتحت الخط وجاوبت
هلا عمه
هلا فروحه هاي وينج ماما شكد اتصلت عليج
وماجاوبتي ظل بالي عليج كلت خاف
بيج شي
لا ماكو شي هيج بس راسي يوجعني
هاا خاف الشقيقه هاجت
اي الظاهر هيج
سكتت للحظه وبعدين سالتني
احد غاثج ماما
عضيت شفتي بقهر وعيوني غوركت
لا عمه منو يغثني مو تعرفيهم كلهم يحبوني
اگول خاف ذيج مرة ذياب
لا هي وينها مو تعرفين زعلانه بيت اهلهاا
ها مارجعت مو على اساس ترجع لبيتها الصاير
بشارعكم
اي بس بعد مارجعت
جذبت حتى ماتنقهر مثل ماانقهرت اني جانت شايل همي لان ماصار عندي طفل لحد هسه
سيف
صگر قهرني وحرگ دمي من اخذ شي يخصني
اخذ بنت عمي الي ردتها تصيرلي مره
وام بيتي وجهالي
ردتها هي لان اعرفها زين و واعرف
بروحي شلون ربيتها مثل مااريد ردت وحده مغمضه ماتعرف سوالف هالوكت الجاي تصير
اكثر من مره ردت اخذها واتراجع
من اشوف رفضها واكول شريفه وماتنطي نفسها بالحرام وهذا الشي خلاني اتعلق
بيها بعد اكثر والي خلاني اريدها واصمم عليها وهم لان ردت املاكها الهوايه ردتهن اليه ردت افك
روحي من الديون الي برگبتي
والي جاي اتهدد بيهن
زواجنا تاخر من وره دوامي وسفري بواجب للموصل من رجعت تفاجأت هي
وعمتي ماكوو
خابرت محد جاوب من عدهم وخابرت ابويه وتفاجأت وانضربت بگلبي من گلي
انطيتها لشيخ صگر
تعاركت ويا وتخبلت خبال مو صاير هديت علي
لبيته وتلازمت اني ويا وهددني
يشتكي عليه ويبلغ عن الرشاوي الجنت اخذها
كسرت بيته وماخليت شي عامر الناس گوة طلعوني من يمه بسرعه رحت لحديثه
واندليت بي صگر لان صيتهم معروف هناك
هديت علي ورميت على بيته بس
ااخ ظهره قويه ومايخاف من احد ضربني وهاني
بيته وكدام الكل
رجعت نار مشتعله بصدري وزادت من تقصدت اوكف بدربه وشفت فرح صفنت عليها شلون صايره تخبل
عقل ماظل براسي ورحت اريد
أنت تقرأ
انا وذات الخمار
Romanceظننت ان قصتي ستكون حزينه وان قدري كتب في صفحه سوداء بقلم حبره من دموع وان حياتي ستمضي مثل كل يوم الم دموع حزن قهر ولكن شئت والله اراد شي اخر وكان قدري ان ارسل لي روح تشبه روحي في كل شي روح عانقتني وانقذتني من حاله الضياع والالم التي عشتها تغير عا...
