انا وذات الخمار
بقلم اوتار حزينه
الجزء الخامس والعشرون
،،،،،،،،،،،
ترگتك خلفي لتعيش فعلت ذالك
ومت انا في ذالك اليوم
الان لاسبيل للرجوع اليك
لان اعرف اني
تركت جرح
في قلبك
لن يندمل
فرح
استقريت بنفس البيت الي اجره صگر وگضينا بي احلى ايام، ،،،، جنت اشوفه بي
واسمع سوالفه وضحكته
كل لحظه تمر عليه اشتاگ اله واتمنى ارجع لحظنه
بس خوفي علي جانت يتغلب عليه
ويخليني اتراجع
ابتعدت وجهازي قفلته وبعد مافتحته خاف لايعرفوني وين
ردته يعيش حتى لو اموت اني من وره فراگه ردتهم يگطعون نفس مني
وينسوني ماهمني الحجي الي راح يصير عليه
بگثر ماهمني صگر وروحه
الدنيا وظروفي والصار بيه خلوني اعتمد على نفسي بكلشي جنت لازم اعتمد على روحي لان صرت وحيده وماعندي
غير الله
تعلمت اطلع اتسوك واگضي حاجاتي
البنيه الي اجرت منها البيت ساعدتني هوايه
تسالني عن رجلي اجاوب
يشتغل بتركيا ومااعرف شوكت يرجع تسكت لان
هوايه مثلي بالمنطقه
كعدت الصبح مثل كل يوم ذبيت من راسي
واحس معدتي تريد تنشلع من وره
الوجع
طلعت امشي گوه رحت
كعدت بالصاله اخذت نفس وذبيته
ارتاحيت شويه وراها كمت خدرت جاي وسلگت بيضتين جنت مااشتهي بس جوان تعلمت تجي يوميا
تتريك يمي جرس الباب اندك عرفتها اجتي رحت فتحته الها
حجت
صباح الخير
هلا جوان
يااا هاي شبيج وجهج اصفر
تعالي بالمطبخ نتريك
جاوبتها ورحنا للمطبخ هي ماجان عدها جهال
هم مثل سالفتي اني وصگر كلشي مابينا ومايصير هي ااكبر مني بعشر سنين حبابه كلش ماخذها واحد عربي ارتاحيت الها بس ماحجيت الها اي
شي عن الصار بيه
كعدت وخلت ماعون على الميز حجت
جبتلج جوز وحلقوم دايه جابته اليه من بارزان
من اجتي عليه قبل كم يوم
تسلمين حبي
خليت الريوك وكعدنا نتريك هي بيها طبع تحجي
هوايه وتحشش مرات تحجي كردي وتنسه
نفسها وترجع تحجي عربي
اسمعها مره ومره اصفن وبالي يروح يم صگر
ااكلج فرح
هاا جوان
انتي بيج شي مريضه يعني
لاا ليش تسألين
جاوبت وصبيت الها بعد جاي
أنت تقرأ
انا وذات الخمار
Romanceظننت ان قصتي ستكون حزينه وان قدري كتب في صفحه سوداء بقلم حبره من دموع وان حياتي ستمضي مثل كل يوم الم دموع حزن قهر ولكن شئت والله اراد شي اخر وكان قدري ان ارسل لي روح تشبه روحي في كل شي روح عانقتني وانقذتني من حاله الضياع والالم التي عشتها تغير عا...
