• POSSESSIVE • [ COMPLETE ]

31

අදීශ් : කීයටද බං යන්නේ

මිහී : පාන්දර පහට විතර යංද ??

පසිදු : අම්මා ගහයි බැට් එකෙන්..
එච්චර උදෙන් යන්නේ අහවල් එකටද ??
ඕන්නං නවයට විතර යං..

අදීශ් : අවියා වාහනේ උබේනේ..
කියපං කීයටද එන්නේ ??

අවීන් : හයට..

අදීශ් : ඒත් උදේ වැඩි නැද්ද බං..

‍යුනෙත් :උබ ගෙදරට වෙලා
නිදියපං එහෙනම්..

පසිදු : ඒ කන්න ගන්නේ මොනවද ??

අවීන් : උබලා ඇදුං ටික විතරක් අරං වරෙං..
මම අනිත් ඒවා බලාගන්නම්

අදීශ් : අන්න යහපත් වැඩ..
එහෙනම් කොල්ලෝ
හය වෙද්දි අපි ලෑස්තියි..

පසිදු : අද ක්ලාස් වරෙල්ලා එහෙනම් ඔක්කොම

අලුතෙන් හදලා තිබ්බ ගෲප් එකේ මැසේජ් බල.බල හිටපු මම අවීන්ගේ නම්බර් එක දැක්ක ගමන් බැක් වෙලා ඕපන් කරේ සේව් කරලා නැති තව නම්බර් එකක්..

"හොදට ලියනවා "

"ඔයාද අවීන් ඒ "

මම මගෙන්ම ඇහුවේ exam එකට කලින් දවසේ ඇවිත් තිබුණ මැසේජ් එක දැකලා..කවුද කියලා නොදන්න හින්දා මම රිප්ලයි කරේ නෑ..එතකොට අවීන්ද ඒක දාලා තියෙන්නේ..මගෙ නම්බර් එක කොහෙන්ද එයාට..මට තේරෙන්නෑ වෙලාවට බනින්නයි අනිත් වෙලාවට යකෙක් වගේ හැසිරෙන්නයි ඔයාට තියෙන හේතුව මොකක්ද කියලා අවීන්..
ෆෝන් එක පැත්තකින් තියලා මම කොට්ටෙට හේත්තු වෙලා කල්පනා කර කර එද්දි මැසේජ් එකක් ආවේ මම ෆෝන් එක ගද්දි..