• POSSESSIVE • [ COMPLETE ]

23

මීට අවුරුදු දාහතකට පෙර

"හ්ම්..හ්ම්...ලා..ලා..ලා"

මාස අටක ගැබක් දරා සිටි ඇය විශාල උද්‍යානයේ දිග ඔංචිල්ලාවක පැද්දෙමින් තමන්ගේ කුසේ ඉන්න පොඩි රෝස මලට ඇහෙන්න තාලෙට මිමිණුවා..උද්‍යානයේ ඇති නොයෙක් පාට මල් දෙස ඇය දිලිසෙන ඇස්වලින් බලාගෙන හිටියා..දිකු කෙස් කලඹ එක කරලකට සැහැල්ලුවෙන් ගොතාගෙන හිටපු ඇය ගොඩක් සුන්දරයි..දරු ගැබ නිසා ඇය පියකරුයි..

"රෝස මල..අම්මිව බලන්න ඉක්මනට එනවද මගෙ වස්තුව..අම්මි කතන්දර ගොඩක් කියලා දෙන්නම් මගේ වස්තුවට..අහගෙන නේද ඉන්නේ ම්ම්..පැටියෝ..අද ඩැඩා පරක්කුයිනේ වස්තුව.. "

ලාවට අදුරු වැටීගෙන එන අහස දිහා බලාගෙන තම කුස තුල සිටින පුංචි රෝසමලට ඇය කිව්වා..හරියටම වෙනදා වෙලාවට ඇය උද්‍යානයට වෙලා රෝස මලගේ ඩැඩා එනකම් බලාගෙන හිටියා..තවත් විනාඩි කීපයකට පස්සේ අධි සුඛෝපභෝගී වාහනයක් මහල් තුනකින් සමන්විත මිදුලේ නැවතුනත් එක්කම ඇයගේ මූන ලස්සන පියකරු හිනාවකින් පිරිලා ගියා...

"අම්මී... "

ඒත් එක්කම වාහනෙන් බැහැපු පුංචි පිරිමි ලමයෙක් ස්පයිඩර් මෑන් බෑග් එකත් කරේ දාගෙන ඇය දෙසට දුවගෙන එද්දි ඈත් ඉදන්ම ඇය අත් දික්කරා ඒ පුංචි පිරිමි ලමයව තුරුලට ගන්න..

"අම්මිගේ හීරෝ..අද මොකද පරක්කු ම්ම්.. "

ඔංචිලාවේ එහා පැත්තෙන් ඉදගෙන තමන්ගේ කුසේ චූටි ඇගිලිවලින් රටා අදින පුංචි ලමයගෙන ඇය ආදරයෙන් ඇහුවා..

"ඩැඩානේ පරක්කු අම්මී.. "

"ම්ම්..ඇත්තට.. මගෙ පුතාව ගන්න එන්න ඩැඩා පරක්කු උනාද ?? "