تاني يوم.
عند سليم قام الساعة ٨ الصبح اتوضى وصلى الصبح ولبس وراح الشغل دخل على كفيله يتكلم معاه
سليم: السلام عليكم
ابو ياسر: وعليكم السلام كيفك يا سليم
سليم: الحمد لله بخير كيفك ابو ياسر
ابو ياسر: الحمد لله بخير
سليم: يا رب دائما بص يا ابو ياسر أنا عندي طلب وياريت يا ابو ياسر تساعدني فيه
ابو ياسر: سم يا سليم" اطلب" أنا بالخدمة وانت تدري أنا والله ما اعتبرك شغال عندي انت تدري والله آني احبك كولدي ولو بيدي شئ اسويه لك ما بتأخر
سليم: القلوب عند بعضها يا ابو ياسر المهم أنا عايز اطلب من حضرتك سلفة شخصية لمده ٦ شهور وعندي اتم الاستعداد امضيلك الورق اللي انت عايزة بس أصل في مصلحة ناوي اعملها ومحتاج رأس مال
ابو ياسر: كم تبي يا سليم ووش هي المصلحة اللي تبي تسويها دي
سليم: بص يا ابو ياسر أنا ناوي ان شاء الله ابدا في مضاربة معينة في شركة طيران ان شاء الله عندي امل أكون من المساهمين فيها هي شركة بريطانية بس مالكها طرح اسهمها للبيع في السوق بسعر حلو جدا ولو ربنا اراد هتبقى نقلة نوعية كبيرة جدا ليا وأن شاء الله في خلال ٦ شهور هردلك المبلغ كامل
ابو ياسر: كم تبي يا سليم
سليم: ١٠٠ ألف ريال يا ابو ياسر أنا عارف ان راتبي بسيط ومعنديش ضمانات بس أنا بقالي معاك ٤ سنين عرفتني فيهم كويس وانا مستعد امضيلك اي ورق انت عايزة
ابو ياسر: ما تحمل هم المبلغ موجود معاي الحين بس يا سليم أنا بسوي سند بيهم لاني بسحبهم من المحاسب ولازم اسوي بيهم سند وبسويهولك بسنه مو بست شهور بس.
سليم: ربنا يعمر بيتك ويجعلك في كل خطوة سلامة انا بقوم الحين افتح النظام واسوي السند من موقع وزارة العدل واجيبهولك الحين وقام سليم عمل السند على موقع وزارة العدل وابو ياسر اداله الفلوس وقام سليم راح ودعهم بحسابه بالبنك ورجع المكتب يشوف شغله ويشوف هيعمل اي في شركة الطيران اللي شاف اسهمها على النت وفعلا ربنا كرمه واشتري ١٠ اسهم بتسعين ألف ريال وخلى العشرة راح اشترى عربية صغيرة مستعملة وهو واخد قرار إنه يشتغل شغل تاني جنب شغل المكتب
بعد أسبوع عدى على ابطالنا
عند آلاء مفيش جديد الصبح في الشغل وبالليل في المحاضرات الدينية تروح تنام وتقوم تاني يوم وهكذا.
اما سليم كان بيصحى الساعة ٦ الصباح يصلي الصبح ويلبس وينزل ياخد الطلبة اللي بيوصلهم المدرسة وبياخد الطالبات اللي بيوديهم الجامعة وبعد ما يخلص يرجع المكتب يبدأ شغل لحد الساعة ١٢ قبل الظهر يروح يجيب الطالبات من الجامعة يروحهم وبعدين يجيب الطلاب من المدرسة يروحهم البيت وبعدين يرجع المكتب يصلي الظهر و يكمل الشغل لحد الساعة ٢ وبعدين يروح البيت يتغدى ويرجع الشغل الساعة ٥ لحد الساعة ٩ بالليل كان بيراقب الشركة وقدر يتصاحب على المدير التنفيذي للشركة وقدر يعرفة انه من اللي اشتروا اسهم في الشركة وبدأوا مع بعض يكونوا اصحاب وبيتكلموا وسليم كان ذكي وكان من أكتر الحاجات اللي بيحبها وثائقيات الطيران وكان عنده خبرة لا بأس بها من كتر ما قرأ كتب وسمع وثائقيات عن الطيران فكانت هنا البداية لكل شئ كان النجاح بدأ بينهم سوا وكانوا مع بعض دائما على التليفون وبيفكروا ازاي يكبروا الشركة وفعلا بدأوا في تنفيذ خطة ذكية لرفع الشركة بس المشكلة كانت في ملاك الشركة بس عادي كانوا قادرين يرفعوا قيمة الشركة
