تعديل: عمر يوسف ٢٨ سنه مش ٣٨ علشان هيكون له دور كبير في الرواية بعد كده.
بعد انتهاء المكالمة؛
سليم بنظرة ضيق: ماشي يا روان ورحمة قلبي اللي كسرتيه لهخليكي تندمي على اليوم اللي اتقابلنا فيه وهعرفك مين هو سليم وفجأة تليفون سليم يرن
سليم: السلام عليكم
صوت بنت: وعليكم السلام ازيك يا سليم
سليم: مين معايا
البنت: اي يا سليم انت مش عارف صوتي
سليم بصدمة: روان!!!
روان: ايوة
سليم بضيق: خير يا روان بتتصلي بيا تاني ليه مش خلاص فرحك كان الاسبوع اللي فات
روان: وحشتني يا سليم
سليم: انتي بتقولي اي انتي مجنونة انتي متجوزة
روان: اكتشفت اني بحبك قوي يا سليم ومش هقدر اعيش من غيرك وجوزي ولا هو هنا
سليم: بصي يا بنت الحلال دي اخر مرة اسمع فيها صوتك والله لو كلمتيني هنا تاني لهوريكي وش عمرك ما شفتيه ويلا روحي شوفي انتي بتعملي اي. سلام.
روان: استنى.....وقفل المكالمة وعمل بلوك للرقم
روان بتحاول تتصل تاني اكتشفت ان هو عملها بلوك قامت رمت الموبايل من ايدها وقالت والله يا سليم لهوريك, 😡😡
اول ما سليم قفل قام قعد على السرير وقال معقولة كده تكون متجوزة وبتكلم حد تاني تقوله أنا بحبك الحمد لله انه خلصني منها اللهم اني علمت ان اختيارك لي هو الخير فوفقني للخير في كل خطوة وقام صلى العشا ونام
ملحوظة " سليم بيصلي الفروض بس بيجي عليه فترات يقطع في الصلاة و يجمعهم"
وتاني يوم كان يوم الجمعة
يصحى سليم الساعة ١١ يقوم يستحمى ويلبس وينزل يروح الجامع يصلي الجمعة ويرجع يتغدا ويقعد على السرير" الغرفه بتاع سليم كل اللي فيها سرير و بس" يفكر هو ناوي يعمل اي فجأة يلاقي اتصال من اخوه
سليم: هلا سالم عامل اي يا ولد
سالم: اهلا يا اخويا أنا الحمد لله انت عامل اي
سليم: أنا كويس الحمد لله اي اللي حصل وانت في البيت ولا في شغلك
سالم: لا ولا حاجة يا سليم أنا بس خلصت صلاة فقولت اكلمك على ما سلمى تعمل الاكل ونتغدا
سليم: هو ابوك عامل اي
سالم: كويس الحمد لله قاعد جوه اهو تحب تكلمه
سليم: مش قادر اكلمه والله أنا حاسس انه مش طايق يسمع صوتي أنا بقالي حوالي ٤ شهور مكلمتوش والله أنا زعلان من نفسي على اللي أنا بعمله ده بس انت عارف الظروف اللي أنا فيها وبصراحة مليش وش اتكلم معاه وأنا عارف انه زعلان مني
سالم: بصراحة يا سليم بابا متضايق منك انك مش بتكلمه وبيسألني عليك على طول وأنا بقوله اني بكلمك وبتسأل عليه دائما هو يعني متضايق منك بس
سليم: لولا انك عارف ظروفي اللي أنا فيها دلوقتي أنا والله مش قادر اتكلم معاه وأنا بقالي حوالي ٤ شهور محولتش ليكم جنيه واحد وأنا عارف ان الظروف عندكم صعبة بس والله مش بإيدي
سالم: انا عارف وبابا عارف بس انت لازم تكلمه بابا متضايق منك بجد
سليم: ان شاء الله خير المهم انت مسافر شغلك امتى
سالم: بكرة ان شاء الله همشي الفجر هقعد هناك شهر ونص المرة دي علشان محتاج أجهز فلوس الجامعه علشان النتيجة
سليم: طيب انا النهاردة هبعتلك ٢٠٠ دولار عايزك تدي منهم ١٥٠ لبابا وتاخد ليك ٢٥ ولسلمى ٢٥
سالم:طيب هقوله اي
سليم: أنا هقوله متشغلش بالك انت روح اتغدا وأول ما تخلص كلمني علشان احولهملك وتروح تستلمهم تمام
سالم:تمام
سليم:يلا سلام دلوقتي وسلملي على اللي عندك
سالم: سلام
وقفل المكالمة وقعد يقول أنا اي اللي بعمله ده أنا عامل زي اللي بيموت نفسه بالبعد عن الناس لي كده بس هو ده اللي أنا كنت دائما فيه والناس كلهم بيبعدوا عني علشان أنا وباء على الكل خليني كده يا رب أنا نفسي ارجعلك مش عارف أعمل اي كل أما احاول ارجع الاقي نفسي ببعد أكتر يا رب ساعدني وقام اتوضى وصلى العصر ورجع حول لاخوة الفلوس ونام.
عند آلاء
صحيت الصبح في البيت اتوضت وصلت الضحى وقعدت مع مامتها وباباها يتكلموا شوية لحد ما باباها قام راح يصلي الجمعة ورجع من الصلاة قعدوا اتغدوا عدى اليوم من غير اي تفاصيل جديدة.
عند سليم
عدى شهر كان بيصحى الصبح يودي الطلاب المدارس والجامعة بعربيته وبعدين يروح شغلة بس في نفس الوقت متابع مع يوسف كل التطورات في الشركة ونجحت الشركة في شهر واحد إنها تعوض الخساير اللي اتسبب فيها الملاك القدامى للشركة ورجعت السوق بقوة غريبة ونجحت تعمل اسم كبير في وقت قليل جداً وده خلى المنافسين يتجننوا ازاي قدرت تقوم من تاني بسرعة كده بس سليم كان ذكي لانه كان نقل فرع الشركة الرئيسي من انجلترا للسعودية علشان تكون تحت عينيه يوسف اتنقل معاها السعودية ودي بداية انقلاب جديد في حياة يوسف
في التليفون
يوسف: اهلا سليم اخبارك اي
سليم: الحمد لله في نعمة انت اخبارك اي
يوسف: أنا بخير بص أنا مكلمك النهاردة عندي ليك ٤ اخبار كلهم احسن من بعض
سليم: قول يا سيدي يمكن يكون عندك حاجة تعوض عليا الفترة اللي فاتت أصل بصراحة أنا تعبت جدا
يوسف: اول خبر يا عم الشركة دلوقتي راجعة وبقوة للسوق واللعبة اللي عملناها نجحت وبتفوق وكمان القيمة السوقية بتاعتها بقت ٥ مليار واحنا اشترينا ٤ طيارات جديد دة هنشغلهم من القاهرة للسعودية على جده والرياض والدمام و سكاكا
سليم: لا بلاش سكاكا خلي الرابعة للقريات حاول هعمل اتفاق مع السعودية على ان احنا نفتح خط مباشر مابين القاهرة والقريات هيكون احسن من سكاكا علشان اغلب اللي بيجي على سكاكا بيكون جي للقريات فلو فتحنا خط الطيران ده هيكون احسن لينا ونعمل الطيارة رحلتين يوميا ذهاب وعودة ومش كده وبس عندي كمان خطة جامدة هتنفعنا مع المدن اللي حوالينا
يوسف: انت شايف كده
سليم: طبعا وبعدين أنا عارف المنطقة اللي أنا عايش فيها بقالي ٩ سنين واعرف الافضل فيها
يوسف: كويس طيب الخبر التاني الفرع اللي في لندن نجح انه يزود الرحلات بين أوروبا ونجح انه يزود الدخل ل ٤ اضعاف الدخل القديم
سليم: الحمد لله ربنا دائما بيقف مع اللي بيحتاج ليه ها والخبر التالي
يوسف: حساب الشركة هنا بدأ يقرب من القرض اللي انت كنت واخده وانا نويت اسدده كامل ليك وابقى اسحب فلوسي الشهور اللي جاية من ارباح الشركة بس علشان نسبة البنك متزيدش عليك ونكون خلصنا اللي علينا لبرة الشركة
سليم: لي كده بس يا عم انا كنت هسدد الجزء الأول الشهر ده من حسابي واسدد الباقي على ال٣ شهور الجايين
يوسف: يابني مفيش بيننا الكلام ده أنا لولاك مكنتش حلمت ان شركتي ترجعلي تاني واوصل للمكان اللي أنا فيه دلوقتي وبعدين أنا الحمد لله معايا كفايتي وزيارة
سليم: ربنا يديم المعروف بيننا ويديك يا جو على قد نيتك الطيبة
يوسف: الخبر الرابع بقى وده اهم خبر في حياتي أنا النهاردة اخدت قرار مهم جدا في حياتي كلها أنا نويت اكون مسلم
سليم بصدمة وفرحة: انت بتقول اي
يوسف: النهاردة ان شاء الله رايح مكتب الدعوة والارشاد اعلن اسلامي.
سليم بفرحة وعياط: مبروك يا جو ألف مبروك والله ده أكتر خبر فرحني في حياتي كلها بس اي السبب
يوسف: أنا من يوم ما جيت هنا وأنا حاسس ان الدنيا بتديني كل حاجة حلوة والناس هنا أفضل ناس اتعاملت معاهم في حياتي حتى الشيوخ اللي شفتهم هنا وكلامهم الجميل وشرحهم الرائع والاسلام نفسه دين الحق وده اللي اكتشفته
سليم: ربنا يثبتك يا جو ويرزقك العافية والثبات ويجعل لك جنة في الدنيا وجنات في الآخرة
يوسف: يا رب يا سليم
سليم: طب يلا سلام دلوقتي وأنا هحاول ان شاء الله الأسبوع الجاي أخد إجازة من شغلي واجيلك الرياض أقضي معاك كام يوم واشوف الدنيا عندك عاملة اي بس جو انت عارف أنا مش شريكك في الشركة أنا مجرد صديق ليك مش عايز اي حد في العالم يعرف عني حاجة دلوقتي خالص كل اللي يتعرف عني ان ليك شريك مصري اسمه سليم وبس
يوسف: متخافش يا سليم أنا عارف كده كويس بس ليه بتعمل كده
سليم: علشان اعلم حد معين ان هو خسرني للأبد قبل ما اظهر بحقيقتي أنا عارف اني متقل عليك في الشغل بس والله مش هينفع اتعرف دلوقتي خالص
يوسف: انت بتقول اي يا عم ده احنا اخوات قبل اي حاجة وبعدين ده أقل حاجة اعملها علشانك بعد ما كنت السبب ان أنا دلوقتي ملياردير
سليم: اوعى في يوم اسمعك بتقول كده تاني احنا اخوات وبعدين أنا كنت سبب بس انت ذكي وطموح وطموحنا احنا الاتنين اتقابل ومفيش حد احسن من التاني ويلا نجهز علشان الشهور اللي جاية عندنا حاجات مهمة كتيييييييير
يوسف: حاجات اي تاني
سليم: عندنا شغل لازم نخلى لينا فروع في كل أنحاء العالم ولازم طياراتنا تزيد أكتر واكتر عايزين ان شاء الله في خلال سنه نكون شركة الطيران الاكبر في العالم والأفضل أنا كمان ناوي أضيف خدمة الفرسان لطياراتنا مع الخطوط السعودية فهمت قصدي
يوسف: ده انت ناوي على حاجة محدش يقدر يقوم بيها بسهولة ده انت عايز في سنه نعمل اللي في شركات تانية مقدرتش تعمله في سنين طويلة
سليم: مع بعض ان شاء الله نقدر نعملها بس الاهم دلوقتي احنا هنخلي الدخل من اول الشهر الجاي كامل جوة الشركة مش هنسحب لنفسنا منه الا راتب شهري ٢٥٠٠٠ ريال بس والباقي الشركة تزود نفسها بيه تمام
يوسف: تمام وان شاء الله هنقدر
سليم: سلام يا جو
يوسف: سلام يا سليم
عند آلاء
مفيش جديد في حياتها الا ان بنت عمها روضة جات تعيش عندهم بعد ما باباها ومامتها اتوفوا في حادث سياره وهي قاعدة منهارة بقالها شهر وبتخرج بس تروح الجامعة
"روضة بنوتة عندها ٢٠ سنه مختمرة ملتزمة صديقة آلاء بس مالهاش اصدقاء تانيين وفي نفس الوقت بتكون اخت آلاء في الرضاعة كان لها اخت اكبر منها بخمس سنين اسمها آلاء برضوا اتولدت مع آلاء في نفس اليوم بس ماتت بعد ٣ سنين بسبب انها اتولدت بعيب خلقي في القلب كانت عايزة عملية بس كانت تكلفتها عالية جدا وماتت لما مقدروش يعملوا العملية طالبة في كلية آداب قسم علم نفس في نفس الجامعة اللي فيها سالم ومتخرج منها سليم وآلاء مع انهم عمرهم ما تقابلوا قبل كده الا ان القدر له رأي تاني"
آلاء دخلت البيت بعد ما خلصت شغلها سلمت على باباها ومامتها وسألت على روضة قالولها في الاوضة مطلعتش من ساعة ما جات من الجامعة دخلت لها آلاء
آلاء: ازيك يا رورو عاملة اي النهاردة
روضة: أنا الحمد لله بخير انتي عاملة اي
آلاء: تعبانة اوي اليوم النهاردة كان مرهق جدا وانتي عارفة ان امتحانات الميد بدأت والطلبة صعب جدا التعامل معاهم والدكاترة محملين علينا الامتحانات والتصحيح وليلة كبيرة
روضة: اخبار رسالة الدكتوراة بتاعتك اي يا لولو
آلاء: دي لوحدها محتاجة معجزة الدكتور تاعبني فيها وبصراحة من ساعة ما قولتله ان أنا مش موافقة على الجواز منه وهو بيعاملني معاملة وحشة جدا بس ربنا معايا بقى المهم انتي مش ناوية تفوقي بقى وترجعي لحياتك الطبيعية.
روضة فتحت في العياط: وحشوني قوي يا آلاء أنا مش عارفة قادرة أصدق ان أنهم خلاص سابوني لوحدي في الدنيا مش عارفة أعمل اي
آلاء: يا روضة يا حبيبتي هي الدنيا كده وبعدين هما دلوقتي في مكان احسن من الدنيا عند ربنا سبحانه وتعالى اللي هو ارحم بيهم من امهاتهم واحنا كل اللي علينا ان احنا ندعيلهم بس وربنا سبحانة وتعالى يتقبل مننا انما الحزن ده بيئذيهم ادعيلهم يا حبيبتي واقريلهم قرآن لعل الله يجعله لهم نور في قبرهم ويدخلهم الجنة برحمته ولا اي
روضة: معاكي حق يا آلاء ربنا يرحمهم ويرزقني الصبر
آلاء: آمين يا رب العالمين
يتبع..
