من هنا تبدا حكايتنا بجد
بعد ٦ شهور عدوا على ابطالنا بدون تغيير الا في شغل سليم اللي اتطور بسرعة البرق وقدر في ست شهور يعمل اللي الناس ممكن يعملوه في سنين طويلة وبقت شركته من أكبر شركات الطيران في العالم وده خلى الملاك القدامى متغاظين منها وعايزين ينتقموا منه لإنه وقف قدامهم في السوق واتحداهم وهما اصلا مش عارفين مين المالك بتاع الشركة اللي خلاها توصل للمكان ده
عند سليم
قام الصبح راح لكفيله في الشغل علشان يخلص شغله النهاردة لأنه بكرة مسافر مصر اجازة لمدة ٦ شهور هو في الشهور اللي فاتت التعامل مع الناس في الشغل زي ما هو بس في نفس الوقت هو بقى صعب وبيتعصب بسرعة وبقى جامد في التعامل مع الناس اللي معاه في الشغل وده خلى الناس اللي معاه بقوا بيتجنبوا التعامل معاه يادوب على قد الشغل بس هو كانت فترة الامتحانات في السعودية خلصت وهو اختار ينزل إجازة ست شهور يرتاح في مصر من التعب اللي تعبه الفترة اللي فاتت.
في الشغل
سليم: السلام عليكم
ابو ياسر: هلا سليم كيف حالك
سليم: الحمد لله بخير اخبارك اي ابو ياسر
ابو ياسر: أنا الحمد لله بخير وش ناوي تسوي الحين
سليم: أنا كده بقالي ١١ شهر واخد منك السلفة بس الحمد لله كانت وش السعد عليا ربنا كرمني آخر كرم علشان كده النهاردة عملت حوالة لحضرتك بمبلغ ٧ مليون ريال على حسابك في البنك.
ابو ياسر: وش ذا انت اخدت مني ١٠٠ ألف ريال كيف تردلي ٧ مليون أنا مابي منك فوائد او زيادة
سليم: أولا أنا مش مديلك فوائد او شئ ده نسبة من ارباح المبلغ اللي أنا اخدته منك في السنة اللي فاتت وبعدين أنا مش مديلك زيادة ولا حاجة ده أقل حاجة اقدر اردهالك انت متعرفش المبلغ ده عمل معايا اي وبعدين أنا لسه جايبلك هدية تانية دي بقى ياريت تقبلها مني
ابو ياسر: ايش هاد
سليم: ده مفتاح سيارتك الجديدة اللي هتلاقيها مستنياك برة قدام المكتب وبعدين أنا ان شاء الله مسافر مصر النهاردة العصر هوصل بكرة الصباح ان شاء الله
ابو ياسر: بس هاد كتير
سليم: لا والله ماهو كتير على الوقفة اللي حضرتك وقفتها معايا وده أقل حاجة كمان أنا دلوقتي بمتلك ٧٥٪ من شركة طيران قيمتها السوقية تعدت ال٥٠ مليار استرليني
ابو ياسر: وش ذا انت وش تقول انت الحين معك شركة طيران كبيرة
سليم: ايوة يا ابو ياسر أنا شريك في شركة الطيران اللي بنحجز عليها لدكتور مالك كل شهر التذكرة هتيجي كل شهر محجوزة بالكامل من غير ما تدفع ولا ريال وده لاي حد انت عايز تحجزلة تبعك اما بالنسبة للشغالات اللي بنحجزلها عندي ففلوسها هتتحول بالكامل للمكتب هنا والمكاتب اللي بره كلها بتحجز من عندي علشان العروض اللي عملتهالها
ابو ياسر: يعني من اليوم كل الحجوزات اللي للشغالات هتكون فلوسها للمكتب هنا و تذاكر كل اللي شغالين في المجمع اللي بنطلعها من عندنا مجانا وتذاكر الطيران بتاعتي أنا وعائلتي هتكون مجانا
سليم: تمام أنا عملت ليك انت وعيلتك كرت يسمحلك تركب انت و ٢٥ من عيلتك بيه عندي ببلاش وللمجمع في كرت برضو علشان تذاكر العمال اللي عندك لحد ٣٠ عامل في المكتب او المجمع تقدر تسافر بيهم لاي دولة في العالم بس لازم تعرف ان المسموح انك تضيفهم على الكرت انت وزوجتك واولادك وزوجاتهم وابناءهم و واخواتك وازواجهم لحد ٢٥ شخص اما باقي العائلة فلهم خصم ٥٠٪ من سعر التذكرة
ابو ياسر: هاد كتير عليك انت ليش تسوي كذا
سليم: يا ابو ياسر والله ما كتير عليك وبعدين دي هدية من ابن لابوه مش حاجة تانية اوك متتكلمش عن الحكاية دي تاني بقى
ابو ياسر: خلاص يا سليم ما بتكلم عنها تاني المهم هتمشي متى
سليم: أنا مجهز كل حاجة وخلصت شغلي هنا وهمشي كمان ربع ساعة يادوب قدامي ١٠ ساعات على معاد العبارة من ضباء لسفاجا هوصل بكرة ان شاء الله الساعة ٨ الصبح سفاجا هستناك تيجي تقعد معايا في مصر كام يوم نتفسح سوا انا وانت والاولاد اوك
أبو ياسر: تمام هحاول أخد إجازة أسبوعين أقضيهم مع العائلة في مصر
سليم: هتيجي هتلاقيني مجهزلك سيارة تتحرك بيها مع الاولاد ان شاء الله
أبو ياسر: ان شاء الله
سليم: سلام
أبو ياسر: سلام
وقام سليم أخد سيارته ومشي سافر لحد الميناء في ضباء وصل قبل موعد العبارة بحوالي ٣ ساعات خاص اجراءات السفر ومشي في نفس الوقت كان يوسف سافر من الرياض للقاهرة علشان يقضي وقت هناك وهو عارف ان نزول سليم المرة دي علشان ينقل الفرع الرئيسي لمصر المرة دي ويخلص كل اللي هو عايزه علشان الشركة هتكون في مكان مختلف عن جميع شركات الطيران في العالم كله.
