في الخارج عند الرجال أبو آلاء خرج من جوة وراح عندهم وهو مبتسم وسليم كان قاعد سرحان في حاجة ومش حاسس باللي حواليه ولا كأنه معاهم لدرجة انه مش سامع بيتكلموا في ايه
علي: مبروك يا اولاد
سالم: الله يبارك فيك يا عمي
سليم: لا رد
ماجد: سليم عمك بيكلمك
سليم: لا رد
سالم: ثواني يا بابا معلش يا عمي ممكن بس شويه ميه
علي: حاضر يابني وقام جاب الميه اداها لسالم
وسالم راح لسليم حط الميه على شفايفه وعلي وماجد بيبصوا عليه باستغراب
سليم اول ما حس بالمية على شفايفه فاق وبص لسالم وقاله في أي
سالم: في ان احنا بنكلمك بقالنا عشر دقائق مالك
سليم: لا في مشكلة في الشغل بفكر فيها بس.
سالم: مشكلة اي دلوقتي عمي بيقولك وافقوا
سليم بابتسامة بارده: بجد مبروك
سالم اول ما شاف رد فعله أستغرب بس متكلمش
ماجد: مالك بتقولها من غير نفس مش انت اللي طلبت
سليم: والله آسف بس في فعلا مشكلة حصلت في الشغل
ماجد باستغراب: مالك اول مرة اشوفك بالشكل ده
سليم قام مرة واحدة: معلش يا عمي معلش يا بابا أنا لازم امشي حالا متعملوش حسابي على العشا بس قبل ما امشي بابا هيكون الوكيل عني في قراية الفاتحة معلش أنا كان نفسي أفضل بس لازم امشي بعد اذنكم
علي باستغراب: براحتك يابني
سالم: انت رايح فين بعد العشا
سليم: رايح القاهرة
سالم: نععععممممم
سليم: هكلمك بكرة سلام ومشي من غير كلمة زياده وأول ما نزل لقى قدامة يوسف
سليم بزعيق: كيف حدث ذلك
يوسف: أنا لا ادري أنا كنت في المطعم اتناول عشائي واتصل بي الامن وابلغني بالانفجار
سليم: هل كان هناك احد
يوسف: لا بحمد الله لم يكن هناك اي شخص
سليم صوته كان عالي لدرجة انهم سمعوه من فوق فطلعوا لقوه بيزعق مع يوسف: واين كان الامن
يوسف: كانوا في الاماكن المتفق عليها
سليم: واين الاشخاص المحتجزين
يوسف: في مكان امن كما طلبت مني
سليم: هيا بنا هل احضرت سيارتي
يوسف: انها مع السائق
سليم: واين هو
يوسف: ها هو قد وصل
سليم: هيا بنا لدينا عمل كثير الليلة
يوسف: حسنا أعلم ذلك ولكن من له يد في هذا
سليم: ستعلم حين نصل
يوسف: هل تعلم شيئاً
سليم بغموض: اعلم الكثير والكثير هيا بنا وذهب بإتجاه السيارة في نفس الوقت الذي وصل فيه اخوه وابوه اليه وقالوا: اي بتزعق كده ليه
سليم: متشغلوش بالكم أنتم استمتعوا وأنا هكلمكم بعدين المهم هيكون عندكم كمان ربع ساعة طقم حرس هيوصلوكم البيت وهيخلوا بالهم منكم عقبال اما ارجع
سالم: أنا كده قلقت هو في أي
سليم: الفرع الجديد للشركة انفجر من شويه
ماجد: اي
سالم: فهمت وانت رايح فين بقى
سليم رد بغموض: رايح اعلمهم الادب هكلمك متخليش حد يروح في حته من غير الحرس يا بابا علشان خاطري وخد بالك وقول لعم علي على الحرس اللي هيكونوا معاه وقبل ما يمشي لقوا اثنا عشر عربيه دخلوا عليهم ووقفوا ونزل من واحده منهم راجل ضخم وقف قدام سليم وقاله الاوامر
سليم: سته مع العائلة وسته هنا عارفين النظام تمام
طيب اللي هنا عندهم سيارات
سليم: السيارة اللي مع حازم و احمد هتبقى مخصصة لعيلة خطيبتي اما اللي مع حسام وحمزة دي اللي مخصصة لعيلتي فهمت مش عايز اي خطأ وبدون أي ظهور تمام يا حسام.
حسام: فاهم سليم باشا.
سليم: عرفت حاجة جديدة
حسام: كل حاجة وصلت عندك على الموبايل
سليم:كل يوم بتثبت ليا ان اختياري صح
حسام: أنا في خدمة سيادتك
سليم: متنساش الدكتور
حسام: خلاص الموضوع مشي زي ما طلبت
سليم: كده نبدأ الشغل وسلم على ابوه وقاله في عربيتين بالسواقين موجودين معاكم هنا لاي مشوار وزيهم موجودين مع عم علي والجماعة برضوا تمام
ماجد: تمام
سليم أنا ماشي سلام وركب عربيته ومشي
ماجد لسالم: ماله اخوك قلب كده ليه
سالم: شكل في مصيبة كبيرة حصلت عنده تعالى نطلع فوق وبكرة هنعرف كل حاجة
ماجد: تمام وطلعوا فوق لقوا الكل قاعد في الصالة وأول ما دخلوا راحت سلمى جري عليهم اي اللي حصل
سالم: فرع الشركة اللي اخوكي بيفتحها هنا ولع
آلاء وروضة بصوت واحد: لا حول ولا قوة الا بالله ازاي ده حصل
سالم: معرفش بس كل اللي عرفته ان احنا داخلين على ايام صعبه
علي: طيب ممكن سؤال
سالم: اتفضل يا عمي
علي: هو ده حادثة ولا مدبر
سالم: تقريباً مدبر وتقريباً من ناس برة مصر
علي وماجد: ازاي
سالم: أنا كنت بنزل معاه الشركة الأيام اللي فاتت وشفته بيتكلم مع يوسف عن ناس اصحاب شركات طيران منافسة ليه وبينهم مشاكل بس عمر سليم ما عملهم مشاكل بل بالعكس ده كان بيبعد عنهم طول الوقت وبيتجنبهم علشان متحصلش مشاكل بس تقريبا هما لما عرفوا ان خلاص هينقل فرع الشركة لمصر قاموا اتضايقوا لان الشركة اللي هما بينافسوها مش بتنكسر بل بالعكس بتبقى اقوى
علي: طيب هو اخوك هيعمل اي
سالم: متخافش اخويا بيعرف يجيب حقه من غير ما يأذي اي شخص مهما كان عدوه
علي: طيب ده مش خطر عليه
سالم: لحد دلوقتي محدش يعرف انه هو صاحب شركة الطيران من الأساس غير احنا ويوسف بس
علي: طيب اي حكاية الحراسة دي هو مش عارف انه كده هيلفت الانتباه ليه
سالم: بصراحة أنا مش فاهم هو مصر المرة دي ومش قادر افهم حاجة وبعد ساعتين لقوا في التلفزيون خبر الاانفجار وعرفوا ان الانفجار كان كبير لدرجة انه دمر الشركة بالكامل بشكل يخض وظهر سليم ويوسف على التلفزيون في مؤتمر صحفي وكانت صدمة لسالم وابوة اللي استغربوا التصرف ده بس محدش علق بس عرفوا ان الشركة اتدمرت بسبب إنفجار قنبلة جواها عن طريق ناس مش مصريين وهربوا قبل الانفجار وبس هنا فهم الكل ليه اصر على وجود الحرس حواليهم
وهما قاعدين يسمعوا المؤتمر
الصحفي: اي رأي حضرتك في اللي حصل في الشركة ده
سليم: دة قضاء ربنا سبحانة وتعالى وأنا الحمد لله راضي
الصحفي: طيب هو حضرتك بتتهم حد معين
سليم: لا الله اعلم
الصحفي: بس اللي عمل كده اكيد في حاجة بينك وبينه علشان يعمل كده
سليم: اعداء النجاح لا حصر لهم و أنا لا اهتم بهم
الصحفي: بس كده الافتتاح هيتأخر
سليم: ان شاء الله هيكون الافتتاح في الموعد.
الصحفي: ازاى وفرع الشركة متدمر بالشكل ده
سليم: أعتقد ان أنا قلت ان شاء الله هيكون الافتتاح في الموعد وبعد اذنكم المقابلة انتهت
وقام من مكانه هو ويوسف واتحركوا بره القاعة وركبوا السيارات ومشو
عند اصحاب الشركات الاجنبية
جوزيف: ما هذا هل هذا شريك يوسف المصري
اليساندرو: أجل انه هو
مايك: يبدو ان مهمتنا ستكون سهلة
سام: اكيد
وفي نفس اللحظة ياتي لهم اشعارات على موبايلاتهم بكارثة
جوزيف: كيف حدث هذا
اليساندرو: ماذا يعني ذلك
مايك: هل كان هو طوال ذلك الوقت
اما سام فسقط ارضا مغمى عليه من الصدمة حاولوا افاقته حتى افاق وقال كلمة واحدة: انتهينا
جوزيف: انتهينا
اليساندرو: لا اصدق هذا
مايك: كيف استطاع ان يفعل ذلك
جوزيف: إذا هو من اشترى الحصص الاضافية من الاسهم التي ساعدتنا على النهوض مجددا وجعلنا جميعاً تحت يديه والان سيجعلنا نعلن افلاسنا
مايك: ماذا نفعل فهو قد طرح جميع اسهمه في شركاتنا للبيع بسعر جعل شركاتنا تخسر ما يعادل ٨٠٪ من قيمتها وهذا سينهي الشركات إلى الأبد
جوزيف: لا اعلم فأنا لا املك ما يكفي لشراء اسهم الشركة منه
مايك: ولا أنا بل الآن أنا صرت مديونا بنصف قيمة الشركة
اليساندرو: لقد علم كل شئ عنا اي انه يعلم ان ما فعله الآن جعلنا ننهار
سام: انا انتهيت تماما
جوزيف: هل لدى احدكم اي حل
جميعهم: لا ليس لدينا اي حل
جوزيف: يبدوا ان نهايتنا قد حانت وقد لعبها علينا كما يجب
مايك: هل تقول اننا لن يكون لنا وجود من جديد
سام: انا سأبيع الشركة لاسدد المديونيات التي على
اليساندرو: وأنا أيضاً هذا هو الحل الذي أمامي
جوزيف: وأنا أيضاً
مايك: سوف نبيع شركاتنا جميعا في نفس الوقت
جوزيف: أجل حتى نتفادى هذا الرجل
مايك: وماذا ستفعل معه
جوزيف: الآن تأكدت انني لن اقدر عليه لأنني وببساطة انتهت علاقتي بشركات الطيران
الكل رد عليه: حسناً كما تريد
جوزيف: أنا فقط لدي سؤال واحد نحن نعلم اننا ان لم يقم بشراء اسهمنا بالقيمة التي اشتراها بها وانتظر قليلا لكانت تلك الاسهم انخفضت قيمتها وخسرنا ومن الممكن الا نستمر اي انه قام بمساعدتنا على البقاء في السوق لما فعل ذلك؟
اليساندرو: إجابة هذا السؤال عنده هو فقط
مايك: او عند يوسف شريكه لأنه بالتأكيد تحدث معه في هذا الأمر
جوزيف: أنا سأذهب لمصر أريد اجوبة على اسئلتي
عند آلاء وعائلتها
آلاء: هو اخوكي ده طبيعي
سلمى: اشمعنى
آلاء: أصل اللي يشوف الهدوء والبرود اللي بيتكلم بيه في المؤتمر ميصدقش ان هو ده صاحب الفرع المحروق
سلمى: لا ده العادي بتاعه بس خدي بالك بروده ده أصعب من عصبيته ومخيف أكتر بكتير
آلاء: يعني الخوف من الهدوء أكتر من العصبية
سلمى: انتي مش عارفة حاجة برود سليم معناه حاجة واحدة بس الا وهي ان الضربة هتكون مفاجأة وغير متوقعة ومنها للقبر على طول بس ده برة مش معانا
آلاء: بمعنى
سلمى: سليم عمره ما خبى عننا اي حاجة او بمعنى ادق سليم دائماً بيحب يفهم اللي بيحصل بهدوء بس أكتر حاجة تعصبه وتخليه يخرج عن شعوره هي الكذب او انك تخبي عنه حاجة مهما كانت صغيره او تافهه يعني من الآخر اي حاجة تحصل لازم تحكيهاله مهما كانت.
آلاء: بمعنى
سلمى: مع سليم كل حاجة تتحكي وتتقال مهما كانت اي لازم تحكيله كل اللي بيحصل ولازم يعرف اللي بيتم من وراه والأفضل كمان لو تشاركيه في كل حاجة عنك وهو هتلاقيه بيشاركك كل حاجة عنه.
آلاء: فهمت ربنا يستر
سلمى: مالك
آلاء: أصل أنا مش بعرف اتكلم مع حد عن حياتي أبداً
سلمى: يبقى مع سليم لازم تتعودي على كده أه وحاولي دائما تتكلمي مع سليم وتفتحي مواضيع لان سليم مش هيكلمك الا لو اتكلمتي انتي معاه.
آلاء: يعني ممكن اتكلم معاه في ايه
سلمى: في اي حاجة
آلاء: طيب اي أكتر حاجة بيحب سليم انه يتكلم فيها
سلمى: معرفش
آلاء: نعم ازاي ده
سلمى: أصل كل أما اكلمه في موضوع الاقيه عارفه وبيتكلم فيه وبيفهمني اللي ناقص مني كله
آلاء: مفيش حاجة بتحسي انه بيحب يتكلم فيها
سلمى: أنا دائما بحس ان سليم بيحب اننا نتكلم معاه بس في اي حاجة وعارفة مثلا لو بنتكلم في موضوع ووقفنا مثلا في نقطة مش فاهمينها بيعمل اي علشان نكمل كلام في الموضوع ونفهمه أكتر
آلاء: بيعمل اي
سلمى: بنقعد سوا نبحث في الموضوع ونتشارك ونفهم ونتكلم ونبسط المعلومات لبعض لحد ما نخلص ونفهم الموضوع كامل وبعدين نبدأ في موضوع تاني
آلاء: افهم من كلامك ان سليم اتكلم معاه في أي موضوع الاقيه في دماغي
سلمى: بالظبط كده عارفة لو سليم حس انك فاهمة مثلا موضوع أكتر منه هتلاقيه بيسألك في كل حاجة عنه لحد ما يبقى زيك وتلاقيه بيحب يتكلم معاكي في الموضوع ده كتير لحد ما انتي تزهقي منه
آلاء: ده كده انتي بتتكلمي عن أكتر حاجة كان نفسي تكون في شريك حياتي الا ان الفرق ان أنا كنت نفسي ان هو اللي يفتح المواضيع
سلمى: هو ده عيب سليم مبيعرفش يفتح مواضيع انتي عارفة مثلا لو هو بيكلمك في التليفون ومفيش حاجة تتكلموا فيها بيفضل حاطط الفون على ودنه بيسمعك من غير ما يقفل مرة قعدت نص ساعه اكلمه وبعدين مفيش حاجة نتكلم فيها وهو ساكت وأنا كمان لحد ما سألته انت نمت قالي لا بس أنا قاعد مستنيكي تتكلمي
آلاء: للدرجة دي
سلمى: واكتر عامة اهو يوم الخميس الجاي هتبقوا مع بعض وهتفهمي كلامي.
آلاء: بصراحة أنا خائفة
سلمى: اوعي في يوم تخافي من سليم لأنه لو حس انك خائفة منه هتلاقيه بيبعد عنك لوحده
آلاء: ازاي
سلمى: سليم مبيحبش يكون تقيل على حد او بمعنى تاني مبيحبش يفرض نفسه على حد لو حس انه مش مرحب بيه في أي مكان بيمشي ومبيرجعش تاني ولو حس ان هو مش مرغوب فيه عند شخص بيبعد عنه نهائي فهمتيني
آلاء: فهمتك بس انتي مش شايفة ان دي سلبية زيادة عن اللزوم
سلمى: سليم كان أكتر شخص بيتمسك بالناس اللي بيحبهم بس حصل معاه شويه حاجات خلته كده وياريت متسألينيش اي هي الحاجات دي لأني مش هقدر اقولك وده علشان سليم هيحكيهالك لو حب بس أنا مقدرش احكيلك لإنها حاجة خاصة بيه هو.
روضة: مش كفاية كلام عن سليم بقى بقالكم ساعتين بتتكلموا وناسيين أن أنا هنا
سلمى: والله نسيتك من كتر مانا مركزه مع آلاء مش عايزة تعرفي حاجة عن سالم انتي كمان
آلاء: لا مش محتاجة لإنها تعرف عنه كل حاجة من الكلية
سلمى: بجد
روضة: لا مش للدرجة دي
آلاء: عليا أنا الكلام ده ده انتي اديتيني عنه محاضرة لما وصلنا هنا يوم موصلنا بعربية سليم
روضة ووشها أحمر من الكسوف: بس يا آلاء بقى وبعدين كل اللي عرفته عنه كان عن طريق الصدفة من صاحباتي اللي كانوا بيتكلموا عنه
سلمى: وصاحباتك بيتكلموا عنه ليه
روضة: لأنهم معاه في القسم وهو دائما دمه خفيف وبيحب الهزار والضحك فمعروف في قسمه وعلشان كده بيتكلموا عنه
سلمى: اقولك على حاجة انتي حظك احسن من آلاء شويه على الرغم ان آلاء معاها سليم اللي أنا شخصياً بحبه أكتر من سالم لكن سالم سهل تفهميه وتتعاملي معاه لكن سليم التعامل معاه صعب شويه لأنه حساس زيادة عن اللزوم
آلاء: بصراحة كلامك عنه خلاني حسسني شويه بالراحة بس برضوا قلقانة
سلمى: اكيد لازم تقلقي لأنك داخلة على حياة جديدة تماما عليك
آلاء: بس ميمنعش ان أنا مرتاحة لسليم وحاسة انه هيكون كويس معايا
سلمى: أنا عارفة انه هيجي وقت وتحبي سليم بجد لأنه فعلا شخص يستاهل انك تحبيه
آلاء: ما لازم تشهديله ماهو اخوكي
سلمى: لا بجد هو فعلا يستاهل انه يتحب وبعدين أنا كل اللي اقدر اقوله انك هتتعاملي فعلا مع شخص نظيف من جوه وبرة
آلاء: ربنا يسهل
سلمى: أنا جعت انتوا مجوعتوش
آلاء: أنا كمان جعت اوي
روضة: وأنا كمان تعالوا نطلع نشوف هنتعشى امتى
آلاء: يلا بينا وقاموا طلعوا على المطبخ
بره عند الرجال قعدوا يتكلموا مع بعض لحد ما ام آلاء ندهت عليهم علشان العشا وقاموا يتعشوا وخلصوا القاعدة بقراية فاتحة آلاء وسليم وروضة و سالم وبعدين قام ماجد وسالم وسلمى روحوا ودخلت عائلة آلاء يناموا
يتبع......
________________________
